ᐃᓕᓯᒪᓃᑦ ᐃᒃᓖᓯᐊᓯᑏᔅ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᖃᐅᔨᒪᕗᖓ ᒎᑎᐅᑉ ᖃᓄᐃᓕᐅᕐᓂᖏᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᒪᑕ. ᓱᓇᒥᒃ ᐃᓚᔭᐅᔪᓐᓇᓐᖏᓚᑦ, ᓱᓇᒥᒡᓘᓐᓃᑦ ᐃᓚᓐᖓᕐᑕᐅᔪᓐᓇᓐᖏᓚᑦ. ᒎᑎᐅᑉ ᓴᓇᓚᐅᕐᒪᒋᑦ ᐃᓄᐃᓪᓗ ᓯᕘᕋᔭᕆᐊᖃᕐᐳᑦ ᒎᑎᐅᑉ ᓵᖓᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:14 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᐃᓐᖏᕈᑎᑦ 33:11

ᐊᑕᓂᐅᓪᓕ ᓯᕗᓂᕐᒧᑦ ᐋᖅᑭᒃᓯᒪᔭᖏᑦ ᐃᓱᖃᖏᑦᑐᒧᑦ ᑲᔪᓯᕗᑦ, ᐆᒻᒪᑎᒥᒍᑦ ᓯᕗᒧᑦ ᐋᖅᑭᒃᓱᕐᓯᒪᔭᖏᑦ ᑭᖑᕚᖑᖃᑎᒌᓄᑦ ᑕᒤᓐᓄᑦ.

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᐋᐴᓯᑕᓖᑦ ᐱᓂᐊᕐᓂᖏᑦ 5:39

ᒎᑎᒥᓪᓕ ᐱᒃᐸᑦ, ᓵᓚᖃᕈᓐᓇᓐᖏᓚᓯ. ᐊᒡᓛᑦ ᖃᐅᔨᔭᐅᒐᔭᕐᐳᓯ ᒎᑎᒥᒃ ᐊᑭᕋᕐᑐᓕᕐᑎᓪᓗᓯ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:6

ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ, ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐃᐱᓯᒥᐅᓄᑦ 3:11

ᒎᑎ ᐃᓱᖃᖏᑦᑐᒥᑦ ᐱᓇᓱᐊᕈᒪᓯᒪᔭᒥᓂᒃ ᓈᒪᒃᓯᑎᑦᓯᓚᐅᕐᐳᖅ ᙭ᔅᑑᓯ ᔩᓱᓯᒃᑯᑦ ᐊᑕᓂᑦᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 46:10

ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:7

ᐅᓄᕐᑐᓂᒃ ᓯᓐᓇᒃᑑᒪᓂᖃᕐᑎᓪᓗᒍ, ᐅᓄᕐᑐᓂᒡᓗ ᐅᖃᐅᓯᕐᑕᖃᕐᑎᓪᓗᒍ ᓱᓕᖏᓐᓂᕐᑕᖃᕐᒪᑦ. ᒎᑎᓕ ᓯᕘᕋᒋᒍᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:21

ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᐃᓐᖏᕈᑎᑦ 64:9

ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᑖᓂᐊᓕᐅᑉ ᐊᒡᓚᖏᑦ 8:8

ᒎᑦᓯ ᑖᓐᓇ ᐊᔪᕈᓐᓃᕐᐸᓪᓕᐊᑐᐃᓐᓇᕐᐳᖅ, ᐱᔪᓐᓇᕐᓂᖓᑕ ᐊᔪᖏᓐᓂᕐᐹᖓᓂ, ᓇᒡᔪᖓ ᓇᑲᓪᓗᓂ ᐲᕐᐳᖅ, ᐃᓂᖓᓂᓕ ᐱᕈᕐᑐᖃᕐᐳᖅ ᓇᒡᔪᖕᓂᒃ ᓯᑕᒪᓂᒃ ᖁᒻᒧᑦ ᓴᖕᒥᔪᓂᒃ ᑐᕌᕐᓗᑎᒡᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᓴᒧᐃᓕ ᐂᑉᐸᖏᑦ 22:31

ᑖᓐᓇ ᒎᑎ-ᐱᓂᐊᕐᓂᖃᕐᐳᖅ ᓈᒻᒪᓈᑦᓯᐊᕐᑐᒥᒃ; ᐊᑕᓂᐅᑉ ᐊᖏᕈᑎᒋᓯᒪᔭᖏᑕ ᓱᓕᓂᖏᑦ ᓴᖅᑭᑎᑕᐅᕗᑦ; ᓴᐴᓗᑕᐅᕗᖅ ᕿᒫᔪᓕᒫᓄᑦ ᑖᑦᓱᒧᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:6

ᖃᓂᕐᐱᑦ ᐊᔪᕐᑐᓕᑎᑦᑍᓕᓕᑎᑦ, ᐅᖃᕐᓂᐊᕐᓇᒡᓗ ᒎᑎᐅᑉ ᐅᖃᕆᐊᕐᑐᕐᑎᑕᖓᓄᑦ ᑕᒻᒪᕐᓂᕋᕐᓗᒍ. ᓱᖕᒪᑦ ᒎᑎ ᓂᓐᖓᐅᒪᔭᕆᐊᖃᕐᐹ ᐸᓯᔭᐅᔪᒪᖏᓐᓂᕐᓂᒃ, ᐊᒡᒐᖕᓄᓪᓗ ᓴᓇᓚᐅᕐᑕᕐᓂᒃ ᐊᓯᕈᐃᓗᓂ?