ᒨᓯᓯ ᑕᓪᓕᒪᖏᑦ 6:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᒨᓯᓯ ᑕᓪᓕᒪᖏᑦ 6:18 ပူးပေါင်းရင်းမြစ်များ

ᐃᓐᖏᕈᑎᑦ 19:11

ᑖᒃᑯᓄᖓ ᐱᔩᑦ ᐃᓂᕐᑎᕐᑕᐅᕗᖅ, ᑖᒃᑯᓂᖓᓗ ᒪᓕᑦᓯᐊᕐᑐᖅ ᐊᖏᔪᒥᒃ ᐊᑭᓕᕐᑕᐅᓪᓗᓂ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 38:3

ᐅᖃᕐᓗᓂ, “ᐊᑕᓃᖅ ᐃᖅᑲᐅᒪᒋᑦ, ᒫᓐᓇ ᐊᑕᓃᖅ ᓵᖕᓂ ᐃᓅᓚᐅᕋᒪ ᓱᖁᓯᔪᐃᑦᑐᒥᒃ ᐃᓕᖕᓂᒃ ᒪᓕᒡᓗᖓ ᐆᒻᒪᑎᒪ ᐱᔪᓐᓇᕐᑕᓕᒫᖓᓄᑦ, ᐱᓇᓱᐊᓚᐅᕐᓗᖓᓗ ᐱᔪᒪᔭᕐᓂᒃ.” ᕼᐃᓯᑬᐊᓗ ᕿᐊᓯᒐᒥ ᕿᐊᕕᒡᔪᐊᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:19

“ᐊᐱᕆᒍᕕᓪᓕ ᖃᓄᐃᒻᒪᑦ ᐃᕐᓂᖓ ᐋᓐᓂᐊᕈᑎᖃᖃᑕᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓂᕕᓂᖏᓐᓅᑦ? ᑭᐅᒐᔭᕐᐸᑦᓯ ᐃᕐᓂᖓ ᐃᓱᐊᕐᑐᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᓚᐅᕐᒪᑦ, ᒪᓕᒐᒃᓴᐅᖁᔭᒃᑲᓗ ᒪᓕᑦᓯᐊᓚᐅᕐᒪᒋᑦ, ᐃᓅᔪᒫᕐᐳᖅ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:21

“ᐱᐅᖏᑦᑐᓕᔪᕐᓕ ᐊᔪᕐᑐᓕᓂᕐᒥᓂᒃ ᐱᓂᐊᕐᓂᕆᓚᐅᕐᑕᒥᓂᒃ ᕿᒤᒃᐸᑦ ᒪᓕᒐᒃᓴᐅᖁᔭᒃᑲᓗ ᒪᓕᓕᕐᓗᓂᒋᑦ, ᐃᓱᐊᕐᑐᒥᒃ ᓈᒻᒪᓈᕐᑐᒥᒡᓗ ᐃᓕᖅᑯᓯᖃᓕᕐᓗᓂ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᔪᒫᕐᐳᖅ; ᑐᖁᑦᔮᓇᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 18:27

ᐊᒻᒪ ᐱᐅᖏᑦᑐᓕᔪᖅ ᐊᔪᕐᑐᓕᓂᕐᒥᒃ ᐱᓂᐊᕐᓂᕆᓚᐅᕐᑕᒥᓂᒃ ᕿᒤᓗᓂ ᐱᖁᔭᓂᒃ ᒪᓕᓕᕐᓗᓂ ᓈᒻᒪᓈᕐᑐᒥᒡᓗ ᐊᑐᓕᕐᐸᑦ, ᑖᑦᓱᒪ ᐃᓅᓯᓂ ᐱᐅᓕᓂᐊᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 18:5

“ᐃᓄᒃᑕᖃᕐᐸᑦ ᐃᓱᐊᕐᑐᒥᒃ ᐱᓇᓱᐊᑦᓯᐊᕐᑐᒥᒡᓗ ᓈᒻᒪᓈᑦᓯᐊᕐᑐᒥᒃ ᐃᓅᓯᓕᖕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 33:14

ᐅᖃᕐᓯᒪᒐᓗᐊᕐᒥᔪᖓ ᐱᐅᖏᑦᑐᓕᔪᓄᑦ, ‘ᑐᖁᓂᐊᓪᓚᕆᓕᕐᐳᑎᑦ,’ ᐊᔪᕐᑐᓕᓂᕐᒥᓂᒡᓕ ᕿᒤᓗᓂ ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ,

ᐃᓯᑭᐊᓕᐅᑉ ᐊᒡᓚᖏᑦ 33:16

ᐊᔪᕐᑐᓕᓂᕆᓚᐅᕐᑕᖏᑦ ᓵᓐᖓᔭᐅᔪᑎᒋᓗᒋᑦ ᐃᖅᑲᐅᒪᔭᐅᓂᐊᕈᓐᓁᕐᐳᑦ; ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᑖᓐᓇ ᐃᓅᓂᐊᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:19

ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓂᒃ ᕿᒤᒃᐸᑦ, ᐃᓱᐊᕐᑐᒥᒡᓗ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᐃᓅᑦᔪᑎᒋᔪᒫᕐᐹ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᔪᐊᓇᓯᐅᑉ ᐊᒡᓚᖏᑦ 8:29

ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᒨᓯᓯ ᑕᓪᓕᒪᖏᑦ 12:25

ᑕᒪᓐᓇ ᐱᖁᔨᑦᔪᑎᐅᔪᖅ ᒪᓕᖕᓂᐊᕈᕕᐅᒃ, ᑕᕝᕙ ᐊᑕᓂᐅᑉ ᖁᕕᐊᒋᓂᐊᕐᐹᑎᑦ, ᐃᓘᓐᓈᒍᓪᓗ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ.

ᒨᓯᓯ ᑕᓪᓕᒪᖏᑦ 12:28

ᑕᒪᒃᑯᐊᓗ ᐱᖁᔨᑦᔪᑎᒋᔭᓕᒫᒃᑲ ᐃᒃᐱᒍᓱᑦᓯᐊᕐᓗᑎᑦ ᓈᓚᒃᑕᒃᓴᕆᕙᑎᑦ, ᑕᕝᕙ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ ᐃᓱᖃᖏᑦᑐᒧᑦ, ᐱᓇᓱᐊᕋᔭᕋᕕᑦ ᓈᒻᒪᒋᔭᐅᔪᒥᒃ ᐊᑕᓂᐅᓪᓗ ᒎᑎᕕᑦ ᖁᕕᐊᒋᔭᖓᓂᒃ.”

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 6:10

“ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 6:19

ᑕᕝᕙᓂ ᓄᓇᖃᕐᑐᑐᕾᑦ ᐊᑭᕋᓯ ᐊᒡᕔᕐᑎᖔᕐᓗᒋᑦ, ᐊᑕᓂᐅᑉ ᑕᒪᑐᒥᖓ ᑍᒫᒃ ᐊᖏᕐᕕᒋᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.