ᐃᐱᓯᒥᐅᓄᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.

ᐃᐱᓯᒥᐅᓄᑦ 1:5 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 3:4

ᐅᖃᕐᕕᒋᕋᑖᓚᐅᓐᖏᓚᕐᒫ? ᐊᑖᑕᒋᓂᕋᕐᓗᖓ, ᐃᓚᓐᓈᕆᓂᕋᕐᓗᖓᓗ ᐃᓅᓱᒃᑑᓂᕐᓂᑦ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᒫᑎᐅᓯᐅᑉ ᐊᒡᓚᖏᑦ 1:25

ᑲᑎᒪᑐᐃᓐᓇᓚᐅᕐᐹᓕ, ᐊᒃᑐᓚᐅᕐᓇᒍ, ᐃᕐᓂᕐᒥᒃ ᐃᕐᓂᓚᐅᖅᑳᕐᑎᓐᓇᒍ; ᐃᓅᖕᒪᓪᓗ ᐊᑎᕐᑖᕐᑎᑉᐹ ᔩᓱᓯᒥᒃ.

ᒫᑎᐅᓯᐅᑉ ᐊᒡᓚᖏᑦ 11:26

ᐃᓛᒃ, ᐊᑖᑖᒃ, ᑕᒪᓐᓇ ᑍᒤᓕᖓᑎᓪᓗᒍ ᖁᕕᐊᒋᒐᕕᐅᒃ.

ᓘᑲᓯᐅᑉ ᐊᒡᓚᖏᑦ 10:21

ᑕᕝᕙᓂ ᐃᑲᕐᕋᒥ ᔩᓱᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᖁᕕᐊᓱᒃᑎᑕᐅᕗᖅ ᐅᖃᕐᓗᓂ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᒥᓗ, ᑕᒪᒃᑯᐊ ᐃᓕᓯᒪᔪᓄᑦ ᓯᓚᑐᔪᓄᓪᓗ ᐃᔨᕐᓯᒪᒐᕕᒋᑦ, ᓄᑕᕋᕐᑎᑑᕐᑐᓄᓪᓕ ᑕᒪᒃᑯᐊ ᓇᓗᓇᕈᓐᓁᕐᑎᓐᓇᕕᒋᑦ; ᐄᓛᒃ, ᐊᑖᑖᒃ, ᑍᒫᒃ ᐱᖁᓯᒪᒐᕕᐅᒃ ᖁᕕᐊᒋᒐᕕᐅᒡᓗ.

ᓘᑲᓯᐅᑉ ᐊᒡᓚᖏᑦ 11:32

ᐅᓪᓗᒥ ᐃᖅᑲᕐᑐᐃᕕᖕᒥ ᓂᓂᕕᒥᐅᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᑦ ᐃᖅᑲᕐᑐᕐᓗᒋᑦ ᓱᒋᐊᕐᑕᐅᖁᓪᓗᒋᑦ; ᑍᒃᑯᐊ ᓂᓂᕕᒥᐅᑦ ᖃᕿᐊᓕᓚᐅᕐᒪᑕ ᐱᐅᖏᑦᑐᓕᓂᕐᒥᖕᓂᒃ ᓇᓚᐅᑦᑍᔪᖅ ᔫᓇ ᐊᔪᕆᕐᑐᐃᑎᓪᓗᒍ ᑐᓵᒐᒥᒃ, ᑕᑯᒋᑦ ᐅᖃᐅᑎᕙᑦᓯ ᔫᓇᒥᑦ ᐊᖏᓂᕐᓴᒥᒃ ᐅᕙᓃᑦᑐᖃᕐᐳᖅ!”

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:48

ᔫᑎᐅᖏᑦᑐᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒃᑐᐊᓘᕗᑦ, ᐊᑕᓂᖅ ᓂᕐᑐᕐᐹᑦ ᐅᖃᐅᓯᖏᑦ ᐱᓪᓗᒋᑦ; ᐃᓄᓯᕐᒥᒃ ᓄᖑᓱᐃᑦᑐᒥᒃ ᐱᑎᑕᐅᒐᒥᒃ ᐅᒃᐱᓕᕐᓗᑎᒡᓗ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᕾᖁᔭᐅᓯᒪᔪᒥᑦ ᐋᐴᓯᑕᓕᐅᖁᓪᓗᒍ ᙭ᔅᑑᓯ ᔩᓱᓯᒧᑦ, ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᓲᔅᑎᓃᓯᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:21

ᒎᑎᐅᑉ ᓯᓚᑐᓂᕐᒥᓄᑦ ᓯᓚᕐᔪᐊᕐᒥᐅᑦ ᓇᖕᒥᓂᖅ ᓯᓚᑐᓂᕐᒥᒃᑎᒍᑦ ᑐᑭᓯᔪᓐᓇᕐᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᕐᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:9

ᖃᐅᔨᑎᓚᐅᕐᐹᑎᒍᑦ ᓇᓗᓇᕐᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᕐᑎᓚᐅᕐᑕᖓ ᙭ᔅᑑᓯᒃᑯᑦ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᑯᓘᓯᐊᒥᐅᓄᑦ 1:19

ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:11

ᑍᒤᒻᒪᑦ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᒍᑦ, ᒎᑎᑦᑎᓐᓄᑦ ᕾᖁᔨᑦᔪᑎᒋᔭᖓᓂᒃ ᑲᔪᓯᑎᑕᐅᔪᓐᓇᖁᓪᓗᓯ, ᑐᓂᓯᕕᐅᖁᓪᓗᓯ ᐱᓇᓱᐊᑦᓯᐊᕈᑎᒃᓴᑦᓯᓐᓂᒃ ᐅᒃᐱᕐᓂᑦᓯ ᐃᓱᓕᑎᑕᐅᑦᓯᐊᑯᓪᓗᒍ ᑖᑦᓱᒪ ᐱᔪᓐᓇᕐᓂᖓᓄᑦ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.