ᒨᓯᓯ ᑕᓪᓕᒪᖏᑦ 6:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 6:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 7:4

ᐅᓪᓗᑦ 7 ᓈᒃᐸᑕ ᓯᓚᓗᒃᑎᑦᓯᓛᕋᒪ ᓄᓇᒧᑦ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ; ᐆᒪᔪᓕᒪᑦ ᑕᒪᕐᒥᒃ ᓴᓇᓯᒪᔭᒃᑲ ᓄᓇᒦᑦᑐᑦ ᓄᖑᓪᓗᒋᑦ.”

ᐊᑕᓃᑦ ᓯᕗᓪᓖᑦ 13:34

ᑕᒪᓐᓇᓗ ᔨᕈᐳᐊᒻ ᐃᒡᓗᒥᐅᖃᑎᖏᓐᓄᑦ ᐊᔪᕐᑐᓕᓂᓐᖑᓚᐅᕐᐳᖅ, ᑐᖁᑕᐅᑦᔪᑎᒋᓚᐅᕐᐹᓗ ᐊᓯᕈᕐᑕᐅᑦᔪᑎᒋᓪᓗᒍᓗ ᑕᒫᓂ ᓄᓇᕐᔪᐊᕐᒥ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᐃᓐᖏᕈᑎᑦ 90:7

ᓂᓐᖓᖕᓂᕐᓄᑦ ᓄᑮᕐᑎᑕᐅᕗᒍᑦ; ᓂᓐᖓᐅᒪᓂᕐᓄᓪᓗ ᓱᒃᑯᑕᐅᕗᒍᑦ ᑲᑉᐱᐊᓱᖕᓂᕐᒧᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 32:12

ᓱᖕᒪᑦ ᐄᑦᔨᑉᑎᒥᐅᑦ ᐅᖃᕈᓐᓇᕐᓯᔪᒫᓕᕐᐹᑦ ᐃᓄᖁᑎᑎᑦ ᐊᐅᓪᓚᕈᑦᔭᐅᓚᐅᕐᓂᕋᕐᓗᒋᑦ ᐄᑦᔨᑉᑎᒥᑦ, ᑐᖁᑦᓴᕐᑐᕈᒪᓪᓗᒋᑦ ᖃᖅᑲᓕᖕᒥ ᐊᓯᕈᕆᐊᕐᑐᕈᒪᓪᓗᒋᓪᓗ ᓄᖑᑦᓯᐊᕐᓗᒋᑦ? ᓂᓐᖓᐅᒪᔪᓐᓁᓚᐅᕆᑦ; ᐃᓱᒪᒋᔧᑦ ᓴᖑᑎᓚᐅᕈᒃ ᐊᓯᕈᕐᑕᐅᓂᕐᓗ ᑕᒪᓐᓇ ᐃᓄᖁᑎᖕᓄᑦ ᑎᑭᑎᓐᓂᐊᕐᓇᒍ.

ᔨᕆᒤᐊᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, “ᑕᑯᒋᑦ, ᓄᓇᕐᔪᐊᒥᑦ ᐃᒋᓐᓂᐊᕐᐸᒋᑦ, ᐊᕐᕌᒍᒥ ᑕᕝᕙᓂ ᑐᖁᔪᒫᕐᐳᑎᑦ ᐊᔪᕆᕐᑐᐃᓯᒪᒐᕕᑦ ᒎᑎᒥᒃ ᐊᑭᕋᕐᑐᕐᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᐂᒨᓯᐅᑉ ᐊᒡᓚᖏᑦ 9:8

ᑕᑯᒋᑦ, ᐊᑕᓂᐅᑉ ᒎᑎᐅᑉ ᐊᖓᔪᖅᑳᐅᕕᒃ ᐊᔪᕐᑐᓕᔪᖅ ᑕᑯᓐᓇᕐᐹ, “ᓄᖑᑎᑦᓱᒫᕐᐸᕋᓗ ᐊᖓᔪᖅᑲᐅᕕᒃ ᓄᓇᕐᔪᐊᒥᑦ; ᔧᑰᓪᓕ ᑭᖑᕚᖏᓐᓂᒃ ᓄᖑᑎᑦᓯᑦᓯᐊᒻᒪᕆᖕᓂᐊᓐᖏᓚᖓ,” ᐊᑕᓂᖅ ᐅᖃᕐᐳᖅ.

ᒨᓯᓯ ᓯᑕᒪᖏᑦ 35:34

ᓄᓇ ᐃᓂᒋᓂᐊᑕᕐᓯ ᓴᓗᒤᓕᑎᑦᓴᕆᐊᖃᓐᖏᓚᓯᐅᒃ, ᐊᑯᓐᓇᑦᓯᓐᓂᑦᑕᐅᖅ ᐃᓂᖃᕋᒪ; ᐅᕙᖓ ᐊᑕᓂᖅ ᐃᓴᕆᐊᓕᒥᐅᑦ ᐊᑯᕐᖓᓐᓂ ᐃᓂᖃᕐᐳᖓ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 11:17

ᑐᒃᓯᐊᕐᕕᖃᖃᑦᑕᓕᑐᐊᕈᑦᓯ, ᐊᑕᓂᐅᑉ ᓂᓐᖓᒃᕕᒋᒐᔭᕐᒪᓯ, ᓄᓇᒧᓪᓗ ᓯᓚᓗᖃᑦᑕᕐᓂᖅ ᓄᖅᑲᕐᑎᒃᑲᔭᕐᐹ, ᓄᓇᖁᑎᓯᓗ ᐸᓂᓗᐊᓕᕋᔭᕐᐳᖅ ᓂᐊᖂᔭᒃᓴᓂᒃ ᐱᕈᕐᕕᐅᔭᕆᐊᒃᓴᖅ. ᑕᕝᕙᓂᓗ ᓄᓇᒥ ᑐᖁᑲᐅᕐᑐᕋᔭᕐᐳᓯ, ᑕᒪᓐᓇ ᓄᓇᑦᓯᐊᕚᓘᒐᓗᐊᕐᑎᓪᓗᒍ ᐊᑕᓂᐅᑉ ᑐᓂᓯᒪᔭᖓ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 7:4

ᕿᑐᕐᖓᑦᓯᓐᓂᒃ ᑕᓯᐅᕐᓯᒐᔭᕐᒪᑕ ᒎᑎᓐᖑᐊᓄᑦ ᑐᒃᓯᐊᖃᑦᑕᓕᕐᑎᑦᓯᓗᑎᒃ ᐊᑕᓂᕐᒥᒃ ᕿᒤᖔᕐᓗᑎᒃ, ᑍᒤᓕᑐᐊᕐᐸᑕ, ᐊᑕᓂᐅᑉ ᓂᓐᖓᐅᓯᖓᑕ ᑎᑭᕝᕕᒋᒐᔭᕐᐹᓯ ᑕᒪᑦᓯᓗ ᓄᖑᑕᐅᓗᓯ ᑕᕝᕔᓐᓇᖅ.

ᔮᓱᐊᑉ ᐊᒡᓚᖏᑦ 23:12

ᑲᔪᓯᑦᓯᐊᖏᒃᑯᑦᓯ, ᐃᓅᖃᑎᒌᑦᔪᐊᓄᓪᓗ ᐊᒥᐊᒃᑰᔪᓄᑦ ᐃᓚᓕᐅᑎᓗᓯ ᐂᑉᐸᕐᑖᕐᑐᕈᑦᓯ, ᐂᑉᐸᕐᑖᕐᕆᔭᐅᓗᓯ ᐃᓕᑦᓯᓗ ᐊᒥᐊᒃᑰᔪᓂᑦ ᐊᕐᓇᓂᒃ ᐂᑉᐸᕐᑖᕐᓂᐊᕈᑦᓯ,

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”