ᒨᓯᓯ ᑕᓪᓕᒪᖏᑦ 4:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?

ᒨᓯᓯ ᑕᓪᓕᒪᖏᑦ 4:33 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 20:22

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓴᕆᐊᓕᒥᐅᓄᑦ ᐃᒫᒃ ᐅᖃᕐᑐᒃᓴᐅᕗᑎᑦ: ‘ᐃᓕᑦᓯ ᓇᖕᒥᓂᖅ ᑕᑯᓚᐅᕐᐳᓯ ᐅᖃᓪᓚᒃᑎᓪᓗᖓ ᕿᓚᖕᒥᑦ.

ᒨᓯᓯ ᐂᑉᐸᖏᑦ 24:11

ᒎᑎᐅᓪᓗ ᑖᒃᑯᐊ ᐃᓴᕆᐊᓕᒥᐅᓂ ᑕᓯᐅᕐᑎᐅᔪᑦ ᖃᓄᐃᓕᑎᓚᐅᓐᖏᓔᑦ; ᑖᑦᓱᒥᖓ ᑕᑯᒐᓗᐊᕐᑎᓪᓗᒋᑦ, ᓂᕆᖃᑎᒌᒃᓗᑎᒡᓕ ᐃᒥᖃᑎᒌᓕᕐᐳᑦ ᑕᕝᕙᓂ.

ᒨᓯᓯ ᐂᑉᐸᖏᑦ 33:20

ᑮᓇᕋᓕ ᐃᓕᖕᓄᑦ ᑕᑯᔭᐅᑎᓐᓂᐊᓐᖏᓚᕋ; ᐃᓄᑐᐃᓐᓇᖅ ᐅᕙᓐᓂᒃ ᑕᑯᔪᖅ ᐃᓅᔪᓐᓇᖏᒻᒪᑦ.”

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᒨᓯᓯ ᑕᓪᓕᒪᖏᑦ 5:22

“ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”

ᒨᓯᓯ ᑕᓪᓕᒪᖏᑦ 5:24

ᐅᖃᕐᓗᑎᒡᓗ, ‘ᑕᑯᒋᑦ, ᐊᑕᓂᐅᑉ ᒎᑎᑦᑕ ᑕᑯᑎᑉᐹᑎᒍᑦ ᓂᕐᑐᕐᓇᕐᓂᕐᔪᐊᒥᓂᒃ ᐱᔪᓐᓇᕐᓂᕐᔪᐊᒥᓂᒡᓗ, ᓂᐱᖓ ᑐᓵᓕᕋᑦᑎᒍ ᐃᑯᒪᒥᑦ! ᐅᓪᓗᒥ ᑕᑯᕗᒍᑦ ᐃᓅᑉ ᓱᓕ ᐆᒪᔪᓐᓇᕐᓂᖓᓂᒃ, ᒎᑎᒧᑦ ᐅᖄᕕᐅᓯᒪᒐᓗᐊᕐᓗᓂ.

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᒨᓯᓯ ᑕᓪᓕᒪᖏᑦ 5:4

ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ.

ᒨᓯᓯ ᑕᓪᓕᒪᖏᑦ 9:10

ᑕᕝᕙᓂ ᐊᑕᓂᐅᑉ ᑐᓂᓯᕕᒋᓚᐅᕐᐹᖓ ᐅᔭᕌᖕᓂᒃ ᒪᕐᕉᖕᓂᒃ ᓇᖕᒥᓂᖅ ᒎᑎᐅᑉ ᑎᑎᕋᕐᕕᒋᓯᒪᔭᒥᓂᒃ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒥᓂᒃ ᐃᑯᒪᒦᓪᓗᓂ ᑍᑦᓱᒪᓂ ᐅᓪᓗᒥ ᖃᖅᑲᐅᑉ ᑭᒡᓕᖓᓂ ᑲᑎᓐᖓᑎᓪᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 6:22

ᒋᑎᐅᓂᓗ ᑐᑭᓯᓕᕐᐳᖅ ᐊᑕᓂᐅᑉ ᐂᖏᓕᖓᓂᒃ ᑕᑯᓂᕐᒥᓂᒃ; ᑲᑉᐱᐊᓱᖕᓂᕐᒧᓪᓗ ᐅᖃᕐᐳᖅ, “ᑕᑯᒋᑦ ᐊᑕᓃᖅ ᒎᑏ! ᐂᖏᓖᖁᑏᑦ ᑕᑯᕙᕋ ᑮᓇᕐᒥ ᑮᓇᕐᒧᑦ!”