ᒨᓯᓯ ᑕᓪᓕᒪᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ ᑐᕌᕐᑐᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᓇᖕᒥᓂᖅ ᕿᑐᕐᖓᑎᓪᓘᓐᓃᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᖑᔪᓪᓘᓐᓃᑦ ᓄᓇᑦᓯᓐᓄᑦ. ᐱᔨᓯᑦᑕᐅᖅ ᐃᓕᑦᓯᑎᑐᑦ ᑕᕾᕐᓯᕐᑐᒃᓴᐅᒋᕗᑦ.

ᒨᓯᓯ ᑕᓪᓕᒪᖏᑦ 5:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 2:2

ᐅᓪᓗᐃᑦ 7ᖓᓐᓂ ᒎᑎᐅᑉ ᐱᓇᓱᐊᕐᑕᓂ ᐱᔭᕇᕋᒥᒋᑦ, ᑕᕾᕐᓯᕐᐳᖅ ᓴᓇᔭᓕᒫᒥᓂᑦ ᐱᓇᓱᐊᓚᐅᕐᑕᒥᓂᑦ.

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 13:16

ᐃᓄᐃᑦᑕᐅᖅ ᑍᕆᒥᐅᑍᑦ, ᑕᕝᕙᓂ ᐃᒡᓗᒐᓴᖕᓂ ᓄᓇᖃᓚᐅᕆᕗᑦ, ᐃᖃᓗᖕᓂᒃ ᐊᓯᖏᓐᓂᒡᓗ ᖃᓄᐃᑦᑐᑐᐃᓐᓇᓂᒃ ᓂᐅᕕᐊᒃᓴᖃᖃᑦᑕᓚᐅᕆᕗᑦ ᓴᐸᑎᐅᑎᓪᓗᒍ ᔫᑕᐅᑉ ᐃᓄᖏᓐᓄᑦ, ᔨᕉᓴᓕᒥᓗ.

ᓂᕼᐃᒤᐊᐅᑉ ᐊᒡᓚᖏᑦ 13:21

ᐃᓂᕐᑎᓚᐅᕐᐸᒃᑲᓕ ᐅᖃᐅᑎᓪᓗᒋᓪᓗ, “ᓱᖕᒪᑦ ᐊᕙᓗᕐᔪᐊᑉ ᓯᓚᑖᓂ ᓯᓂᒃᑕᕐᐱᓰ? ᑍᒤᓕᑐᐊᕐᒥᒍᑦᓯ ᑕᕝᕙ ᐱᒋᐊᓛᓕᕐᐳᖓ ᐃᓕᑦᓯᓐᓂᒃ.” ᑕᕝᕙᓐᖓᑦ ᐱᒋᐊᕐᓗᑎᒃ ᓴᐸᑎᐅᑎᓪᓗᒍ ᕾᖃᑦᑕᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 5:5

ᐃᓅᖃᑎᒌᒃᑲᓗᐊᕐᑐᒍᑦ ᔫᑎᐅᖃᑎᒋᒐᑦᑎᒍ, ᕿᑐᕐᖓᕗᑦ ᑍᒃᑯᑎᑐᓇᖅ ᕿᑐᕐᖓᖏᑎᑐᑦ ᐱᐅᔫᑎᒋᓐᖏᓛᑦ? ᐸᓂᑦᑕ ᐃᓚᖏᑦ ᐊᒡᓛᑦ ᓂᐅᕐᕈᑎᐅᓯᒪᕗᑦ ᐱᔨᑲᑖᖑᓂᐊᓕᕐᓗᑎᒃ. ᐊᔪᓕᕐᐳᒍᑦ ᐱᕈᕐᓰᕕᖁᑎᕗᑦ ᕔᓂᓕᐅᕐᕕᒃᐳᓪᓗ ᑎᒍᔭᐅᓯᒪᓕᕐᒪᑕ.”

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᒫᑯᓯᐅᑉ ᐊᒡᓚᖏᑦ 2:27

ᔩᓱᓯ ᐅᖃᕐᐳᖅ, “ᓴᐸᑎ ᐋᖅᑭᒃᑕᐅᓯᒪᕗᖅ ᐃᓄᒃ ᐱᑦᔪᑎᒋᓪᓗᒍ; ᐃᓄᒡᓕ ᐋᖅᑭᒃᑕᐅᓯᒪᓐᖏᓚᖅ ᓴᐸᑎ ᐱᓪᓗᒍ;

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᒨᓯᓯ ᑕᓪᓕᒪᖏᑦ 5:13

ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᕐᓂᒃ ᐱᓇᓱᐊᕐᑐᒃᓴᐅᕗᑎᑦ,

ᐄᑉᕈᐃᓄᑦ 4:4

ᐅᖃᕐᓯᒪᖕᒪᑦ ᐅᓪᓗᐃᑦ 7ᖓᓐᓂᒃ ᐱᑦᔪᑎᓕᖕᒥᒃ, “ᒎᑎᓗ ᑕᕾᕐᓯᓚᐅᕐᐳᖅ ᐅᓪᓗᐃᑦ 7ᖓᓐᓂ ᓴᓇᔭᒥᓂᑦ ᑕᒤᓐᓂᑦ.”