ᐃᐱᓯᒥᐅᓄᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 1:18 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 42:5

ᑕᕝᕙ ᑐᓵᓚᐅᕐᐸᒋᑦ ᓯᐅᑎᓐᓄᑦ ᑐᓵᑦᓯᐊᕐᓗᑎᑦ, ᒫᓐᓇᓕ ᐃᔨᓐᓄᑦ ᓇᖕᒥᓂᖅ ᑕᑯᕙᒋᑦ;

ᐃᓐᖏᕈᑎᑦ 119:18

ᐃᔩᒃᑲᒃ ᑕᑯᑎᒃᑭᒃ, ᑕᑯᖁᓪᓗᖓ ᐱᖁᔭᕕᑦ ᑲᒪᓇᕐᑐᐊᓘᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 11:2

ᐊᑕᓂᐅᑉ ᐊᓂᕐᓂᖓᑕ ᐃᓂᒋᔪᒫᕐᐹ ᐊᓂᕐᓂᐅᑉ ᓯᓚᑐᓂᖃᕐᑎᑦᓯᔫᑉ ᑐᑭᓯᓂᖃᕐᑎᑦᓯᔫᓪᓗ, ᐊᓂᕐᓂᐅᑉ ᑕᓯᐅᕐᓯᓂᖃᕐᑎᑦᓯᔫᑉ ᐱᔪᓐᓇᕐᓂᕐᔪᐊᖃᕐᑎᑦᓯᔫᓪᓗ ᐊᓂᕐᓂᐅᑉ ᖃᐅᔨᒪᓂᖃᕐᑎᑦᓯᔫᑉ ᐊᑕᓂᕐᒥᒡᓗ ᓯᕘᕋᓂᖃᕐᑎᑦᓯᔫᑉ.

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 29:18

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑐᓵᖏᑦᑐᖅ ᑐᓵᓕᕈᒫᕐᐳᖅ ᐊᒡᓔᑦ ᐅᖃᐅᓯᖏᓐᓂᒃ ᐅᖃᓕᒫᕐᑐᒥᒃ, ᑕᐅᑐᖏᑦᑐᕐᓗ ᑖᕐᓯᐅᕐᓗᓂ ᐃᓅᔪᖅ, ᑕᐅᑐᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 32:3

ᐃᔩᑦ ᑕᑯᔪᓐᓇᕐᑐᑦ ᑕᕝᕙᓂ ᑕᑯᓐᓇᑦᓯᐊᕈᒫᕐᐳᑦ, ᑐᓵᔪᓪᓗ ᓯᐅᑎᖏᑦ ᓈᓚᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 13:15

ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’

ᒫᑯᓯᐅᑉ ᐊᒡᓚᖏᑦ 10:17

ᐊᐅᓪᓚᓕᕐᑎᓪᓗᒍ, ᐊᖑᒻᒥᑦ ᐅᓪᓚᒃᑐᒥᑦ ᐅᐸᒃᑕᐅᕗᖅ ᓵᖓᓄᑦ ᐹᒻᒪᒃᑎᕐᓗᓂ, ᔩᓱᓯ ᐊᐱᕆᕚ, “ᐊᔪᕆᕐᑐᐃᔩ ᐱᐅᔪᑎᑦ, ᖃᓄᖅ ᐱᓇᓱᐊᕐᑐᒃᓴᐅᕗᖔ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑭᖑᕐᖑᑦᔨᖁᓪᓗᖓ?”

ᓘᑲᓯᐅᑉ ᐊᒡᓚᖏᑦ 24:45

ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 11:29

ᒎᑎᐅᑉ ᑐᓂᕐᕈᑎᓂ ᕾᖁᔨᓂᓂᓗ ᐊᓯᑦᔨᕐᓯᒪᖏᒻᒪᒋᑦ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 2:12

ᐃᕾᒋᑦᓯ ᑍᑦᓱᒪᓂ ᙭ᔅᑑᓯᖃᕋᓯ ᐊᕝᕗᑎᓯᒪᓚᐅᕐᑐᓯ, ᐃᓴᕆᐊᓕᒥᐅᓪᓗ ᓂᕈᐊᕐᑕᐅᓯᒪᓂᖏᓐᓄᑦ ᐃᓚᒋᔭᐅᓚᐅᖏᑦᑐᓯ, ᐊᖏᕈᑕᐅᓯᒪᔪᒥᒡᓗ ᐱᓯᒪᖃᑕᐅᓚᐅᖏᑦᑐᓯ, ᑍᒤᑦᑑᓪᓗᓯ ᐃᓅᓚᐅᕐᑐᕐᓯ ᐅᕙᓂ ᓯᓚᕐᔪᐊᕐᒥ ᓂᕆᐅᒋᔭᒃᓴᖃᕋᓯ ᒎᑎᖃᕋᓯᓗ.

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐃᐱᓯᒥᐅᓄᑦ 4:4

ᑎᒥ ᐊᑕᐅᓯᐅᖕᒪᑦ ᐊᓂᕐᓂᕐᓗ ᐊᑕᐅᓯᐅᓪᓗᓂ, ᓲᕐᓗᑦᑕᐅᖅ ᕾᖁᔭᐅᓯᒪᒐᑦᓯ ᒎᑎᒧᑦ ᓂᕆᐅᒋᔭᒃᓴᖃᖁᓪᓗᓯ ᐊᑕᐅᓯᕐᒥᒃ,

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᐱᓕᐱᒥᐅᓄᑦ 3:14

ᓯᕗᒧᐊᑦᓯᐊᕋᓱᐊᕐᐳᖓ ᓵᓚᖃᐅᑎᒃᓴᖅ ᐱᕕᐊᕐᓇᕐᑐᕐᔪᐊᖅ ᐱᑖᕆᔪᒪᓪᓗᒍ ᑕᒪᓐᓇ ᒎᑎᐅᑉ ᕾᖁᔨᑦᔪᑎᒋᖕᒪᒍ ᔩᓱᓯ ᙭ᔅᑑᓯᒥ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑯᓘᓯᐊᒥᐅᓄᑦ 2:2

ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ.

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:8

ᐅᕙᒍᓪᓕ ᐅᓪᓘᑉ ᕿᑐᕐᖓᕆᖕᒪᑎᒍᑦ, ᑍᒤᒻᒪᑦ ᖃᐅᔨᒪᓇᓱᐊᑦᓯᐊᕐᑐᒃᓴᐅᕗᒍᓪᓕ, ᐅᒃᐱᕐᓂᖅ ᓇᒡᓕᖕᓂᕐᓗ ᓴᒡᕕᖕᒥᐅᑕᕐᑎᑐᑦ ᐱᔭᐅᒌᒃᑯᑕᕆᓗᒍ, ᓇᓴᕐᓯᒪᓗᑕᓗ ᓂᕆᐅᖕᓂᕐᒥᒃ ᐱᐅᓕᔭᐅᕕᖕᒥᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:11

ᑍᒤᒻᒪᑦ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᒍᑦ, ᒎᑎᑦᑎᓐᓄᑦ ᕾᖁᔨᑦᔪᑎᒋᔭᖓᓂᒃ ᑲᔪᓯᑎᑕᐅᔪᓐᓇᖁᓪᓗᓯ, ᑐᓂᓯᕕᐅᖁᓪᓗᓯ ᐱᓇᓱᐊᑦᓯᐊᕈᑎᒃᓴᑦᓯᓐᓂᒃ ᐅᒃᐱᕐᓂᑦᓯ ᐃᓱᓕᑎᑕᐅᑦᓯᐊᑯᓪᓗᒍ ᑖᑦᓱᒪ ᐱᔪᓐᓇᕐᓂᖓᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᒧᑎᒧᑦ ᓯᕗᓪᓖᑦ 6:12

ᐅᒃᐱᕐᓂᒃᑯᑦ ᐅᓇᑕᕐᑎᐅᑦᓯᐊᕆᑦ; ᐃᓅᓯᖅ ᓄᖑᓱᐃᑦᑐᖅ ᐱᓯᒪᓗᒍ ᑕᒪᑐᒧᖓ ᕾᖁᔭᐅᓯᒪᓃᑦ ᓇᓗᓁᓚᐅᕋᕕᐅᒃ ᐃᓄᐃᑦ ᐊᒥᓱᑦ ᓵᖏᓐᓂ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᑍᑑᓯᒧᑦ 3:7

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᒥᒃ ᓂᕆᐅᖕᓂᕐᑖᕆᓯᒪᔭᑦᑎᒃᓂᒃ.

ᐄᑉᕈᐃᓄᑦ 10:32

ᐃᖅᑬᓚᐅᕆᑦᓯ ᐊᑐᓚᐅᕐᑕᑦᓯᓐᓂᒃ, ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᑐᑭᓯᑎᑕᐅᓯᒪᓕᕐᑎᓪᓗᓯ, ᖃᓄᑐᐃᓐᓈᓗᒃ ᐅᖁᒤᒃᓴᕐᑎᑕᐅᓚᐅᕋᑦᓯ ᐋᓐᓂᐊᑎᑕᐅᓪᓗᓯᓗ,

ᐄᑉᕈᐃᓄᑦ 6:4

ᓵᒋᐊᕐᑎᑕᐅᒃᑲᓐᓂᕈᓐᓇᓐᖏᓚᑦ ᖃᐅᒻᒪᒃᓴᕐᑕᐅᓯᒪᓚᐅᕐᑐᑦ, ᑐᓂᕐᕈᑎᓂᒡᓗ ᕿᓚᖕᒥᑦ ᐱᔪᓂᒃ ᐆᒃᓯᓯᒪᔪᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓚᖏᐅᑎᑎᑕᐅᓯᒪᔪᑦ,

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.