ᒨᓯᓯ ᑕᓪᓕᒪᖏᑦ 6:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓇᖕᒥᓂᖅ ᑕᑯᓐᓇᕐᑎᓪᓗᑕ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐊᖏᔪᕐᔪᐊᓂᒃ ᑲᑉᐱᐊᓇᕐᑐᓂᒡᓗ ᐱᓇᓱᐊᖃᑦᑕᓚᐅᕐᐳᖅ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ ᐊᖓᔪᖅᑳᖁᑎᖏᓐᓄᓪᓗ.

ᒨᓯᓯ ᑕᓪᓕᒪᖏᑦ 6:22 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 91:8

ᑕᑯᓴᑐᐊᕈᕕᑦ ᑕᑯᓐᓇᑐᐃᓐᓇᕐᓂᐊᕐᐳᑎᑦ, ᐱᐅᖏᑦᑐᑦ ᐊᑭᓂᐊᕐᑕᐅᓕᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᒨᓯᓯ ᑕᓪᓕᒪᖏᑦ 4:3

ᐃᓕᑦᓯ ᓇᖕᒥᓂᖅ ᑕᑯᓯᒪᒐᑦᓯ ᐊᑕᓂᐅᑉ ᒎᑎᑦᓯ ᐱᓇᓱᐊᕐᓯᒪᓂᖓᓂᒃ ᖃᖅᑲᒥ ᐰᓕ-ᐱᐅᕆᒥ, ᑕᕝᕙᓂ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᑐᓂᒃ ᓄᖑᑕᐅᑎᑦᓯᓚᐅᕐᒪᑦ,

ᒨᓯᓯ ᑕᓪᓕᒪᖏᑦ 3:21

“ᑕᕝᕙ ᔮᓱᐊ ᐃᒤᓕᐅᕆᐊᖃᕐᓂᖓᓂᒃ ᐅᖃᐅᑎᓕᓚᐅᕆᕙᕋ: ‘ᐃᓘᓐᓈᓂᒃ ᑕᑯᓯᒪᓕᕋᕕᑦ ᐊᑕᓂᐅᑉ ᒎᑎᕕᑦ ᐱᓇᓱᐊᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ, ᓯᕼᐅᓐᒧᑦ ᐊᒡᒋᒧᓪᓗ; ᑍᒫᑦᓮᓐᓇᖅ ᓱᓕ ᐱᓇᓱᐊᕐᓂᐊᕐᐳᖅ ᐅᐸᒡᓗᒋᑦ ᓄᓇᒥᒃ ᐊᕐᓵᕐᓂᕕᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 1:30

ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ,

ᐃᓐᖏᕈᑎᑦ 135:9

ᑖᓐᓇ ᑎᓕᓯᓚᐅᕐᐳᖅ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐃᓕᑦᓯᓐᓄᑦ ᐄᑦᔨᑉᑎᒥᐅᓄᑦ, ᐰᕉᒧᑦ ᐱᔨᒋᔭᓕᒫᖏᓐᓄᓪᓗ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᑕᓪᓕᒪᖏᑦ 6:21

ᑕᕝᕙ ᕿᑐᕐᖓᑦᓯᓐᓄᑦ ᑭᐅᔪᒃᓴᐅᕗᓯ, ‘ᐰᕉᒧᑦ ᐃᓖᔭᕆᔭᐅᓚᐅᕋᑦᑕ ᐄᑦᔨᑉᑎᒥ, ᐊᑕᓂᐅᓪᓕ ᐄᑦᔨᑉᑎᒥᑦ ᓴᐳᑎᓚᐅᕐᐹᑎᒍᑦ ᐱᔪᓐᓇᕐᓂᕐᔪᐊᒥᓄᑦ.

ᒨᓯᓯ ᑕᓪᓕᒪᖏᑦ 6:23

ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ.

ᐃᓐᖏᕈᑎᑦ 136:4

ᑲᒪᓇᕐᑐᓕᔪᑑᓚᐅᕐᑐᖅ ᐊᖏᔪᕐᔪᐊᒥᒃ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”