ᒨᓯᓯ ᑕᓪᓕᒪᖏᑦ 5:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ.

ᒨᓯᓯ ᑕᓪᓕᒪᖏᑦ 5:4 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᒨᓯᓯ ᑕᓪᓕᒪᖏᑦ 4:33

ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?

ᒨᓯᓯ ᐂᑉᐸᖏᑦ 19:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᐃᓕᖕᓄᑦ ᕾᓂᐊᕐᐳᖓ ᓄᕗᔭᒥ ᐃᓛᒃᑰᕐᑐᒦᓪᓗᖓ, ᐃᓄᐃᑦ ᑐᓵᔪᓐᓇᖁᓪᓗᒋᑦ ᐃᓕᖕᓄᑦ ᐅᖃᓪᓚᒃᑎᓪᓗᖓ, ᐃᓕᖕᓂᒡᓗ ᐅᒃᐱᕈᓱᓕᖁᓪᓗᒋᑦ ᑍᒪᓐᖓᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᒨᓯᓯ ᓯᑕᒪᖏᑦ 14:14

ᐅᖃᐅᓯᕆᓂᐊᕐᐹᓪᓗ ᓄᓇᐅᑉ ᐅᐸᒐᓱᐊᕐᑕᑦᑕ ᐃᓄᖏᓐᓄᑦ. ᑐᓴᕐᓯᒪᖕᒪᑕ, ᐃᕝᕕᑦ ᐊᑕᓃᖅ, ᐃᓄᐃᑦ ᑖᒃᑯᐊ ᐃᓚᒋᒐᕕᒋᑦ; ᐃᕝᕕᓪᓗ ᐊᑕᓃᖅ ᑕᑯᕙᒃᑲᕕᒋᑦ ᑮᓇᕐᒥᑦ ᑮᓇᕐᒧᑦ ᓄᕗᔭᒧᓪᓗ ᖁᓚᖏᐊᖃᑦᑕᕋᕕᒋᑦ, ᓄᕗᔭᒧᓪᓗ ᓯᕗᓕᖃᑦᑕᕋᕕᒋᑦ ᐅᓪᓗᒃᑯᑦ ᐃᑯᐊᓚᔪᒧᓪᓗ ᐅᓐᓄᐊᒃᑯᑦ.

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᒨᓯᓯ ᐂᑉᐸᖏᑦ 20:1

ᒎᑎᐅᓪᓗ ᐅᖃᐅᓰᑦ ᐅᑯᐊ ᐅᖃᐅᓯᕆᓚᐅᕐᐰᑦ, ᐅᖃᕐᓗᓂ,

ᒨᓯᓯ ᑕᓪᓕᒪᖏᑦ 4:12

ᐅᖃᐅᑎᔭᒃᓴᕆᕙᓯᑦᑕᐅᖅ ᖃᓄᖅ ᐊᑕᓂᕐᒧᑦ ᐅᖃᓪᓚᒡᕕᒋᔭᐅᖃᑦᑕᓚᐅᕐᒪᖔᑦᓯ ᐃᑯᒪᒥᑦ, ᖃᓄᕐᓗ ᑐᓵᓚᐅᕐᒪᖔᑦᓯ ᐅᖃᓪᓚᒃᑎᓪᓗᒍ ᑖᑦᓱᒥᖓ ᓱᓇᒐᓛᖕᒥᒡᓘᓐᓃᑦ ᑕᑯᓐᓇᕐᓇᓯ.

ᒨᓯᓯ ᑕᓪᓕᒪᖏᑦ 4:15

“ᑍᑦᓱᒪᓂ ᐊᑕᓂᕐᒧᑦ ᐅᖃᓪᓚᒡᕕᐅᑎᓪᓗᓯ ᐃᑯᒪᒥᑦ ᖃᖅᑲᒥ ᕼᐆᕆᑉᒥ, ᓱᓇᒥᒡᓘᓐᓃᑦ ᑕᑯᓚᐅᓐᖏᓚᓯ. ᑍᒤᒻᒪᑦ ᐃᓕᑦᓯᓐᓄᑦ ᐱᕙᓪᓕᕐᓇᖁᓪᓗᒍ, ᑲᔪᓯᑦᓯᐊᓕᕆᑦᓯ ᒫᓐᓇᒥᑦ ᐱᒋᐊᕐᓗᒍ,

ᒨᓯᓯ ᑕᓪᓕᒪᖏᑦ 5:22

“ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”