ᒨᓯᓯ ᑕᓪᓕᒪᖏᑦ 4:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᐃᓕᑦᓯ ᐱᑦᔪᑎᒋᓪᓗᓯ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ ᓄᓇᖏᓐᓂᑦ ᐊᓂᑎᓚᐅᕐᐰᑦ, ᓄᓇᒋᔭᖏᓐᓂ ᓄᓇᑖᖔᕈᓐᓇᖁᓪᓗᓯ, ᒫᓐᓇ ᓱᓕ ᓄᓇᒋᔭᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:38 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 20:11

ᑕᑯᒋᑦ, ᑕᒫᓃᓕᕐᐳᑦ ᐊᑭᓂᐊᕈᒪᓪᓗᑕ ᓯᖏᑦᑐᒪᓪᓗᑕᓗ ᐱᖁᑎᖕᓂᑦ, ᑐᓂᓚᐅᕐᑕᕐᓂᑦ ᐅᕙᑦᑎᓐᓄᑦ ᑭᖑᕐᖑᑦᔭᐅᖁᓪᓗᒍ.

ᑯᕉᓂᑲ ᐂᑉᐸᖏᑦ 20:7

ᒎᑎᒋᓐᖏᓚᑦᑎᒌᑦ, ᐃᓅᖃᑎᒌᒡᔪᐊᓂᒃ ᑕᒫᓂ ᓄᓇᖃᕐᑐᓂᒃ ᓯᖏᑦᓯᓚᐅᕐᑐᑎᑦ ᐃᓄᖁᑎᕕᑦ ᐃᓴᕆᐊᓕᒥᐅᑦ ᓵᖓᓂ, ᑐᓂᓪᓗᒍᓗ ᐂᑉᕋᕼᐋᒻ ᐱᖃᓐᓇᕆᔭᕕᑦ ᑭᖑᕚᖏᓐᓄᑦ ᐃᓱᖃᖏᑦᑐᒧᑦ?

ᒨᓯᓯ ᓯᑕᒪᖏᑦ 32:4

ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.”

ᒨᓯᓯ ᓯᑕᒪᖏᑦ 34:14

ᕉᐱᓂᐅᑉ ᑭᖑᕚᖏᑦ ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᒑᑎᐅᑉ ᑭᖑᕙᖏᑦ ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᓄᓇᖁᑎᑖᕆᓂᐊᕐᑕᒥᖕᓂᒃ ᐱᑎᑕᐅᔭᕇᕐᒪᑕ; ᒫᓇᓯᐅᓪᓗ ᑭᖑᕚᖏᑕ ᓇᑉᐸᖏᑦ ᓄᓇᖁᑎᒃᓴᒥᖕᓂᒃ ᐱᑎᑕᐅᔭᕇᕐᒪᑕ.

ᒨᓯᓯ ᓯᑕᒪᖏᑦ 34:15

ᑭᖑᕚᖑᖃᑎᒌᑦ ᒪᕐᕈᐃᑦ ᑭᖑᕚᖑᖃᑎᒌᓪᓗ ᓇᑉᐸᖏᑦ ᓄᓇᖁᑎᒃᓴᖏᓐᓂᒃ ᑐᓂᔭᐅᖕᒪᑕ ᔪᐊᕐᑕᓂᐅᑉ ᐊᑭᐊᓂ ᑕᒫᓂ ᓇᔪᕐᑕᑦᑎᓐᓂ, ᔨᕆᑰᑉ ᐊᑭᐊᓂᑦ ᓯᑭᓂᐅᑉ ᓄᐃᕕᐊᑕ ᓇᓛᓄᑦ.”

ᒨᓯᓯ ᑕᓪᓕᒪᖏᑦ 11:23

ᑕᕝᕙ ᐃᓅᖃᑎᒌᒡᔪᐊᑦ ᕿᒪᒃᓯᑎᓐᓂᐊᕐᐰᑦ ᐱᕕᒃᓴᖃᖔᖁᓪᓗᓯ, ᓄᓇᖏᓐᓂᒡᓗ ᓄᓇᑖᕐᓂᐊᕐᐳᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐊᔪᖏᓐᓂᕐᓴᐅᔪᓄᑦ ᐱᔪᓐᓇᕐᓂᖃᕐᓂᕐᓴᐅᔪᓄᓪᓗ ᓄᓇᒋᔭᐅᓚᐅᕐᑐᒥᒃ.

ᒨᓯᓯ ᑕᓪᓕᒪᖏᑦ 2:31

“ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᑕᑯᒋᑦ, ᐊᖓᔪᖅᑳᕐᔪᐊᖅ ᓮᕼᐆᓂ ᓄᓇᖁᑎᖓᓗ ᐃᓕᖕᓄᑦ ᑐᓂᕙᒃᑲ; ᓄᓇᖁᑎᖓᓂᒃ ᐊᕐᓵᕐᓗᒍ ᓄᓇᖁᑎᖓ ᓄᓇᑖᕆᓕᕐᓯᐅᒃ.’

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᒨᓯᓯ ᑕᓪᓕᒪᖏᑦ 8:18

ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,