ᒨᓯᓯ ᑕᓪᓕᒪᖏᑦ 8:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.

ᒨᓯᓯ ᑕᓪᓕᒪᖏᑦ 8:15 ပူးပေါင်းရင်းမြစ်များ

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 114:8

ᑖᑦᓱᒪ ᕾᕐᑐᖅ ᑕᓯᕈᕐᑎᓚᐅᕐᒪᒍ, ᐃᓐᓈᕈᕐᓗ ᓄᓇᐅᑉ ᐃᓗᐊᓂᑦ ᑰᓕᕐᑎᓚᐅᕐᐹ.

ᐃᓐᖏᕈᑎᑦ 136:16

ᐃᓄᖁᑎᒥᓂᒃ ᑕᓯᐅᕐᓯᓚᐅᕐᑐᖅ ᐱᕈᕐᑐᖃᖏᑦᑐᒃᑯᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 35:7

ᓯᐅᕅᓐᓇᖅ ᐃᒪᖃᖏᓐᓂᕐᒧᑦ ᐆᓇᓚᐅᕐᑐᖅ ᑕᓯᐅᓕᕈᒫᕐᐳᖅ, ᓄᓇᓗ ᐹᓂᕐᓂᑰᓕᓚᐅᕐᑐᖅ ᓄᓇᐅᑉ ᐃᓗᐊᓂᑦ ᑯᕕᔪᓂᒃ ᐃᒪᕐᑕᖃᓕᕈᒫᕐᐳᖅ; ᑎᕆᒐᓂᐊᖑᔮᕐᑐᓄᓪᓗ ᓄᓇᒋᔭᐅᓕᓚᐅᕐᑐᖅ ᐃᒪᕐᓲᓕᕐᓗᓂ, ᐱᕈᕐᕕᐅᓕᕈᒫᕐᐳᖅ ᐃᕕᒃᓱᒐᕐᓄᑦ ᓱᓪᓗᓕᖕᓄᑦ ᐃᕕᒃᓱᒐᕐᔪᐊᓄᓪᓗ ᑕᑭᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 43:19

ᑕᑯᒋᑦ, ᓄᑖᒥᒃ ᐱᓇᓱᐊᓕᕐᐳᖓ; ᒫᓐᓇ ᓴᖅᑭᖃᑦᑕᓕᕐᐳᖅ, ᑕᑯᓯᒪᖏᑉᐱᓯᐅᒃ? ᐊᖅᑯᑎᓕᐅᕐᓂᐊᕐᐳᖓ ᐃᓄᖃᖏᑦᑐᒥ ᑰᓕᐅᕐᓗᖓᓗ ᓯᐅᕅᓐᓇᕐᒥ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᕼᐆᓯᐊᑉ ᐊᒡᓚᖏᑦ 13:5

ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ.

ᒨᓯᓯ ᓯᑕᒪᖏᑦ 20:11

ᒨᓯᓯᐅᓪᓗ ᑕᓕᓂ ᐃᓵᒡᓗᒍ ᕾᕐᑐᖅ ᐊᓇᐅᕚ ᒪᕐᕈᐊᕐᑎᕐᓗᒍ; ᑕᕝᕙ ᐃᒪᖅ ᐊᒥᒐᖏᑦᑐᒥᒃ ᑰᓕᕐᐳᖅ, ᑕᕝᕙ ᐃᓄᒋᐊᑐᕐᔪᐊᑦ ᐆᒪᔪᖁᑎᖏᓪᓗ ᐃᒥᕐᐳᑦ.

ᒨᓯᓯ ᓯᑕᒪᖏᑦ 21:6

ᐊᑕᓂᕐᓕ ᑎᑭᑎᑦᓯᕗᖅ ᐃᓄᖕᓄᑦ ᖁᒡᓗᒋᐊᓂᒃ ᑐᖁᓐᓇᕐᑐᓕᖕᓂᒃ; ᐃᓄᐃᓪᓗ ᑕᒪᒃᑯᓄᖓ ᑮᔭᐅᕗᑦ, ᐅᓄᕐᑐᓪᓗ ᐃᓴᕆᐊᓕᒥᐅᑦ ᑐᖁᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:4

ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ.

ᒨᓯᓯ ᑕᓪᓕᒪᖏᑦ 1:19

“ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ,

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.