ᒨᓯᓯ ᑕᓪᓕᒪᖏᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:31 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᐂᑉᐸᖏᑦ 30:9

ᐊᑕᓂᕐᒧᑦ ᐅᑎᕈᑦᓯ, ᖃᑕᓐᖑᑎᓯ ᕿᑐᕐᖓᓯᓗ ᓇᒡᓕᒋᔭᐅᔪᓐᓇᕐᓯᓂᐊᕐᐳᑦ ᑎᒍᓯᓯᒪᔪᓂᑦ, ᐅᑎᕐᑎᑕᐅᓗᑎᒡᓗ ᑕᒪᐅᖓ ᓄᓇᒧᑦ. ᐊᑕᓂᖅ ᒎᑎᓯ ᐱᑦᓯᐊᕐᒪᑦ ᓂᑲᒍᓱᒡᓗᓂᓗ, ᑮᓇᒥᓄᓪᓗ ᐊᓚᕐᓂᐊᓐᖏᓛᓯ, ᑖᑦᓱᒧᖓ ᐅᑎᕐᓂᐊᕈᑦᓯ.”

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 103:8

ᐊᑕᓂᖅ ᓂᑲᒍᓱᒃᐳᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᓐᖏᓚᖅ ᓇᒡᓕᒍᓱᑦᓮᓐᓇᕐᓗᓂᓗ.

ᐃᓐᖏᕈᑎᑦ 105:8

ᑖᑦᓱᒪ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐊᖏᕈᑎᒋᓚᐅᕐᑕᓂ ᑭᖑᕚᕆᓄᑦ ᐃᓱᖃᖏᑦᑐᒧᑦ,

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 111:5

ᓂᕿᒃᓴᓂᒃ ᑐᓂᓯᖃᑦᑕᕐᐳᖅ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒋᓯᒪᔭᒥᓂᒃ ᐃᖅᑲᐅᒪᑦᓮᓐᓇᕐᐳᖅ.

ᐃᓐᖏᕈᑎᑦ 111:9

ᐃᓄᖁᑎᒥᓄᑦ ᐱᐅᓕᔭᐅᑦᔪᑎᒃᓴᖅ ᑎᓕᒃᓯᐅᑎᒋᓚᐅᕐᐹ; ᐃᓱᖃᖏᑦᑐᒧᓪᓗ ᑐᕌᖓᔪᒥᒃ ᐊᖏᖃᑎᒌᒍᑎᖃᕐᕕᒋᓪᓗᒋᑦ. ᑖᑦᓱᒪ ᐊᑎᖓ ᐃᔪᕐᓁᑦᑑᕗᖅ ᐅᐱᓐᓇᕐᑐᕐᔪᐊᖑᓪᓗᓂᓗ.

ᐃᓐᖏᕈᑎᑦ 116:5

ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᒨᓯᓯ ᐂᑉᐸᖏᑦ 6:8

ᓄᓇᒧᓪᓗ ᑎᑭᑎᑦᓱᒪᕙᑦᓯ ᐊᖏᕈᑎᒋᓯᒪᓚᐅᕐᑕᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ; ᑕᒪᓐᓇᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ ᓄᓇᑖᕆᔭᐅᖁᓪᓗᒍ ᐃᓕᑦᓯᓐᓄᑦ. ᐅᕙᖓ ᐊᑕᓂᐅᒐᒪ.’”

ᔨᕆᒤᐊᐅᑉ ᐊᒡᓚᖏᑦ 14:21

ᐊᑏᑦ ᐱᑦᔪᑎᒋᓗᒍ ᓇᕐᕈᒋᓕᕐᑍᓕᑎᒍᑦ, ᐃᒃᓯᕙᐅᑕᕐᔪᐊᑦ ᐅᐱᒋᔭᐅᔪᓐᓃᕐᑎᑦᑍᓕᒍᒃ; ᐊᖏᖃᑎᖃᕐᓯᒪᓂᑎᑦ ᐅᕙᑦᑎᓐᓄᑦ ᐳᐃᒍᕐᑍᓕᒃᑭᑦ, ᓯᖁᑦᑎᕐᑍᓕᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᒨᓯᓯ ᐱᖓᔪᖏᑦ 26:42

ᑕᕝᕙ ᐃᖅᑬᓕᕋᔭᕐᐳᖓ ᐊᖏᖃᑎᒌᒍᑎᒋᓯᒪᔭᓐᓂᒃ ᔧᑯᒧᑦ, ᐂᓴᑭᒧᓪᓗ, ᐂᑉᕋᕼᐋᒻᒧᓪᓗ, ᐊᖏᕈᑎᒋᓯᒪᔭᕋ ᓄᓇ ᐃᓄᖁᑎᓐᓄᑦ ᓄᑖᓐᖑᕐᑎᓕᕋᔭᕐᐸᕋ.

ᒨᓯᓯ ᐱᖓᔪᖏᑦ 26:44

ᑍᒤᒃᑲᓗᐊᕐᐸᑦ, ᐊᑭᕋᒥ ᓄᓇᖏᓐᓃᒃᑲᓗᐊᕐᐸᑕ, ᕿᒪᒻᒪᕆᖕᓂᐊᓐᖏᓚᒃᑲ ᑐᓄᐃᓂᕐᒧᓪᓗ ᓄᖑᑎᒻᒪᕆᖕᓂᐊᓐᖏᓚᒃᑲ, ᓄᖑᑕᐅᒻᒪᕆᒃᐸᑕ ᐊᖏᖃᑎᒌᒍᑎᒋᓯᒪᔭᕋ ᓄᖑᖁᓇᒍ. ᐅᕙᖓ ᐊᑕᓂᐅᒐᒪ ᑖᒃᑯᐊ ᒎᑎᖓᑦ.

ᒨᓯᓯ ᐱᖓᔪᖏᑦ 26:45

ᑖᒃᑯᐊᓕ ᐱᑦᔪᑎᒋᓪᓗᒋᑦ ᐊᖏᖃᑎᒌᒍᑎᒋᓯᒪᔭᕋ ᓯᕗᓕᖏᓐᓄᑦ ᐃᖅᑲᐅᒪᔪᒪᕙᕋ ᑖᒃᑯᐊ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐃᓅᖃᑎᒌᒡᔪᐊᑦ ᐱᔪᓐᓇᕐᓂᓐᓂᒃ ᑕᑯᑎᓚᐅᕋᒃᑭᑦ, ᐃᓄᖁᑎᓐᓄᑦ ᒎᑎᒋᔭᐅᔪᒪᓪᓗᖓ. ᐅᕙᖓ ᐊᑕᓂᐅᒐᒪ.”

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᒨᓯᓯ ᑕᓪᓕᒪᖏᑦ 31:6

ᓴᓐᖏᔫᓕᕆᑦᓯ ᓯᕘᕋᖏᓪᓗᓯᓗ, ᓯᕘᕋᒋᔭᒃᓴᕆᓐᖏᓚᓯ ᑲᑉᐱᐊᒋᓇᒋᓪᓗ, ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᓴᒡᓗᕿᓐᓂᐊᖏᒻᒪᓯ ᕿᒪᖕᓂᐊᕐᓇᓂᓯᓗ.”

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.