ᒨᓯᓯ ᑕᓪᓕᒪᖏᑦ 5:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 5:29 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:18

ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ, ᓯᕗᓕᑦᑕᓗ ᒎᑎᖓᑦ, ᑕᒪᓐᓇ ᐃᓱᖃᖏᑦᑐᒧᑦ ᑲᔪᓯᑎᓚᐅᕈᒃ ᐃᓄᖁᑎᕕᑦ ᐆᒻᒪᑎᖓᑕ ᐃᓱᒪᖏᓐᓂ, ᐆᒻᒪᑎᖏᓪᓗ ᐃᓕᖕᓄᑦ ᑐᕌᕐᑎᑦᓮᓐᓇᒃᑭᑦ.

ᐃᓐᖏᕈᑎᑦ 106:3

ᖁᕕᐊᓱᒍᑎᒃᓴᖃᕐᐳᑦ ᐊᑦᔨᒌᒃᑎᑦᓯᔪᑦ, ᓈᒻᒪᓈᕐᑐᒥᒃᓗ ᑍᒪᓐᖓᑦ ᐱᓇᓱᐊᖃᑦᑕᕐᑐᖅ!

ᐃᓐᖏᕈᑎᑦ 19:11

ᑖᒃᑯᓄᖓ ᐱᔩᑦ ᐃᓂᕐᑎᕐᑕᐅᕗᖅ, ᑖᒃᑯᓂᖓᓗ ᒪᓕᑦᓯᐊᕐᑐᖅ ᐊᖏᔪᒥᒃ ᐊᑭᓕᕐᑕᐅᓪᓗᓂ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᐃᓐᖏᕈᑎᑦ 78:7

ᓯᕗᒧᑦ ᓂᕆᐅᒋᔭᖃᓕᖁᓪᓗᒋᑦ ᒎᑎᒥᒃ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐳᐃᒍᖁᓇᒋᑦ, ᐱᖁᔭᖏᓐᓂᒡᓗ ᐱᓯᒤᓐᓇᖁᓪᓗᒋᑦ;

ᐃᓐᖏᕈᑎᑦ 81:16

ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 42:6

ᐊᑕᓂᐅᑉ ᒎᑎᑦᑕ ᐅᖃᕐᑕᐅᑎᑕᖏᑦ ᐅᕙᑦᑎᓐᓄᑦ ᖁᕕᐊᓇᕋᓗᐊᕐᐸᑕ ᖁᕕᐊᓇᖏᒃᑲᓗᐊᕐᐸᑕᓗ ᐊᑕᓂᐅᑉ ᓂᐱᖓ ᓈᓚᖕᓂᐊᕐᐸᕗᑦ, ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᓈᓚᒃᑯᑦᑕ ᖃᓄᐃᖏᑦᓯᐊᕐᓂᐊᕋᑦᑕ.”

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᓘᑲᓯᐅᑉ ᐊᒡᓚᖏᑦ 19:42

ᐅᖃᕐᓗᓂ, “ᖃᐅᔨᓚᐅᕐᓯᐅᒃᑐᖅ ᐊᑭᕋᕐᑑᑎᖏᑦᔪᑎᒃᓴᖅ! ᒫᓐᓇᓕ ᑭᓯᐊᓂ ᑐᑭᓯᔪᓐᓇᓐᖏᓚᓯ!

ᔪᐊᓇᓯᐅᑉ ᐊᒡᓚᖏᑦ 15:14

ᐃᓚᓐᓇᕆᕙᑦᓯ ᐱᖁᔭᓐᓂᒃ ᒪᓕᒃᑯᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᐃᐱᓯᒥᐅᓄᑦ 6:3

“ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ.”

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 11:1

“ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᑍᒪᓐᖓᓪᓗ ᐱᖁᔭᓕᒫᖏᑦ ᓈᓚᒡᓗᖏᑦ.

ᒨᓯᓯ ᑕᓪᓕᒪᖏᑦ 12:25

ᑕᒪᓐᓇ ᐱᖁᔨᑦᔪᑎᐅᔪᖅ ᒪᓕᖕᓂᐊᕈᕕᐅᒃ, ᑕᕝᕙ ᐊᑕᓂᐅᑉ ᖁᕕᐊᒋᓂᐊᕐᐹᑎᑦ, ᐃᓘᓐᓈᒍᓪᓗ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ.

ᒨᓯᓯ ᑕᓪᓕᒪᖏᑦ 12:28

ᑕᒪᒃᑯᐊᓗ ᐱᖁᔨᑦᔪᑎᒋᔭᓕᒫᒃᑲ ᐃᒃᐱᒍᓱᑦᓯᐊᕐᓗᑎᑦ ᓈᓚᒃᑕᒃᓴᕆᕙᑎᑦ, ᑕᕝᕙ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ ᐃᓱᖃᖏᑦᑐᒧᑦ, ᐱᓇᓱᐊᕋᔭᕋᕕᑦ ᓈᒻᒪᒋᔭᐅᔪᒥᒃ ᐊᑕᓂᐅᓪᓗ ᒎᑎᕕᑦ ᖁᕕᐊᒋᔭᖓᓂᒃ.”

ᒨᓯᓯ ᑕᓪᓕᒪᖏᑦ 19:13

ᓂᑲᒋᔭᐅᔭᕆᐊᖃᓐᖏᓚᖅ, ᐃᓴᕆᐊᓕᒥᐅᑦ ᑕᕝᕙ ᓴᓗᒻᒪᕐᑕᐅᒐᔭᕐᐳᑦ ᑐᖁᑕᐅᔪᒃᓴᐅᖕᒪᑦ ᐸᓯᔭᒃᓴᐅᖏᑦᑑᑉ ᑐᖁᑕᐅᓂᕕᓂᖓᓂᑦ, ᖃᓄᐃᓕᐅᕐᓂᓕᒫᑦᓯᒍᑦ ᖃᓄᐃᖏᑦᓯᐊᖁᓪᓗᓯ.”

ᒨᓯᓯ ᑕᓪᓕᒪᖏᑦ 22:7

ᐱᐊᕋᖏᓐᓂᒡᓕ ᐱᔪᓐᓇᕋᓗᐊᕐᐳᑎᑦ ᐊᓈᓇᖓ ᐱᔭᒃᓴᕆᓐᖏᓚᑦ, ᖃᓄᐃᖏᑦᓯᐊᖁᓪᓗᑎ, ᐊᑯᓂᓗ ᓄᓇᒥ ᐃᓅᔪᓐᓇᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 5:16

“‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᑕᓪᓕᒪᖏᑦ 5:30

ᐅᐸᒡᓗᒋᑦ ᐅᖃᐅᑎᔭᕐᑐᓕᒃᑭᑦ ᑐᐱᕐᒥᖕᓄᑦ ᐅᑎᖁᓗᒋᑦ.

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 6:17

ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᑐᓂᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 6:18

ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 8:6

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᕐᑐᒃᓴᐅᕗᓯ: ᑖᑦᓱᒪ ᐱᖁᔭᖏᑦ ᒪᓕᒡᓗᒋᑦ ᐃᓅᔪᒃᓴᐅᕗᓯ ᐃᓕᕋᒋᓗᒍᓗ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᔧᒥᓯᐅᑉ ᐊᒡᓚᖏᑦ 1:25

ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᕉᑎᐅᑉ ᐅᓂᒃᑲᐅᓯᓂᖓ 3:1

ᑭᖑᓂᖓᒍᑦ ᓁᐅᒥᐅᑉ ᐅᑯᐊᓂ ᕉᑎ ᐅᖃᐅᑎᕚ, “ᐅᐃᒃᓴᕐᓂᒃ ᕿᓂᖁᕕᖔ ᓇᖕᒥᓂᖅ ᐊᖏᕐᕋᖃᑦᓯᐊᓕᕐᓂᐊᕋᕕᑦ?