ᒨᓯᓯ ᑕᓪᓕᒪᖏᑦ 4:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² “ᐅᓪᓗᐃᑦ ᐊᓂᒍᕐᓯᒪᔪᑦ ᕿᒥᕐᕈᓚᐅᕐᓯᐅᒃ, ᐃᓅᓚᐅᕐᑎᓐᓇᓯ ᐱᓂᐊᕐᓂᐅᓚᐅᕐᑐᑦ, ᑕᐅᕗᖓᓕᒫᖅ ᒎᑎᐅᑉ ᐃᓄᖕᓂᒃ ᐱᓐᖑᕐᑎᑦᓯᒋᐊᕐᓂᖓᓄᑦ ᑎᑭᓪᓗᒍ ᑕᕝᕙᓂ ᓄᓇᕐᔪᐊᕐᒥ. ᓄᓇᕐᔪᐊᓕᒫᖅ ᐊᑕᖏᕐᓗᒍ ᕿᒥᕐᕈᐊᓚᐅᕐᓯᐅᒃ. ᑕᒪᑐᒪ ᓯᕗᓂᖓᒍᑦ ᑍᒫᒃ ᐱᕕᒃᔪᐊᖑᑎᒋᔪᒥᒃ ᐱᔪᖃᓚᐅᕐᓯᒪᕚ? ᓇᓪᓕᐊᓐᓂᒡᓘᓐᓃᑦ ᑍᒫᓪᓗᐊᖅ ᐱᓯᒪᑎᒋᔪᒥᒃ ᑐᓴᐅᒪᔪᖅᑲᕐᓯᒪᕚ?

ᒨᓯᓯ ᑕᓪᓕᒪᖏᑦ 4:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:27

ᑕᕝᕙ ᒎᑎ ᓴᓇᕗᖅ ᐃᓄᖕᒥᒃ ᐃᒻᒥᑐᑦ ᐊᑦᔨᖃᕐᑎᓪᓗᒍ, ᑕᕝᕙ ᒎᑎ ᐊᑦᔨᒥᓂᒃ ᐃᓄᖕᒥᒃ ᓴᓇᕗᖅ; ᐂᑉᐹ ᐊᖑᑕᐅᓪᓗᒍ ᐂᑉᐹᓗ ᐊᕐᓇᐅᓪᓗᒍ ᓴᓇᕚᒃ.

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 8:8

ᐊᐱᕐᓱᓚᐅᕆᑦ ᕿᓄᕕᒋᕙᒋᑦ, ᓯᕗᓪᓕᐅᓚᐅᕐᑐᓂᒃ, ᖃᐅᔨᓇᓱᒡᓗᑎᓪᓗ ᓯᕗᓕᕆᓚᐅᕐᑕᑦᑕ ᖃᐅᔨᓯᒪᔭᖏᓐᓂᒃ.

ᐃᓐᖏᕈᑎᑦ 44:1

ᒎᑏ, ᓯᐅᑎᑦᑎᓐᓄᑦ ᑐᓴᓚᐅᕐᐳᒍᑦ, ᐊᑖᑕᑦᑕ ᐅᓂᒃᑳᕐᕕᒋᓚᐅᕐᒪᑎᒍᑦ, ᐱᓂᐊᕐᓂᕕᓂᕐᓂᒃ ᑍᒃᑯᐊ ᐃᓅᑎᓪᓗᒋᑦ ᑍᑦᓱᒪᓂᐊᓗᒃ.

ᒨᓯᓯ ᐂᑉᐸᖏᑦ 34:10

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 45:12

ᐅᕙᖓ ᓄᓇᕐᔪᐊᖅ ᓴᓇᓚᐅᕐᐸᕋ, ᐃᓄᒋᓂᐊᕐᑕᖏᓐᓂᒡᓗ ᓴᖅᑭᑎᑦᓯᓪᓗᖓ; ᐊᒡᒐᓐᓄᓪᓗ ᕿᓔᑦ ᐃᓯᕕᑎᓚᐅᕐᐸᒃᑲ, ᕿᓚᖕᒦᑦᑐᓪᓗ ᐋᖅᑭᒃᓯᒪᕗᑦ ᐱᖁᔨᓂᕋ ᒪᓕᒡᓗᒍ.

ᔪᐃᓕᐅᑉ ᐊᒡᓚᖏᑦ 1:2

ᒪᑐᒥᖓ ᑐᓴᕆᑦᓯ, ᐃᓕᑦᓯ ᐊᖓᔪᒃᓯᐅᔪᓯ; ᔫᑕᒥᐅᑕᐅᔪᓯ ᐃᓘᓐᓇᓯ ᓈᓚᒋᑦᓯ! ᑍᒤᑦᑐᒦᒃ ᓇᓪᓕᐅᑎᔪᖃᓚᐅᕐᓯᒪᕚ ᐃᓅᑎᓪᓗᓯ, ᐅᕝᕙᓘᓐᓃᑦ ᐊᑖᑕᒋᓚᐅᕐᑕᓯ ᐃᓅᑎᓪᓗᒌᑦ?

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᒨᓯᓯ ᑕᓪᓕᒪᖏᑦ 32:7

ᐅᓪᓗᓂᒃ ᐃᖅᑬᓚᐅᕆᑦᓯ ᑍᑦᓱᒪᓂᐅᓚᐅᕐᑐᓂᒃ; ᐊᑖᑕᓯ ᐊᐱᕐᓱᓚᐅᕐᓯᐅᒃ ᖃᓄᐃᑦᑐᖃᓚᐅᕐᓯᒪᖕᒪᖔᑦ, ᐊᖓᔪᖅᑳᓯᓗ ᐊᐱᕐᓱᓚᐅᕐᓯᐅᒃ ᑖᒃᑯᓇᓐᖓᑦ ᐅᖃᐅᑦᔭᐅᓂᐊᕋᑦᓯ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᒨᓯᓯ ᑕᓪᓕᒪᖏᑦ 4:7

“ᐃᓅᖃᑎᒌᒡᔪᐊᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᒎᑎᖃᕐᑐᖃᓐᖏᓚᖅ ᑭᓐᖒᒪᓇᓕᕐᑎᓪᓗᒍ ᑍᒫᒃ ᖃᓂᑦᑑᔪᓐᓇᕐᑎᒋᔪᒥᒃ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑍᒫᒃ ᑲᒪᑦᓯᐊᕐᓂᕆᔭᖓᑎᑐᑦ. ᑐᒃᓯᐊᕐᕕᒋᔭᕌᖓᑦᑎᒍᓗ ᐃᑲᔪᕐᑕᐅᔪᒪᓪᓗᑕ ᑭᐅᖃᑦᑕᕐᓂᕆᔭᖓᑎᑐᑦ ᑍᒤᑦᑐᒥᒃ.