ᒨᓯᓯ ᑕᓪᓕᒪᖏᑦ 9:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᑕᓪᓕᒪᖏᑦ 9:26 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᐊᑕᓃᑦ ᓯᕗᓪᓖᑦ 8:51

ᑖᒃᑯᐊ ᐃᓄᖁᑎᒋᒐᕕᒋᑦ, ᓇᖕᒥᓂᕐᑖᕆᓯᒪᓪᓗᒋᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᑕᑎᑦ, ᓴᕕᕋᔭᖕᒥᒃ ᐊᐅᒃᑎᑦᓯᕕᐅᑉ ᐃᑯᐊᓚᔫᑉ ᐃᓗᐊᓂᑦ.

ᐊᑕᓃᑦ ᓯᕗᓪᓖᑦ 8:53

ᑖᒃᑯᐊ ᓂᕈᐊᕐᓗᒋᑦ ᓴᓂᕐᕙᒃᓯᒪᒐᕕᒋᑦ ᐃᓄᓕᒫᑦ ᓄᓇᕐᔪᐊᕐᒥᐅᑦ ᐊᑯᕐᖓᓐᓂᑦ, ᓇᖕᒥᓂᖅ ᐱᒋᔪᒪᓪᓗᒋᑦ, ᑍᒫᒃ ᐅᖃᓚᐅᕋᕕᑦ ᐱᔨᒃᑯᑦ ᒨᓯᓯᒃᑯᑦ, ᑍᑦᓱᒪᓂ ᓯᕗᓪᓕᕕᓂᕗᑦ ᐊᓂᑎᓕᕋᕕᒋᑦ ᐄᑦᔨᑉᑎᒥᑦ, ᐊᑕᓃᖅ ᒎᑏ.”

ᓂᕼᐃᒤᐊᐅᑉ ᐊᒡᓚᖏᑦ 1:10

“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᓂᕐᔪᐊᕐᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᓄᓪᓗ.

ᐃᓐᖏᕈᑎᑦ 106:23

ᑍᒤᒻᒪᑦ ᐅᖃᓚᐅᕐᐳᖅ ᑖᒃᑯᓂᖓ ᓄᖒᑦᓯᔪᒪᓕᕐᓗᓂ, ᓂᕈᐊᕐᓯᒪᔭᖓᓕ ᒨᓯᓯ ᒎᑎᐅᑉ ᓵᖓᓂ ᓂᑯᕕᓚᐅᕐᐳᖅ, ᓂᓐᖓᐅᒪᓂᖓ ᓴᖑᑎᓪᓗᓂᐅᒃ, ᓄᖒᑦᓯᖁᓇᒍ ᑖᒃᑯᓂᖓ.

ᐃᓐᖏᕈᑎᑦ 107:2

ᐊᑕᓂᐅᑉ ᐱᐅᓕᓯᒪᔭᖏᑦ ᑍᒫᒃ ᐅᖃᕐᓕᑦ, ᐊᑭᕋᕐᑐᕐᑎᖏᓐᓂᑦ ᐱᐅᓕᓚᐅᕐᑕᖏᑦ;

ᐃᓐᖏᕈᑎᑦ 28:9

ᐃᓄᖁᑎᑎ ᐱᐅᓕᓚᐅᒃᑭᑦ ᓮᒻᒪᕐᑎᓪᓗᒋᓪᓗ ᑭᖑᕐᖑᑎᔭᒃᓴᑎᑦ; ᑖᒃᑯᓄᖓ ᐰᕐᓯᔨᐅᓕᕆᑦ ᐊᒡᔭᕐᓗᒋᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 57:1

ᓂᑲᒋᓚᐅᓐᖓ ᒎᑏ, ᓂᑲᒋᓚᐅᓐᖓ! ᑕᕐᓂᕐᒪ ᕿᒫᕕᒋᖕᒪᑎᑦ; ᐃᓴᕈᕐᐱᑦ ᑕᕐᕋᓕᓂᖏᒃᑕ ᐊᑖᓂ ᕿᒫᓯᒪᔪᒪᕗᖓ, ᑕᒪᒃᑯᐊ ᖃᓄᐃᓐᓇᕐᑐᑦ ᐊᓂᒍᓚᐅᖏᓐᓂᖏᓐᓂ.

ᐃᓐᖏᕈᑎᑦ 77:15

ᐃᓄᖁᑎᑎᑦ ᑕᓕᕐᓄᑦ ᐱᓇᓱᐊᕐᓗᑎᑦ ᐱᐅᓕᓯᒪᕙᑎᑦ, ᔧᑰᑉ ᔫᓯᐱᐅᓪᓗ ᑭᖑᕚᖏᑦ. ᓰᓚ

ᐃᓐᖏᕈᑎᑦ 78:35

ᐃᖅᑬᓕᕐᓗᑎᒡᓗ ᒎᑎ ᕾᕐᑐᕆᒐᒥᑦᔪᒃ, ᒎᑎ ᖁᑦᓯᖕᓂᕐᐹᖑᔪᖅ ᓴᐳᑦᔨᔨᒋᒐᒥᑦᔪᒃ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 33:13

ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 44:23

ᕿᓚᖕᒥᐅᑕᐅᔪᓯ, ᐃᓐᖏᕆᑦᓯ, ᐊᑕᓂᐅᑉ ᐱᔭᕇᑦᓯᐊᕐᒪᒍ; ᕾᒐᓛᓚᐅᕆᑦᓯ ᓄᓇᐅᑉ ᐃᑎᓂᖓᓃᑦᑐᓯ; ᓂᓪᓕᐊᓂᓯ ᐃᓐᖏᕐᓂᓐᖑᕐᑎᓕᓯᐅᒃ, ᐃᓕᑦᓯ ᖃᖅᑲᐅᔪᓯ, ᓇᐹᕐᑐᒐᓴᒡᔪᐊᓪᓗ ᓇᐹᕐᑐᐃᓪᓗ ᐊᑐᓂᑦ! ᐊᑕᓂᐅᑉ ᔧᑯᒃᑯᑦ ᓂᐅᕕᐊᕆᓪᓗᒋᑦ ᐅᑎᕐᑎᒻᒪᒋᑦ, ᓂᕐᑐᕐᓇᕐᓂᕐᔪᐊᓂᓗ ᓴᖅᑭᑎᒻᒪᒍ ᐃᓴᕆᐊᓕᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 14:21

ᐊᑏᑦ ᐱᑦᔪᑎᒋᓗᒍ ᓇᕐᕈᒋᓕᕐᑍᓕᑎᒍᑦ, ᐃᒃᓯᕙᐅᑕᕐᔪᐊᑦ ᐅᐱᒋᔭᐅᔪᓐᓃᕐᑎᑦᑍᓕᒍᒃ; ᐊᖏᖃᑎᖃᕐᓯᒪᓂᑎᑦ ᐅᕙᑦᑎᓐᓄᑦ ᐳᐃᒍᕐᑍᓕᒃᑭᑦ, ᓯᖁᑦᑎᕐᑍᓕᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᒤᑲᐅᑉ ᐊᒡᓚᖏᑦ 6:4

ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 21:8

ᐊᑕᓃᖅ, ᐃᓴᕆᐊᓕᒥᐅᑦ ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ, ᑖᒃᑯᐊ ᐱᐅᓕᓚᐅᕐᑕᑎᑦ. ᐸᓯᔭᒃᓴᐅᓂᖅ ᐊᐅᑉ ᐸᓯᔭᒃᓴᐅᖏᑦᑑᑉ ᑯᕕᔭᐅᓂᖓᓄᑦ ᐃᓄᖁᑎᑎᑦ ᐃᓴᕆᐊᓖᑦ ᐱᓯᒪᔭᐅᖁᓇᒋᑦ; ᐸᓯᔭᒃᓴᐅᓂᕐᒥᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ.’

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 9:12

“ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᒫᓐᓇ ᑐᐊᕕᕐᓗᑎᑦ ᖃᖅᑲᒥᑦ ᐊᖅᑲᓕᕆᑦ, ᐃᓄᖁᑎᑎᑦ ᐄᑦᔨᑉᑎᒥᑦ ᑕᓯᐅᓚᐅᕐᑕᑎᑦ, ᐱᐅᖏᑦᑐᐊᓗᖕᒥᒃ ᐱᓕᕐᒪᑕ ᐊᔪᕐᑐᓕᓕᕐᓗᑎᒡᓗ. ᐱᖁᔨᑦᔪᑎᒋᓚᐅᕐᑕᓐᓂᒃ ᕿᒤᓯᒪᓕᕇᕐᒪᑕ, ᒎᑎᓐᖑᐊᒃᓴᒥᖕᓂᒡᓗ ᓴᓇᓯᒪᓕᕐᓗᑎᒃ.’

ᒨᓯᓯ ᑕᓪᓕᒪᖏᑦ 9:27

ᐱᔨᑎᑦ ᐃᖅᑲᐅᒪᓚᐅᒃᑭᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᐃᓱᒪᒋᓐᖏᓚᐅᒃᑭᑦ ᒫᓐᓇ ᐃᓅᖃᑎᒌᑦ ᑐᓴᕈᓐᓇᖏᑦᑐᐊᓘᓂᖏᑦ, ᐱᐅᖏᑦᑐᓕᓂᖏᓪᓗ, ᐊᔪᕐᑐᓕᓂᖏᓪᓗ.

ᒨᓯᓯ ᑕᓪᓕᒪᖏᑦ 9:29

ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᓴᒧᐃᓕ ᓯᕗᓪᓖᑦ 7:9

ᑕᕝᕙ ᓴᒧᐃᓕ ᑐᖁᑦᓯᕗᖅ ᓰᐱᐅᑉ ᓄᕐᕋᖓᓂᒃ ᐊᑕᖏᕐᓗᒍᓗ ᐃᑯᐊᓪᓚᒡᓗᒍ ᑐᓂᕐᕈᑎᒋᕚ ᐊᑕᓂᕐᒧᑦ; ᑐᒃᓯᐊᕐᐳᕐᓗ ᐊᑕᓂᕐᒧᑦ ᐃᓴᕆᐊᓕᒥᐅᑦ ᐃᑲᔪᕐᑕᐅᖁᓪᓗᒋᑦ, ᐊᑕᓂᐅᓪᓗ ᑭᐅᕚ ᑐᒃᓯᐊᕈᑎᖓᓂᒃ.