ᒨᓯᓯ ᑕᓪᓕᒪᖏᑦ 5:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᒨᓯᓯ ᑕᓪᓕᒪᖏᑦ 5:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 32:31

ᓯᕿᓂᕐᓗ ᖁᑦᑎᒃᓯᓚᐅᕐᐳᖅ ᔧᑯ ᑕᕝᕙᓐᖓᑦ ᐱᓄᐃᓕᒥᑦ ᕿᒪᕉᑎᓕᕐᑎᓪᓗᒍ, ᑐᓯᐊᓕᓚᐅᕐᐳᕐᓗ ᓯᕝᕕᐊᓂ ᐱᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 6:12

ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.

ᐃᓐᖏᕈᑎᑦ 42:2

ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?

ᐃᓐᖏᕈᑎᑦ 42:3

ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ, ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”

ᐃᓐᖏᕈᑎᑦ 84:2

ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.

ᒨᓯᓯ ᐂᑉᐸᖏᑦ 20:22

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓴᕆᐊᓕᒥᐅᓄᑦ ᐃᒫᒃ ᐅᖃᕐᑐᒃᓴᐅᕗᑎᑦ: ‘ᐃᓕᑦᓯ ᓇᖕᒥᓂᖅ ᑕᑯᓚᐅᕐᐳᓯ ᐅᖃᓪᓚᒃᑎᓪᓗᖓ ᕿᓚᖕᒥᑦ.

ᐂᓮᐊᓯᐅᑉ ᐊᒡᓚᖏᑦ 40:6

ᓂᐱᓗ ᐅᖃᕐᐳᖅ, “ᓂᓪᓕᐊᓕᕆᑦ!” ᐅᖃᕐᐳᖓᓕ, “ᓱᓇᒥᒡᓕ ᓂᓪᓕᐊᑦᔪᑎᖃᕐᓗᖓ?” “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᐅᑉ ᐱᕈᕐᑐᖏᓐᓂᒃ ᐊᑦᔨᖃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 26:63

ᔩᓱᓯᓕ ᓂᓪᓕᓐᖏᓚᖅ. ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ ᐅᖃᕐᕕᒋᒃᑲᓐᓂᕐᐹ, “ᒎᑎᐅᑉ ᑐᖁᓱᐃᑦᑑᑉ ᐊᑎᖓᓂ ᐅᖃᖁᓪᓚᕆᓕᕐᐸᒋᑦ, ᐅᖃᐅᑎᓚᐅᕐᑎᒍᑦ ᙭ᔅᑑᓯᐅᖕᒪᖔᕐᐱᑦ, ᒎᑎᐅᑉ ᐃᕐᓂᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒨᓯᓯ ᑕᓪᓕᒪᖏᑦ 4:33

ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?

ᒨᓯᓯ ᑕᓪᓕᒪᖏᑦ 5:27

ᒨᓯᓰ ᐅᐸᒡᓗᒍ ᓈᓚᒋᐊᕐᑐᓚᐅᕈᒃ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔪᒪᔭᓕᒫᖏᑦ. ᑕᕝᕙ ᐅᕙᑦᑎᓐᓄᑦ ᐅᑎᕐᓗᑎᑦ ᐅᖃᕐᓂᐊᕐᐳᑎᑦ ᖃᓄᖅ ᐃᓕᖕᓄᑦ ᐅᖃᐅᓯᖃᕐᒪᖔᑦ. ᐅᕙᒍᑦ ᑕᕝᕙ ᓈᓚᖕᓂᐊᕐᐳᒍᑦ ᒪᓕᒡᓗᑕᓗ.’

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᐃᓗᐊᕐᓮᔩᑦ ᐊᒡᓚᖏᑦ 13:22

ᒪᓄᐊᓗ ᓄᓕᐊᒥᓄᑦ ᐅᖃᕐᐳᖅ, “ᑐᖁᓂᐊᓕᕐᐳᒍᒃ, ᒎᑎᒥᒃ ᑕᑯᓚᐅᕋᓐᓄᒃ!”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”