ᒨᓯᓯ ᑕᓪᓕᒪᖏᑦ 7:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᖓᔪᖅᑳᕐᔪᐊᖏᓪᓗ ᐃᓕᑦᓯᓐᓄᑦ ᑐᓂᓂᐊᕐᐰᑦ, ᑕᕝᕙ ᑐᖁᓐᓂᐊᕐᐸᓯ, ᐳᐃᒍᕐᑕᐅᓂᐊᕐᐳᓪᓗ ᓄᓇᕐᔪᐊᕐᒥᐅᓄᑦ. ᓇᓪᓕᐊᓐᓄᓪᓘᓐᓃᑦ ᓄᖅᑲᕐᑎᑕᐅᔪᓐᓇᕐᓂᐊᓐᖏᓚᓯ; ᑕᒪᒃᑯᓂᖓ ᓄᖒᑦᓯᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 7:24 ပူးပေါင်းရင်းမြစ်များ

ᐃᓐᖏᕈᑎᑦ 9:5

ᐃᓅᖃᑎᒌᒡᔪᐊᑦ ᐃᓂᕐᑎᕐᐸᑎᑦ, ᐱᐅᖏᑦᑐᓕᔪᓪᓗ ᑐᖁᓪᓗᒋᑦ; ᐊᑎᖏᓪᓗ ᓄᖑᑎᑉᐸᑎᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 17:14

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:7

ᐃᓱᐊᕐᑐᒥ ᐃᓅᓚᐅᕐᑐᑦ ᐃᖅᑲᐅᒪᔭᐅᓂᖏᑦ ᓮᒻᒪᕐᑎᑕᐅᓐᓇᕐᐳᑦ, ᐱᐅᖏᑦᑑᓪᓕ ᐊᑎᖓ ᓄᖑᓐᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 10:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”

ᔨᐸᓁᐊᐅᑉ ᐊᒡᓚᖏᑦ 1:4

“ᐊᒡᒐᓐᓄ ᓱᒋᐊᕈᒫᕐᐸᒃᑲ ᔫᑕᒥᐅᑦ, ᔨᕉᓴᓕᒥᐅᓕᒫᓪᓗ; ᐰᓕᐅᓪᓗ ᐊᒥᐊᒃᑯᓕᒫᖏᑦ ᓄᖑᑦᓱᒫᕐᐸᒃᑲ ᑕᒫᓐᖓᑦ, ᒎᑎᓐᖑᐊᓖᓪᓗ ᑐᓂᕐᕈᓯᕐᑎᑦᓯᖏᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ.

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:57

ᒎᑎᓕ ᖁᔭᒋᔭᐅᓕ, ᓵᓚᖃᕐᑎᒻᒪᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᒨᓯᓯ ᑕᓪᓕᒪᖏᑦ 11:25

ᐃᓄᖕᓄᑦ ᓇᓪᓕᐊᓐᓄᑐᐃᓐᓇᖅ ᐊᑭᕋᕐᑐᕐᑕᐅᔪᓐᓇᕐᓂᐊᓐᖏᓚᓯ; ᐊᑕᓂᐅᑉ ᒎᑎᑦᓯ ᐃᓄᖕᓄᑦ ᓯᕘᕋᒋᔭᐅᑎᓐᓂᐊᕐᒪᓯ, ᑲᑉᐱᐊᒋᔭᐅᑎᓐᓂᐊᕐᐹᓯᓗ ᓇᓂᓕᒫᖅ ᓄᓇᒥ ᐱᓱᒡᕕᒋᔪᒫᕐᑕᑦᓯᓐᓂ, ᑍᒫᒃ ᐅᖃᕐᓯᒪᒐᒥ.

ᒨᓯᓯ ᑕᓪᓕᒪᖏᑦ 25:19

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”

ᒨᓯᓯ ᑕᓪᓕᒪᖏᑦ 29:20

ᐊᑕᓂᐅᑉ ᐊᖑᑦ ᑍᒤᑦᑐᖅ ᐃᓱᒪᒋᔪᓐᓁᕐᕕᒋᓂᐊᓐᖏᓛ. ᐊᑕᓂᐅᓪᓕ ᓂᓐᖓᕕᒃᔪᐊᕐᓂᖓ ᐃᑯᒪᔪᑎᑐᑦ ᐃᑯᐊᓪᓚᖕᓂᐊᕐᐳᖅ ᑖᑦᓱᒧᖓ, ᑕᒪᒃᑯᐊᓗ ᐅᕙᓂ ᐊᒡᓚᖕᓂ ᑎᑎᕋᐅᓯᐅᓯᒪᔪᑦ ᐊᔪᓕᕈᑕᐅᔪᓐᓇᕐᑐᓕᒫᑦᓯᐊᑦ ᑖᑦᓱᒧᖓ ᑎᑭᓐᓂᐊᕐᐳᑦ, ᑖᑦᓱᒪᓗ ᐊᑎᖓ ᐊᑕᓂᐅᑉ ᐲᕐᓂᐊᕐᐹ ᕿᓚᐅᑉ ᐊᑖᓂᑦ.

ᒨᓯᓯ ᑕᓪᓕᒪᖏᑦ 9:14

ᓄᖅᑲᕐᑎᓐᓇᓱᐊᕐᓂᐊᕐᓇᖓ, ᓄᖑᑦᓱᒪᓕᕋᒃᑭᑦ ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓃᖁᓪᓗᒋᑦ. ᑕᕝᕙ ᐃᓅᖃᑎᒌᒡᔪᐊᓄᑦ ᐱᒋᐊᕐᕕᐅᓕᕐᑎᓐᓂᐊᕐᐸᒋᑦ ᑖᒃᑯᓇᓐᖓᑦ ᐅᓄᕐᓂᕐᓴᐅᔪᓂᒃ ᐱᔪᓐᓇᕐᓂᖃᕐᓂᕐᓴᐅᔪᓂᒡᓗ.’

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 10:23

ᑕᕝᕙ ᕾᕈᓱᒃ ᒪᑐᐃᕐᐹᑦ, ᐊᖓᔪᖅᑳᕐᔪᐊᓪᓗ ᑕᓪᓕᒪᑦ ᐊᓂᑎᑕᐅᕗᑦ, ᐅᑯᓇᓐᖓᑦ ᐱᓯᒪᔪᑦ ᔨᕉᓴᓕᒥᑦ, ᕼᐃᐸᕋᓐᒥᑦ, ᔭᕐᒨᑎᒥᑦ, ᓚᑮᓯᒥᑦ, ᐃᒡᓚᓐᒥᓪᓗ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᔮᓱᐊᑉ ᐊᒡᓚᖏᑦ 10:8

ᐊᑕᓂᕐᓗ ᔮᓱᐊᒧᑦ ᐅᖃᕐᐳᖅ, “ᑲᑉᐱᐊᒋᑦᑍᓕᒃᑭᑦ, ᑐᓂᓯᕕᒋᔭᕇᕐᐸᒋᑦ ᓵᓚᖃᕐᓂᕐᒥᒃ ᑖᒃᑯᓂᖓ; ᐊᑕᐅᓯᕐᒧᓪᓘᓐᓃᑦ ᐊᑭᒪᔭᐅᓂᐊᓐᖏᓚᑎᑦ.”

ᔮᓱᐊᑉ ᐊᒡᓚᖏᑦ 11:17

ᓄᓇᖁᑎᖓ ᑎᑭᐅᒪᕗᖅ ᖃᖅᑲᒥᑦ ᕼᐊᓚᒃᒥᑦ ᐱᒋᐊᕐᓗᒍ ᓰᐊᕆᐅᑉ ᒥᒃᓵᓄᑦ, ᐰᓕ-ᒑᑦᒧᑦ ᑎᑭᓪᓗᒍ, ᓕᐸᓇᓂᐅᑉ ᓇᕐᓴᖓᓄᑦ ᖃᖅᑲᒧᑦ ᕼᐊᕐᒪᓐ ᓯᕿᓂᖓᓄᑦ. ᐊᖓᔪᖅᑳᕐᔪᐊᓕᒫᖏᑦ ᓵᓚᒋᓚᐅᕐᐰᑦ, ᑐᖁᓪᓗᒋᓪᓗ.

ᔮᓱᐊᑉ ᐊᒡᓚᖏᑦ 12:24

ᑎᕆᔭᒥᐅᑦ ᐊᖓᔪᖅᑳᕐᔪᐊᖓᑦ, ᑖᒃᑯᐊ ᐊᖓᔪᖅᑳᕐᔪᐊᓕᒫᑦ ᐊᑕᖏᕐᓗᑎᒃ 31ᖑᕗᑦ.

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 23:3

ᑕᑯᓯᒪᕗᓯ ᐊᑕᓂᐅᑉ ᒎᑎᑦᓯ ᐱᓂᐊᕐᓂᕆᓚᐅᕐᑕᓕᒫᖏᓐᓂᒃ ᐃᓅᖃᑎᒌᒡᔪᐊᓕᒫᓄᑦ ᐃᓕᑦᓯ ᐱᓪᓗᓯ, ᐊᑕᓂᖅ ᒎᑎᓯ ᐅᓇᑕᕈᑦᔨᓚᐅᕐᒪᑦ ᐃᓕᑦᓯᓐᓂᒃ.

ᔮᓱᐊᑉ ᐊᒡᓚᖏᑦ 23:9

ᐊᑕᓂᐅᑉ ᓯᖏᓚᐅᕐᒪᒋᑦ ᐃᓕᑦᓯ ᐱᓪᓗᓯ ᐱᓯᑎᐊᓗᐃᑦ ᓴᓐᖏᔪᐊᓗᐃᓪᓗ ᐃᓅᖃᑎᒌᒡᔪᐊᑦ; ᐃᓕᑦᓯᓗ ᑭᓇᒧᓪᓘᓐᓃᑦ ᓵᓚᐅᔪᓐᓇᓚᐅᓐᖏᓚᓯ ᐅᓪᓗᒥᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 6:2

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᔨᕆᑯ ᐃᓕᑦᓯᓐᓄᑦ ᑐᓂᓯᒪᕙᕋ, ᐊᖓᔪᖅᑳᕐᔪᐊᖓᓪᓗ ᐅᓇᑕᕐᑐᒃᓴᖁᑎᖏᓪᓗ.