ᒨᓯᓯ ᑕᓪᓕᒪᖏᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐱᔨᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᐃᓱᒪᒋᓐᖏᓚᐅᒃᑭᑦ ᒫᓐᓇ ᐃᓅᖃᑎᒌᑦ ᑐᓴᕈᓐᓇᖏᑦᑐᐊᓘᓂᖏᑦ, ᐱᐅᖏᑦᑐᓕᓂᖏᓪᓗ, ᐊᔪᕐᑐᓕᓂᖏᓪᓗ.

ᒨᓯᓯ ᑕᓪᓕᒪᖏᑦ 9:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:29

ᐃᒤᓚᐅᕐᐳᖅ, ᒎᑎᐅᑉ ᐃᒡᓗᒐᓮᑦ ᐊᓯᕈᕋᒥᒋᑦ ᓇᕐᓴᒦᑦᑐᑦ, ᒎᑎᐅᑉ ᐂᑉᕋᕼᐋᒻ ᐃᖅᑲᐅᒪᓚᐅᕐᐹ, ᓘᑎ ᐊᐅᓪᓚᕐᑎᓪᓗᒍ ᓄᖑᑕᐅᔪᑦ ᐊᑯᕐᖓᓐᓂᑦ, ᓄᖑᓐᓂᐊᓕᕋᒥᒋᑦ ᐃᓗᒐᓮᑦ ᓘᑎᐅᑉ ᓄᓇᖃᕐᕕᒋᔭᖏᑦ.

ᐃᓐᖏᕈᑎᑦ 130:3

ᐊᑕᓃᖅ, ᐊᔪᕐᑐᓕᓂᑦᑎᓐᓂᒃ ᑎᑎᕋᕐᓯᒪᒐᔭᕈᕕᑦ, ᐊᑕᓃᖅ, ᑭᓈ ᓇᖏᕈᓐᓇᕋᔭᕐᐹ?

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᒨᓯᓯ ᐂᑉᐸᖏᑦ 13:5

ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ.

ᒨᓯᓯ ᐂᑉᐸᖏᑦ 3:16

ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᒨᓯᓯ ᐂᑉᐸᖏᑦ 32:13

ᐱᔨᒋᓚᐅᕐᑕᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭᓗ, ᔧᑯᓗ, ᑖᒃᑯᓄᖓ ᐊᖏᒻᒪᕆᓚᐅᕋᕕᑦ ᑭᖑᕚᖃᕈᒫᕐᓂᕋᕐᓗᒋᑦ ᐅᓪᓗᕆᐊᑎᑐᑦ ᐅᓄᕐᑎᒋᔪᓂᒃ ᑭᖑᕚᖏᓪᓗ ᓄᓇᒥᒃ ᐊᖏᕈᑎᒋᓯᒪᔭᕐᓂᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᓄᓇᒋᓂᐊᕐᑕᖏᓐᓂᒃ ᐃᓱᖃᖏᑦᑐᒧᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:12

ᒎᑎ ᐃᓱᐊᕐᑑᒐᒥ ᓯᓚᑐᓂᕐᒥᓄᑦ ᐱᐅᖏᑦᑑᑉ ᓇᔪᕐᑕᖓ ᖃᐅᔨᓴᕐᐹ, ᐱᐅᖏᑦᑑᓪᓗ ᐱᓂᐊᕐᓂᖏᑦ ᐊᓯᕈᕐᑕᐅᑎᑉᐰᑦ.

ᔨᕆᒤᐊᐅᑉ ᐊᒡᓚᖏᑦ 14:21

ᐊᑏᑦ ᐱᑦᔪᑎᒋᓗᒍ ᓇᕐᕈᒋᓕᕐᑍᓕᑎᒍᑦ, ᐃᒃᓯᕙᐅᑕᕐᔪᐊᑦ ᐅᐱᒋᔭᐅᔪᓐᓃᕐᑎᑦᑍᓕᒍᒃ; ᐊᖏᖃᑎᖃᕐᓯᒪᓂᑎᑦ ᐅᕙᑦᑎᓐᓄᑦ ᐳᐃᒍᕐᑍᓕᒃᑭᑦ, ᓯᖁᑦᑎᕐᑍᓕᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᒨᓯᓯ ᐱᖓᔪᖏᑦ 26:42

ᑕᕝᕙ ᐃᖅᑬᓕᕋᔭᕐᐳᖓ ᐊᖏᖃᑎᒌᒍᑎᒋᓯᒪᔭᓐᓂᒃ ᔧᑯᒧᑦ, ᐂᓴᑭᒧᓪᓗ, ᐂᑉᕋᕼᐋᒻᒧᓪᓗ, ᐊᖏᕈᑎᒋᓯᒪᔭᕋ ᓄᓇ ᐃᓄᖁᑎᓐᓄᑦ ᓄᑖᓐᖑᕐᑎᓕᕋᔭᕐᐸᕋ.

ᒨᓯᓯ ᐱᖓᔪᖏᑦ 26:45

ᑖᒃᑯᐊᓕ ᐱᑦᔪᑎᒋᓪᓗᒋᑦ ᐊᖏᖃᑎᒌᒍᑎᒋᓯᒪᔭᕋ ᓯᕗᓕᖏᓐᓄᑦ ᐃᖅᑲᐅᒪᔪᒪᕙᕋ ᑖᒃᑯᐊ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐃᓅᖃᑎᒌᒡᔪᐊᑦ ᐱᔪᓐᓇᕐᓂᓐᓂᒃ ᑕᑯᑎᓚᐅᕋᒃᑭᑦ, ᐃᓄᖁᑎᓐᓄᑦ ᒎᑎᒋᔭᐅᔪᒪᓪᓗᖓ. ᐅᕙᖓ ᐊᑕᓂᐅᒐᒪ.”

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᑕᓪᓕᒪᖏᑦ 9:28

ᐄᑦᔨᑉᑎᒥᐅᑦ ᐅᖃᐅᓯᖃᓕᖁᓇᒋᑦ ᐃᓕᖕᓂᒃ ᐃᓄᖁᑎᓂ ᓄᓇᒧᑦ ᐊᖏᕈᑎᖏᓯᒪᔭᒥᓄᑦ ᑎᑭᑎᑦᓱᓐᓇᓐᖏᓔᑦ. ᐅᖃᓕᕋᔭᕆᕗᑦ ᐃᓄᖁᑎᓂ ᐃᓄᖃᖏᑦᑐᒧᐊᕈᑎᓚᐅᕐᐰᑦ ᑐᖁᑦᑕᕐᑐᕈᒪᓪᓗᖏᑦ, ᐃᓄᖁᑎᓂ ᐆᒥᒋᓕᕋᒥᒋᑦ.

ᓴᒧᐃᓕ ᓯᕗᓪᓖᑦ 25:25

ᐊᖓᔪᖅᑳᕋ ᐃᓱᒪᒋᑦᑍᓕᒍᒃ ᓁᐴᓪ ᐃᓱᒪᓗᒃᑐᖅ; ᐊᑎᖓ ᒪᓕᒃᐳᖅ ᐃᓄᖕᒥᓄᑦ; ᓁᐳᓪᒥᒃ ᐊᑎᖃᕋᒥ, ᓯᒃᑲᖓᓂᖅ ᐱᒋᕚ; ᐅᕙᖓᓕ ᐱᔩᑦ ᐊᖓᔪᖅᑳᒪ ᑎᓕᓚᐅᕐᑕᖏᓐᓂᒃ ᐃᓅᓱᒃᑐᓂᒃ ᖃᐅᔨᓚᐅᓐᖏᓚᖓ.