ᒨᓯᓯ ᑕᓪᓕᒪᖏᑦ 6:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᑕᓂᐅᓪᓗ ᐱᖁᓚᐅᕐᐹᑎᒍᑦ ᒪᓕᖁᓪᓗᑕ ᐱᖁᔨᑦᔪᑎᓕᒫᖏᓐᓂᒃ ᐅᐱᒋᑦᓯᐊᕐᓗᒍᓗ, ᐊᑕᓂᖅ ᒎᑎᕗᑦ ᓯᕘᕋᒋᓗᒍ ᑕᕝᕙ ᑍᒤᒍᑦᑕ, ᐃᓅᖃᑎᒌᒡᔪᐊᖑᓂᕗᑦ ᑍᒫᓐᖓᑦ ᑲᒪᒋᑦᓯᐊᕐᓂᐊᕐᐰᑦ ᐱᕙᓪᓕᐊᑎᑦᓯᐊᕐᓗᓂᒋᓪᓗ.

ᒨᓯᓯ ᑕᓪᓕᒪᖏᑦ 6:24 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᐃᓐᖏᕈᑎᑦ 41:2

ᐊᑕᓂᐅᑉ ᓴᐳᑎᓯᒪᓂᐊᕐᒪᒍ ᐆᒪᑎᓐᓂᐊᕐᓗᒍᓗ; ᓮᒻᒪᕐᑎᓐᓂᐊᕐᐹᓗ ᓄᓇᒥ; ᐊᑭᕋᕐᑐᕐᑎᖏᑕᓗ ᐃᓱᒪᒋᔭᖏᓐᓄᑦ ᑐᓂᓂᐊᓐᖏᓛ.

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᕉᒪᒥᐅᓄᑦ 10:5

ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᒨᓯᓯ ᑕᓪᓕᒪᖏᑦ 8:1

“ᐱᖁᔭᓕᒫᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ ᓈᓚᒃᑕᒃᓴᕆᕙᓯ, ᐃᓅᔪᓐᓇᖁᓪᓗᓯ ᐅᓄᕐᓯᕙᓪᓕᐊᔪᓐᓇᖁᓪᓗᓯᓗ, ᓄᓇᑖᕈᓐᓇᖁᓪᓗᓯᓗ ᐊᑕᓂᐅᑉ ᑐᓂᓂᐊᕐᓂᕋᕐᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:4

ᒥᑭᒡᓕᑎᕐᓯᒪᓂᖅ ᐊᑕᓂᕐᒥᒡᓗ ᓯᕘᕋᒋᔭᖃᕐᓂᖅ ᐊᑭᓕᕐᑕᐅᕘᒃ ᐊᒃᓱᐃᓐᓂᕐᒥᒃ ᐅᐱᒋᔭᐅᓂᕐᒥᒃ ᐃᓅᓯᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:12

ᓯᓚᑐᒍᕕᑦ, ᓯᓚᑐᓃᑦ ᐃᓕᖕᓄᑦ ᐃᑲᔪᕐᓂᐊᕐᐳᖅ, ᒥᑕᐅᑎᖃᕈᕕᓪᓕ ᓇᖕᒥᓂᖅ ᐅᖁᒤᒃᓴᕐᑎᓐᓂᐊᕐᐳᑎᑦ.

ᐃᓐᖏᕈᑎᑦ 66:9

ᑕᕐᓂᕗᑦ ᐃᓅᔪᑦ ᐃᓂᖓᓃᑎᒻᒪᒋᑦ, ᐃᑎᒐᕗᓪᓗ ᖁᐃᔭᕿᑎᓚᐅᖏᒻᒪᒋᑦ.

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.

ᒨᓯᓯ ᑕᓪᓕᒪᖏᑦ 4:4

ᐃᓕᑦᓯᓕ ᐊᑕᓂᕐᒥᑦ ᒎᑎᑦᓯᓐᓂᑦ ᓅᓚᐅᖏᑦᑐᓯᒍᑦ ᓱᓕ ᐅᓪᓗᒥ ᐃᓅᕗᓯ.

ᓘᑲᓯᐅᑉ ᐊᒡᓚᖏᑦ 10:28

ᔩᓱᓯᐅᑉ ᑭᐅᕚ, “ᑍᒫᑦᓯᐊᖅ ᑭᐅᕗᑎᑦ; ᑍᒤᓕᐅᕆᑦ ᑕᕝᕙ ᐃᓅᓂᐊᕐᐳᑎᑦ.”

ᒨᓯᓯ ᐂᑉᐸᖏᑦ 20:20

ᒨᓯᓯᐅᓪᓗ ᑭᐅᕔᑦ, “ᑲᑉᐱᐊᓱᖏᓪᓗᓯ, ᒎᑎ ᑕᒪᐅᓐᖓᕐᓯᒪᕗᖅ ᓱᖅᑯᐃᕐᓯᑦᓯᐊᖁᓪᓗᓯ, ᑖᑦᓱᒥᖓᓗ ᓯᕘᕋᓂᕐᒧᑦ ᐊᔪᕐᑐᓕᖁᓇᑦᓯ.”

ᒨᓯᓯ ᑕᓪᓕᒪᖏᑦ 6:23

ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ.

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᐃᓐᖏᕈᑎᑦ 41:3

ᐊᑕᓂᐅᓪᓗ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ ᖃᓂᒻᒪᓯᕐᒧᑦ ᐃᒡᓕᕐᒥ ᐃᓂᓪᓚᖓᕝᕕᖓᓂ; ᐋᖅᑭᖕᓂᐊᕐᐹᓗ ᖃᓂᒻᒪᓯᖓᓂᑦ.