ᒨᓯᓯ ᑕᓪᓕᒪᖏᑦ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 8:14 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 14:10

ᐊᒪᔧᐊ ᐄᑐᒥᒥᐅᓂᒃ ᓵᓚᖃᕐᓯᒪᓂᕐᓄᑦ ᐱᔪᓐᓇᕋᓱᒋᓂᕐᑖᕐᓯᒪᕗᑎᑦ, ᐱᔪᓐᓇᕐᓂᕆᔧᑦ ᓈᒻᒪᒋᓗᒍ ᐊᖏᕐᕋᕐᓯᒪᑐᐃᓐᓇᕆᑦ. ᓱᖕᒪᑦ ᓈᒻᒪᖏᑦᔪᑎᒃᓴᒥᒃ ᐃᓕᖕᓄᑦ ᐃᓄᖁᑎᖕᓄᓪᓗ ᐅᒡᒍᐊᕐᓇᕐᑑᒐᔭᕐᑐᒥᒃ ᓴᖅᑭᑎᑦᓯᓇᓱᐊᕐᐲᑦ ᔫᑕᓗ ᐱᖃᓯᐅᑎᓗᒍ?”

ᐊᑕᓃᑦ ᐂᑉᐸᖏᑦ 17:38

ᐊᖏᖃᑎᒌᒍᑎᓕᐊᕆᓚᐅᕐᑕᕗᑦ ᐳᐃᒍᒐᒃᓴᕆᓐᖏᓚᓯ ᒎᑎᒋᔭᐅᔪᓂᒃ ᐊᓯᓐᓂᒃ ᐅᐱᒋᓗᒋᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ.

ᑯᕉᓂᑲ ᐂᑉᐸᖏᑦ 26:16

ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.

ᑯᕉᓂᑲ ᐂᑉᐸᖏᑦ 32:25

ᕼᐃᓯᑬᐊᓕ ᖃᕿᐊᓕᓚᐅᓐᖏᓚᖅ ᑍᒫᑎᒋ ᐱᑦᓯᐊᕐᕕᐅᒐᓗᐊᕋᒥ, ᐆᒻᒪᑎᖓ ᐱᐅᔪᕆᓕᓚᐅᕐᒪᑦ. ᑍᒤᒻᒪᑦ ᓂᓐᖓᐅᓯᕐᒧᑦ ᑎᑭᑕᐅᓚᐅᕐᐳᖅ ᔫᑕᓗ ᔨᕉᓴᓕᓗ ᐱᖃᓯᐅᑎᓪᓗᒋᒃ.

ᐃᓐᖏᕈᑎᑦ 106:21

ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.

ᐃᓐᖏᕈᑎᑦ 78:7

ᓯᕗᒧᑦ ᓂᕆᐅᒋᔭᖃᓕᖁᓪᓗᒋᑦ ᒎᑎᒥᒃ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐳᐃᒍᖁᓇᒋᑦ, ᐱᖁᔭᖏᓐᓂᒡᓗ ᐱᓯᒤᓐᓇᖁᓪᓗᒋᑦ;

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 23:27

ᐃᓱᒪᖃᑦᑕᕐᒪᑕ ᓯᓐᓇᒃᑐᕆᔭᒥᖕᓂᒃ ᐅᓂᒃᑳᖃᑦᑕᕐᓂᕐᒥᖕᓄᑦ ᐃᓄᖁᑎᓐᓂᒃ ᐳᐃᒍᕐᑎᑦᓯᔪᓐᓇᕋᓱᒋᓪᓗᑎᒃ ᐅᕙᓐᓂᒃ, ᓯᕗᓕᕆᔭᓯᑦᑕᐅᖅ ᐅᕙᓐᓂᒃ ᐳᐃᒍᕐᑎᑕᐅᓚᐅᕐᒪᑕ ᐰᓕᒧᑦ ᑐᒃᓯᐊᖃᑦᑕᓕᕋᒥᒃ.

ᑖᓂᐊᓕᐅᑉ ᐊᒡᓚᖏᑦ 11:12

ᐅᓇᑕᕐᑐᒃᓴᕐᔪᐊᓪᓕ ᐊᐅᓪᓚᕐᑎᑕᐅᒃᐸᑕ, ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓃᑦᑐᖅ ᐱᐅᔪᕆᓕᕈᒫᕐᐳᖅ ᑐᖁᕅᓗᓂᓗ ᑕᐅᓴᓐᑎᓂᒃ ᐅᓄᕐᑐᓂᒃ, ᓵᓚᖃᕐᓂᖓᓕ ᑲᔪᓯᔪᒫᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 13:6

ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.

ᒨᓯᓯ ᓯᑕᒪᖏᑦ 15:39

ᓂᒡᔭᖃᕐᓂᐊᕐᐳᓯᓗ, ᑕᑯᔭᕌᖓᑦᓯᐅᒃ ᐃᖅᑲᐅᒪᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒡᓗᒋᓪᓗ, ᐆᒻᒪᑎᑦᓯ ᐃᔨᓯᓗ ᐃᒃᓕᒎᕐᓂᖏᓐᓄᑦ ᐊᓯᓐᓂᐊᕈᒪᓂᕐᒧᓪᓗ ᐊᐅᓚᑕᐅᖁᓇᒋᑦ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:20

ᑕᒪᓐᓇ ᓴᐳᑦᔭᐅᑦᔪᑎᒋᓯᒪᒐᔭᕐᒪᒍ ᐃᓅᖃᑎᒥᓂᑦ ᐱᐅᓂᕐᓴᐅᓇᓱᒋᓕᖁᓇᒍ, ᐊᑕᓂᐅᓪᓗ ᐱᖁᔭᖏᓐᓂᑦ ᓴᖑᖁᓇᒍ, ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ; ᐊᑯᓂᐅᔪᒥᒃ ᐊᖓᔪᖅᑳᕐᔪᐊᖑᖁᓪᓗᒍ ᐊᖓᔪᖅᑲᐅᕕᖕᒥᓂ, ᑖᓐᓇᓗ ᑭᖑᕚᖏᓪᓗ, ᐃᓴᕆᐊᓕᒥᐅᓂ.”

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 6:11

ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ,

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᒨᓯᓯ ᑕᓪᓕᒪᖏᑦ 8:13

ᐆᒪᔪᖁᑎᓯᓗ ᐃᒻᒧᒃᓯᐅᒊᑦ ᓰᐱᖁᑎᓯᓗ ᐅᓄᕐᓯᕙᓪᓕᐊᒃᐸᑕ, ᓯᐅᓪᕕᕆᖁᑎᓯᓗ ᒎᓗᖁᑎᓯᓗ ᐅᓄᕐᓯᕙᓪᓕᐊᖕᒥᓗᑎᒃ, ᐊᓯᓕᒫᖏᓪᓗ ᐱᖁᔭᓯ ᐅᓄᕐᓯᕙᓪᓕᐊᓯᒪᓕᕐᐸᑕ,

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.