ᒨᓯᓯ ᑕᓪᓕᒪᖏᑦ 6:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 6:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᐊᑕᓃᑦ ᐂᑉᐸᖏᑦ 17:36

ᐊᑕᓂᖅ ᓯᕘᕋᒋᓯᐅᒃ, ᑖᑦᓱᒪ ᐊᐅᓪᓚᕐᑎᓚᐅᕐᒪᓯ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᒥᓄᑦ ᑕᓕᕐᒥᓄᓪᓗ ᐃᓵᖓᔫᖕᓄᑦ, ᑖᓐᓇ ᓯᕘᕋᒋᓯᐅᒃ, ᐹᒻᒪᒃᑎᕐᕕᒋᓯᐅᒃ ᑐᒃᓯᐊᕐᕕᒋᓗᒍᓗ, ᑖᑦᓱᒧᖓᓗ ᑐᓂᕐᕈᓯᕐᓗᓯ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᐃᓐᖏᕈᑎᑦ 63:11

ᐊᖓᔪᖅᑳᕐᔪᐊᕐᓕ ᖁᕕᐊᓱᒍᒫᕐᐳᖅ ᒎᑎᒥ; ᒎᑎᒥᒡᓗ ᐊᖏᕈᑎᖃᕐᑐᓕᒫᑦ ᑖᑦᓱᒥᖓ ᓂᕐᑐᓕᕈᒫᕐᐳᑦ, ᓴᒡᓗᑐᔪᑦ ᖃᓂᖏᑦ ᓂᐸᖏᕐᑎᑕᐅᔪᒫᕐᒪᑕ.

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᐂᑉᐸᖏᑦ 23:25

ᐊᑕᓂᖅ ᒎᑎᓯ ᐱᔨᑦᓯᒐᒃᓴᕆᕙᓯ, ᑕᕝᕙ ᓂᕿᒃᓴᓯ ᐃᒥᒃᓴᓯᓗ ᓮᒻᒪᕐᑎᓐᓂᐊᕐᐸᒃᑲ; ᖃᓂᒪᓇᕐᑐᓪᓗ ᐃᓕᑦᓯᓐᓂᑦ ᐲᔭᕐᓂᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᒨᓯᓯ ᐱᖓᔪᖏᑦ 19:12

ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑎᐅᓯᐅᑉ ᐊᒡᓚᖏᑦ 5:33

“ᑐᓴᓚᐅᕆᕗᓯ ᐃᓄᐃᑦ ᐅᖃᐅᑦᔭᐅᕙᓚᐅᕐᒪᑕ, ‘ᐊᖏᒻᒪᕆᒃᑐᒃᓴᐅᓐᖏᓚᑎᑦ ᓱᓕᖏᓪᓗᑎᑦ, ᐊᖏᒻᒪᕆᒃᑯᕕᑦ ᐊᑕᓂᐅᑉ ᓵᖓᓂ ᐊᑐᒐᒃᓴᕆᕙᑎᑦ ᐊᑐᕐᓂᐊᕐᓂᕋᕐᓯᒪᔭᑎᑦ.’

ᓘᑲᓯᐅᑉ ᐊᒡᓚᖏᑦ 4:8

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 13:4

ᐊᑕᓂᖅ ᒎᑎᓯ ᒪᓕᒃᑕᒃᓴᕆᕙᓯ ᐃᓕᕋᒋᓗᒍᓗ ᐱᖁᔭᖏᓪᓗ ᒪᓕᒡᓗᒋᑦ ᓂᐱᖓᓗ ᓈᓚᒡᓗᒍ, ᑐᒃᓯᐊᕐᕕᒋᔭᒃᓴᕆᕙᓯ ᓴᒃᑯᑦᑍᓕᓗᒍᓗ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 5:11

“‘ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᓂᐊᕐᐹ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᔮᓱᐊᑉ ᐊᒡᓚᖏᑦ 2:12

ᒫᓐᓇᓕ ᐊᖏᕐᕕᒋᓚᐅᕐᓯᓐᖓ ᐊᑕᓂᕐᒧᑦ ᐱᑦᓯᐊᕐᕕᒋᓚᐅᕋᑦᓯᒃ ᑍᒫᒃᑕᐅᖅ ᐅᕙᓐᓂᒃ ᐱᑦᓯᐊᖁᓪᓗᓯ ᐃᓚᓐᓂᒡᓗ, ᓱᓕᑦᔪᑎᑦᓯᓐᓂᒃ ᓇᓗᓁᒃᑯᑕᖃᖁᔨᔪᖓ ᐅᒃᐱᕈᓱᒍᓐᓇᖁᓪᓗᖓ.

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”