ᒨᓯᓯ ᑕᓪᓕᒪᖏᑦ 5:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᒨᓯᓰ ᐅᐸᒡᓗᒍ ᓈᓚᒋᐊᕐᑐᓚᐅᕈᒃ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔪᒪᔭᓕᒫᖏᑦ. ᑕᕝᕙ ᐅᕙᑦᑎᓐᓄᑦ ᐅᑎᕐᓗᑎᑦ ᐅᖃᕐᓂᐊᕐᐳᑎᑦ ᖃᓄᖅ ᐃᓕᖕᓄᑦ ᐅᖃᐅᓯᖃᕐᒪᖔᑦ. ᐅᕙᒍᑦ ᑕᕝᕙ ᓈᓚᖕᓂᐊᕐᐳᒍᑦ ᒪᓕᒡᓗᑕᓗ.’

ᒨᓯᓯ ᑕᓪᓕᒪᖏᑦ 5:27 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 18:20

ᐱᖁᔭᓂᒡᓗ ᐊᔪᕆᕐᑐᕐᑕᒃᓴᕆᕙᑎᑦ ᑐᑭᓯᑎᓪᓗᒋᓪᓗ ᖃᓄᖅ ᐃᓅᔪᒃᓴᐅᖕᒪᖔᑕ, ᖃᓄᐃᓕᐅᕐᑐᒃᓴᐅᖕᒪᖔᑕᓗ.

ᒨᓯᓯ ᐂᑉᐸᖏᑦ 19:8

ᐃᓄᐃᑦ ᑕᕝᕙ ᐊᑕᐅᑦᓯᒃᑯᑦ ᑭᐅᕗᑦ ᐅᖃᕐᓗᑎᒡᓗ, “ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐱᓇᓱᐊᕐᓂᐊᕐᐸᕗᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᕆᔭᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 20:18

ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ.

ᒨᓯᓯ ᐂᑉᐸᖏᑦ 20:19

ᒨᓯᓯᒧᓪᓗ ᐅᖃᕐᐳᑦ, “ᐅᕙᑦᑎᓐᓄᑦ ᐅᖃᕈᕕᑦ ᓈᓚᖕᓂᐊᕐᐳᒍᑦ, ᑭᓯᐊᓂᓕ ᓯᕘᕋᕗᒍᑦ ᒎᑎᐅᑉ ᐅᖃᕐᕕᒋᒃᐸᑎᒍᑦ ᑐᖁᑐᐃᓐᓇᕆᐊᖃᕋᑦᑕ.”

ᒨᓯᓯ ᐂᑉᐸᖏᑦ 24:3

ᒨᓯᓯᐅᓪᓗ ᐃᓄᐃᑦ ᐅᖃᕐᕕᒋᕔᑦ, ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᒪᓕᒐᕆᔭᐅᖁᔭᖏᓐᓂᒡᓗ. ᐃᓄᐃᓪᓗ ᐊᑕᐅᑦᓯᒃᑯᑦ ᑭᐅᕗᑦ, “ᐊᑕᓂᐅᑉ ᐅᖃᐅᓯᕆᔭᓕᒫᖏᓐᓂᒃ ᒪᓕᖕᓂᐊᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 42:5

ᑖᒃᑯᐊᓗ ᔨᕆᒤᐊᒧᑦ ᐅᖃᕐᐳᑦ, “ᐊᑕᓂᐅᑉ ᖃᐅᔨᑦᔪᑎᒃᓴᕆᓂᐊᓕᕐᐹᑎᒍᑦ ᐊᖅᑯᑎᒋᓗᓂᑎᑦ ᐅᕙᑦᑎᓐᓄᑦ ᒪᓕᒃᑕᐅᖁᔭᖏᓐᓂᒃ ᓈᓚᖏᒃᑯᑦᑕ.

ᔨᕆᒤᐊᐅᑉ ᐊᒡᓚᖏᑦ 42:6

ᐊᑕᓂᐅᑉ ᒎᑎᑦᑕ ᐅᖃᕐᑕᐅᑎᑕᖏᑦ ᐅᕙᑦᑎᓐᓄᑦ ᖁᕕᐊᓇᕋᓗᐊᕐᐸᑕ ᖁᕕᐊᓇᖏᒃᑲᓗᐊᕐᐸᑕᓗ ᐊᑕᓂᐅᑉ ᓂᐱᖓ ᓈᓚᖕᓂᐊᕐᐸᕗᑦ, ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᓈᓚᒃᑯᑦᑕ ᖃᓄᐃᖏᑦᓯᐊᕐᓂᐊᕋᑦᑕ.”

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᒨᓯᓯ ᑕᓪᓕᒪᖏᑦ 5:28

“ᐊᑕᓂᐅᓪᓕ ᑕᒪᓐᓇ ᑐᓴᕋᒥᐅᒃ, ᐅᕙᓐᓄᑦ ᐅᖃᕐᐳᖅ, ‘ᐅᑯᐊ ᐃᓄᐃᑦ ᐅᖃᐅᓯᕆᔭᖏᑦ ᑐᓵᕙᒃᑲ, ᓈᒻᒪᓈᑦᓯᐊᕐᓗᑎᒃ ᐅᖃᕐᐳᑦ.

ᐄᑉᕈᐃᓄᑦ 12:19

ᑎᑦᑐᓚᐅᑎᐅᓪᓗ ᓂᐱᖓᓂᒃ, ᐅᖃᓪᓚᒃᑑᓪᓗ ᓂᐱᖓᓂᒃ ᐃᓄᐃᑦ ᑐᓴᕋᒥᒃ ᕿᓄᓕᓚᐅᕐᐳᑦ ᑍᒤᑦᑐᒥᒃ ᑐᓴᒃᑲᓐᓂᕈᒪᔪᓐᓃᕐᓗᑎᒃ.

ᔮᓱᐊᑉ ᐊᒡᓚᖏᑦ 24:24

ᐃᓄᐃᑦ ᐅᖃᕐᐳᑦ ᔮᓱᐊᒧᑦ, “ᐊᑕᓂᖅ ᒎᑎᕗᑦ ᐱᔨᑦᓯᕐᓂᐊᕐᐸᕗᑦ, ᑖᑦᓱᒪᓗ ᓂᐱᖓ ᓈᓚᖕᓂᐊᕐᐸᕗᑦ.”