ᒨᓯᓯ ᑕᓪᓕᒪᖏᑦ 5:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² “ᐃᓴᕆᐊᓕᒥᐅᖑᔪᓯ, ᐃᒃᐱᒍᓱᑦᓯᐊᕆᐊᖃᕐᐳᓯ ᐱᓇᓱᐊᖁᓪᓗᓯ ᐊᑕᓂᐅᑉ ᒎᑎᑦᓯ ᐱᖁᔨᓂᖏᓐᓂᒃ. ᓇᓪᓕᐊᓐᓂᒡᓘᓐᓃᑦ ᐱᖁᔭᖏᓐᓂᒃ ᓈᓚᖏᑦᑑᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 5:32 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:37

ᒪᓕᑦᓯᐊᕋᓱᐊᕐᑐᒃᓴᐅᕗᓯ ᐱᐅᓯᐅᖁᔭᓐᓂᒃ, ᐱᓂᐊᕐᑕᐅᖁᔭᓐᓂᒡᓗ, ᐱᖁᔭᓕᐊᕆᓯᒪᔭᓐᓂᒡᓗ, ᒪᓕᒐᒃᓴᓕᐊᕆᓯᒪᔭᓐᓂᒡᓗ ᑎᑎᕋᕐᑕᐅᑎᓯᒪᔭᓐᓂᒃ, ᐊᓯᓐᓂᒃ ᒎᑎᖃᕋᓱᐊᕐᑐᒃᓴᐅᓐᖏᓚᓯ.

ᐊᑕᓃᑦ ᐂᑉᐸᖏᑦ 21:8

ᐃᓴᕆᐊᓕᒥᐅᑦ ᐃᑎᒐᖏᑦ ᐊᐅᓪᓚᖃᑦᑕᖁᔪᓐᓃᕐᓂᐊᕐᐸᒃᑲ ᓄᓇᒋᓕᕐᑕᖓᓂᑦ ᓯᕗᓕᕕᓂᖏᓐᓄᑦ ᑐᓂᑦᔪᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐱᖁᔭᓕᒫᓐᓂᒃ ᒪᓕᑦᓯᐊᕐᓂᐊᕐᐸᑕ ᐊᑐᕐᑕᐅᖁᓚᐅᕐᑕᓐᓂᒃ ᑖᒃᑯᓄᖓ, ᐱᖁᔭᓕᒫᓂᒡᓗ ᐱᔨᒪ ᒨᓯᓯᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᑖᒃᑯᓄᖓ.”

ᐊᑕᓃᑦ ᐂᑉᐸᖏᑦ 22:2

ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.

ᐃᓐᖏᕈᑎᑦ 125:5

ᐱᐅᖏᑦᑐᓕᓂᕐᒧᓪᓕ ᓴᖑᕕᖃᕐᑐᑦ, ᐊᑕᓂᐅᑉ ᐊᐅᓪᓚᕐᑎᓐᓂᐊᕐᐰᑦ ᐱᐅᖏᑦᑐᓕᔪᑦ ᐃᓚᒋᓗᒋᑦ! ᐃᓴᕆᐊᓕᒃᑯᑦ ᓮᒻᒪᕐᑎᑕᐅᓕᑦ!

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᐃᓐᖏᕈᑎᑦ 80:19

ᐋᖅᑭᓚᐅᕐᒥᑎᒍᑦ, ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:2

ᐅᓪᓗᐃᑦ ᐊᕐᕌᒍᑦ ᐃᓅᓯᕐᓂᒃ ᑕᑭᒡᓕᑎᑕᐅᓂᐊᕐᐳᑦ ᐊᒥᒐᕐᓯᖏᓐᓂᕐᒥᒡᓗ ᑐᓂᓯᕕᐅᑦᔪᑎᒋᓂᐊᕐᐸᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:27

ᓇᓪᓕᐊᓐᓄᑐᐃᓐᓇᖅ ᓴᐅᒥᒧᑦ ᑕᓕᕐᐱᒧᓪᓗ ᓴᖑᑦᑍᓕᓗᑎᑦ; ᐱᐅᖏᑦᑐᑦ ᐊᖅᑯᑎᖕᓃᑦᑐᑦ ᓴᓂᖅᑯᑉᐸᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐃᓯᑭᐊᓕᐅᑉ ᐊᒡᓚᖏᑦ 20:19

ᐅᕙᖓ ᐊᑕᓂᖅ ᒎᑎᒋᒐᑦᓯᓐᖓ; ᐱᓂᐊᕐᑕᐅᖁᔭᒃᑲ ᒪᓕᓕᕐᓯᐅᒃ, ᐊᑐᕐᑕᐅᖁᔭᒃᑲᓗ ᐊᑐᕐᓗᒋᑦ,

ᐃᓯᑭᐊᓕᐅᑉ ᐊᒡᓚᖏᑦ 37:24

ᐱᔨᒐ ᑍᕕᑎ ᐊᖓᔪᖅᑳᕐᔪᐊᖑᔪᒫᕐᐳᖅ ᑖᒃᑯᓄᖓ; ᐊᑕᐅᓯᕐᒥᒡᓗ ᐰᕐᓯᔨᖃᕈᒫᕐᐳᑦ. ᐱᖁᔭᒃᑲᓗ ᒪᓕᒍᒫᕐᐰᑦ ᐊᑐᕐᑕᐅᖁᔭᒃᑲᓗ ᑲᒪᒋᑦᓯᐊᕐᓗᒋᑦ ᐊᑐᕈᒫᕐᐰᑦ.

ᒨᓯᓯ ᑕᓪᓕᒪᖏᑦ 11:32

ᑲᒪᑦᓯᐊᕆᑦᓯ ᐱᖁᔭᓕᒫᓐᓂᒃ ᒪᓕᒐᒃᓴᓂᒡᓗ ᒪᓕᑦᓯᐊᖁᓪᓗᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᓐᓂᒃ.”

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 17:11

ᐊᑐᕐᑕᐅᖁᔭᐅᔪᒥᒃ ᖃᓄᐃᓕᐅᖁᔭᐅᑦᔪᑎᓕᒫᓪᓗ ᑍᒪᓐᓇᓪᓗᐊᖅ ᒪᓕᒡᓗᒋᑦ ᐱᓇᓱᐊᕐᑐᒃᓴᐅᕗᓯ; ᓴᖑᑎᖏᑦᓯᐊᕐᓗᒋᑦ ᑕᓕᕐᐱᒧᑦ ᓴᐅᒥᖕᒧᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 17:20

ᑕᒪᓐᓇ ᓴᐳᑦᔭᐅᑦᔪᑎᒋᓯᒪᒐᔭᕐᒪᒍ ᐃᓅᖃᑎᒥᓂᑦ ᐱᐅᓂᕐᓴᐅᓇᓱᒋᓕᖁᓇᒍ, ᐊᑕᓂᐅᓪᓗ ᐱᖁᔭᖏᓐᓂᑦ ᓴᖑᖁᓇᒍ, ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ; ᐊᑯᓂᐅᔪᒥᒃ ᐊᖓᔪᖅᑳᕐᔪᐊᖑᖁᓪᓗᒍ ᐊᖓᔪᖅᑲᐅᕕᖕᒥᓂ, ᑖᓐᓇᓗ ᑭᖑᕚᖏᓪᓗ, ᐃᓴᕆᐊᓕᒥᐅᓂ.”

ᒨᓯᓯ ᑕᓪᓕᒪᖏᑦ 24:8

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 28:14

ᑍᒪᓐᖓᑦ ᓈᓚᑦᓯᐊᕆᐊᖃᕐᐸᓯ ᓈᓚᖏᑦᑑᑦᑍᓕᓗᒋᑦ ᓇᓪᓕᐊᓐᓄᓪᓘᓐᓃᑦ ᓴᐅᒥᒧᑦ ᑕᓕᕐᐱᒧᓪᓘᓐᓃᑦ ᓴᖑᑦᑍᓕᓗᓯ, ᒎᑎᐅᓪᓗ ᐊᓯᖏᓐᓂᒃ ᒎᑎᒋᔭᐅᔪᓂᒃ ᑐᒃᓯᐊᕐᕕᖃᕋᓱᒃᑐᒃᓴᐅᓐᖏᓚᓯ.”

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᒨᓯᓯ ᑕᓪᓕᒪᖏᑦ 6:17

ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᑐᓂᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 6:25

ᑕᕝᕙ ᑕᒪᒃᑯᓂᖓᓕᒫᖅ ᒪᓕᑦᓯᐊᕈᑦᑕ ᒎᑎᐅᑉ ᒪᓕᒃᑕᐅᖁᓯᒪᔭᖏᓐᓂᒃ, ᖁᕕᐊᒋᓂᐊᕐᐹᑎᒍᑦ.’”

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 8:1

“ᐱᖁᔭᓕᒫᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ ᓈᓚᒃᑕᒃᓴᕆᕙᓯ, ᐃᓅᔪᓐᓇᖁᓪᓗᓯ ᐅᓄᕐᓯᕙᓪᓕᐊᔪᓐᓇᖁᓪᓗᓯᓗ, ᓄᓇᑖᕈᓐᓇᖁᓪᓗᓯᓗ ᐊᑕᓂᐅᑉ ᑐᓂᓂᐊᕐᓂᕋᕐᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊᑉ ᐊᒡᓚᖏᑦ 23:6

ᑍᒤᒻᒪᑦ ᑲᒪᑦᓯᐊᕐᑐᒃᓴᐅᕗᓯ ᓈᓚᑦᓯᐊᕐᓗᒋᓪᓗ ᐱᓇᓱᐊᕐᓗᒋᑦ ᑎᑎᕋᕐᑕᐅᓯᒪᔪᓕᒫᑦ ᐊᒡᓚᖕᓂ ᒨᓯᓯᐅᑉ ᐱᖁᔭᖏᓐᓂ, ᓇᓪᓕᐊᓐᓄᓪᓘᓐᓃᑦ ᓴᖑᑦᑍᓕᒋᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ,

ᐲᑦᑐᕉᓯ ᐂᑉᐸᖏᑦ 2:21

ᐱᐅᓂᕐᓴᐅᒐᔭᓚᐅᕐᐳᖅ ᖃᐅᔨᓚᐅᖏᒃᑯᑎᒃ ᐃᓗᐊᕐᓯᑎᑕᐅᓂᕐᒥᒃ ᑕᒪᑐᒥᖓ ᖃᐅᔨᓯᒪᓕᕐᓗᒍ ᕿᒪᒃᑯᓂᑦᔪᒃ ᐱᖁᔭᖅ ᐃᑦᔪᕐᓁᑦᑐᖅ ᑖᒃᑯᓄᖓ ᑐᓂᔭᐅᓯᒪᔪᖅ.