ᒨᓯᓯ ᑕᓪᓕᒪᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᒨᓯᓯ ᑕᓪᓕᒪᖏᑦ 7:1 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 31:3

ᐊᑕᓂᕐᓕ ᒎᑎᓯ ᓯᕗᓂᑦᓯᓐᓃᓐᓂᐊᕐᐳᖅ ᑕᒫᓂᓗ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᓄᖑᑎᑦᓱᒫᕐᐰᑦ, ᓄᓇᖏᓐᓂᒃ ᓄᓇᑖᖔᖁᓪᓗᓯ; ᔮᓱᐊᓗ ᑕᓯᐅᕐᑎᒋᓂᐊᕐᐸᓯ, ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:19

ᐃᓅᖃᑎᒋᒡᔪᐊᑦ 7 ᓵᓚᒋᒐᒥᒋᑦ ᑬᓇᓂᒥ ᓄᓇᖃᕐᑐᑦ, ᑕᒪᓐᓇ ᓄᓇ ᓇᖕᒥᓂᕐᑖᕆᔭᐅᑎᓚᐅᕐᐹ ᐃᓴᕆᐊᓕᒥᐅᓄᑦ, ᐊᕐᕌᒍᓂᒃ 450ᓂᒃ.

ᒨᓯᓯ ᑕᓪᓕᒪᖏᑦ 4:38

ᐃᓕᑦᓯ ᐱᑦᔪᑎᒋᓪᓗᓯ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ ᓄᓇᖏᓐᓂᑦ ᐊᓂᑎᓚᐅᕐᐰᑦ, ᓄᓇᒋᔭᖏᓐᓂ ᓄᓇᑖᖔᕈᓐᓇᖁᓪᓗᓯ, ᒫᓐᓇ ᓱᓕ ᓄᓇᒋᔭᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᒨᓯᓯ ᑕᓪᓕᒪᖏᑦ 9:4

“ᐊᑕᓂᐅᓪᓕ ᒎᑎᑦᓯ ᑖᒃᑯᐊ ᐊᓂᑎᓯᒪᓕᕐᐸᒋᑦ ᐃᓕᑦᓯ ᐱᑦᔪᑎᒋᓗᓯ, ᑕᒪᑐᒪ ᑭᖑᓂᖓᒍᑦ ᐃᓱᒪᔪᒃᓴᐅᓐᖏᓚᓯ ᐃᓕᑦᓯ ᑕᒫᓂ ᓄᓇᑖᕆᐊᖃᕐᓂᑦᓯᓐᓄᑦ ᓄᓇᑖᕐᑎᑕᐅᓇᓱᒋᓗᓯ. ᑍᒤᓐᖏᓚᖅ, ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᑕᒫᓐᖓᑦ ᐊᓂᑎᓐᓂᐊᕐᐰᑦ ᐃᓕᑦᓯ ᐱᓪᓗᓯ ᐱᐅᖏᑦᑐᓕᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᐂᑉᐸᖏᑦ 33:2

ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 11:29

ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᑉᐸᓯ ᓄᓇᑖᕆᓂᐊᓕᕐᑕᑦᓯᓐᓄᑦ, ᖃᖅᑲᖅ ᒋᕆᔨᒥᒃ ᐊᑎᓕᒃ ᓮᒻᒪᕐᑎᑕᐅᖁᔭᒃᓴᕆᕙᓯ ᖃᖅᑲᕐᓗ ᐄᐸᐅᓪᒥᒃ ᐊᑎᓕᒃ ᓱᒋᐊᕐᑕᐅᔪᒃᓴᐅᖁᓗᒍ.

ᒨᓯᓯ ᑕᓪᓕᒪᖏᑦ 6:23

ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ.

ᒨᓯᓯ ᑕᓪᓕᒪᖏᑦ 6:19

ᑕᕝᕙᓂ ᓄᓇᖃᕐᑐᑐᕾᑦ ᐊᑭᕋᓯ ᐊᒡᕔᕐᑎᖔᕐᓗᒋᑦ, ᐊᑕᓂᐅᑉ ᑕᒪᑐᒥᖓ ᑍᒫᒃ ᐊᖏᕐᕕᒋᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 6:10

“ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᓯᑕᒪᖏᑦ 14:31

ᕿᑐᕐᖓᓯᓕ ᑐᖁᑕᐅᓂᐊᕐᓂᕋᕐᑕᓯ ᐃᑎᕐᑎᓐᓂᐊᕐᐸᒃᑲ, ᓄᓇᒥᒃ ᖃᐅᔨᑦᓯᐊᕈᒫᕐᐳᑦ ᓇᕐᕈᒋᔭᑦᓯᓐᓂᒃ.

ᒨᓯᓯ ᐂᑉᐸᖏᑦ 15:7

ᐱᔪᓐᓇᕐᓂᕐᔪᐊᕕᓪᓗ ᐊᔪᖏᓂᖓᓄᑦ ᐊᑭᕋᕐᑐᕐᑎᑎᑦ ᓵᓚᒋᕙᑎᑦ; ᓂᓐᖓᐅᒪᓂᕐᓂᒡᓗ ᓴᖅᑭᑎᑦᓯᕕᒋᒐᕕᒋᑦ, ᐃᕕᒐᕐᑎᑐᑦ ᐃᑯᐊᓪᓚᒃᑕᐅᔪᑎᑐᑦ ᑍᒤᑉᐳᑦ.

ᒨᓯᓯ ᐂᑉᐸᖏᑦ 6:8

ᓄᓇᒧᓪᓗ ᑎᑭᑎᑦᓱᒪᕙᑦᓯ ᐊᖏᕈᑎᒋᓯᒪᓚᐅᕐᑕᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ; ᑕᒪᓐᓇᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ ᓄᓇᑖᕆᔭᐅᖁᓪᓗᒍ ᐃᓕᑦᓯᓐᓄᑦ. ᐅᕙᖓ ᐊᑕᓂᐅᒐᒪ.’”

ᒨᓯᓯ ᐂᑉᐸᖏᑦ 23:28

ᐅᐃᒻᒪᖕᓇᕐᑐᐊᓗᖕᒧᑦ ᓇᓗᓕᕐᓇᕐᑐᒧᓪᓗ ᑎᑭᑕᐅᑎᓐᓂᐊᕐᐸᒃᑲ, ᑕᒪᑐᒧᖓᓗ ᕼᐃᕔᑎᒥᐅᑦ ᓄᓇᒥᖕᓂᑦ ᐊᐅᓪᓚᕐᑎᑕᐅᓂᐊᕐᐳᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᕿᒪᒃᓯᓗᑎᒃ ᐃᓕᑦᓯᓐᓂᒃ.

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᒨᓯᓯ ᐱᖓᔪᖏᑦ 14:34

“ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ.

ᒨᓯᓯ ᑕᓪᓕᒪᖏᑦ 20:16

“ᓄᓇᒋᓕᕐᑕᑦᓯᓐᓂᓕ ᐃᒡᓗᒐᓮᑦ ᓵᓚᒋᒍᑦᓯᐅᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᐃᓄᓕᒫᖏᑦ ᐊᓂᕐᓂᖃᕐᑐᓕᒫᑦ ᑐᖁᑕᒃᓴᕆᕙᓯ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 24:11

ᑕᕝᕙ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᐳᓯ ᔨᕆᑯᒧᓪᓗ ᐂᓪᓗᓯ, ᔨᕆᑯᒥᐅᓪᓗ ᐃᓄᖏᓐᓄᑦ ᐅᓇᑕᕆᐊᕐᑕᐅᓚᐅᕐᐳᓯ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᒋᕐᒐᕆᓮᑎᒥᐅᓄᑦ, ᕼᐃᕔᑎᒥᐅᓄᑦ, ᔨᐳᓮᑎᒥᐅᓄᓪᓗ; ᑖᒃᑯᐊᓗ ᐃᓕᑦᓯᓐᓄᑦ ᑐᓂᓚᐅᕐᐸᒃᑲ.

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:23

ᐊᒻᒪ ᑕᒪᒃᑯᐊ ᓇᓪᓕᐅᓯᒪᑎᓪᓗᒋᑦ ᖃᐅᔨᓚᐅᕆᕗᖓ ᔫᑎᑦ ᓄᓕᐊᓂᖃᑦᑕᓕᕐᓂᕐᒪᑕ ᐊᕐᓇᓂᒃ ᐋᔅᑖᑦᒥᐅᓂᒃ, ᐊᒧᓂᒥᐅᓂᒡᓗ, ᒧᐊᐱᒥᐅᓂᒡᓗ;

ᒨᓯᓯ ᐂᑉᐸᖏᑦ 23:32

ᑖᒃᑯᓂᖓ ᓱᓇᑐᐃᓐᓇᕐᒧᑦ ᐊᖏᖃᑎᒌᒍᑎᖃᕆᐊᖃᓐᖏᓚᓯ ᐅᕝᕙᓗ ᒎᑎᖏᓐᓄᑦ.

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᑯᕉᓂᑲ ᓯᕗᓪᓖᑦ 1:14

ᔨᐳᓮᑎᒥᐅᓪᓗ, ᐊᒧᕅᑎᒥᐅᑦ, ᒋᕐᒐᓮᑎᒥᐅᑦ,

ᑯᕉᓂᑲ ᐂᑉᐸᖏᑦ 8:7

ᐃᓄᓕᒫᑦ ᐊᒥᐊᑰᔪᑦ ᕼᐃᑍᑎᒥᐅᑦ, ᐊᒧᕅᑎᒥᐅᑦ, ᐱᕆᔧᑎᒥᐅᑦ, ᕼᐃᕔᑎᒥᐅᑦ, ᔨᐳᓮᑎᒥᐅᓪᓗ, ᐃᓴᕆᐊᓕᒥᐅᑕᐅᖏᑦᑐᑦ,

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.