ᒨᓯᓯ ᑕᓪᓕᒪᖏᑦ 4:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑕᕝᕙᓂ ᐊᑕᓂᖅ ᒎᑎᓯ ᕿᓂᕈᒫᕐᐸᓯ, ᐆᒻᒪᑎᒧᓪᓕ ᐊᒃᓱᕈᓪᓚᕆᒃᑐᒧᑦ ᕿᓂᕐᓂᐊᕈᑦᓯᐅᒃ, ᑕᕝᕙ ᓇᓂᓂᐊᕐᐸᓯ.

ᒨᓯᓯ ᑕᓪᓕᒪᖏᑦ 4:29 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 10:31

ᑭᓯᐊᓂᓕ ᔨᕼᐆ ᐆᒻᒪᑎᓕᒫᒥᓄᑦ ᐊᑕᓂᕐᒧᑦ ᐊᖏᕐᓯᒪᓂᖃᓚᐅᓐᖏᓚᖅ ᖃᕿᐊᓕᕈᑎᖃᓚᐅᖏᓐᓇᒥ ᔨᕈᐳᐊᒻ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᑦ, ᐃᓴᕆᐊᓕᒥᐅᓪᓗ ᐊᑦᔨᖏᓐᓂᒃ ᐊᔪᕐᑐᓕᑎᓕᓚᐅᕆᕔᑦ.

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 15:12

ᐊᖏᖃᑎᒌᒃᐳᓪᓗ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᖃᐅᔨᓇᓱᖃᑦᑕᕈᒪᓪᓗᑎᒃ, ᐆᒻᒪᑎᒥᖕᓄᑦ ᑕᕐᓂᕐᒥᖕᓄᓪᓗ ᐃᓘᓐᓈᓄᑦ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 15:4

ᕿᒃᓵᖕᓇᕐᑐᒃᑰᓕᕋᖕᒥᒃ ᓵᒋᐊᓚᐅᕐᐳᖅ ᐊᑕᓂᕐᒧᑦ, ᐃᓴᕆᐊᓕᐅᑉ ᒎᑎᖓᓄᑦ, ᕿᓂᓕᕋᒥᑦᔪᒃ, ᓇᓂᓚᐅᕐᐹᑦ.

ᑯᕉᓂᑲ ᐂᑉᐸᖏᑦ 31:21

ᐱᓇᓱᐊᕐᑕᓕᒫᒥᓂ ᐱᓇᓱᐊᕐᑎᓪᓗᒍ ᒎᑎᐅᑉ ᐃᒡᓗᖓᓂ ᐱᓇᓱᐊᕐᑕᐅᔭᕆᐊᓕᖕᓂᒃ ᐱᖁᔭᓂᓗ, ᒎᑎᒥᓂᒃ ᖃᐅᔨᒋᐊᑦᓯᐊᖃᑦᑕᓚᐅᕐᐳᖅ, ᐱᓇᓱᐊᓚᐅᕐᐳᕐᓗ ᐆᒻᒪᑎᒥᒍᑦ ᑐᓂᓯᒪᓪᓚᕆᒃᓗᓂ, ᑍᒤᒻᒪᑦ ᐱᕙᓪᓕᐊᓂᖃᑦᓯᐊᓚᐅᕐᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 1:9

ᐅᕙᓐᓄᓪᓕ ᐅᑎᕈᑦᓯ ᐱᖁᔭᒃᑲᓗ ᒪᓕᒡᓗᒋᑦ ᐊᑐᓕᕈᑦᓯᒋᒃ, ᐅᖓᓯᒃᑐᐊᓗᖕᒧᑦ ᐊᐅᓪᓚᕈᑦᔭᐅᓯᒪᓕᕋᓗᐊᕈᑦᓯ, ᑕᕝᕙ ᓇᑭᑐᐃᓐᓇᖅ ᑲᑎᕐᓱᕈᒫᕐᐸᑦᓯ, ᐱᑎᓪᓗᓯᓗ ᑕᕝᕗᖓ ᓂᕈᐊᕐᓯᒪᔭᓐᓄᑦ, ᑕᕝᕙᓂ ᐊᑎᕋ ᑕᕝᕙᓃᖁᓪᓗᒍ.’

ᓂᕼᐃᒤᐊᐅᑉ ᐊᒡᓚᖏᑦ 9:27

ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᐃᓐᖏᕈᑎᑦ 119:10

ᐆᒻᒪᒻᒧᑦ ᐃᓗᖏᕐᓱᕐᓗᖓ ᕿᓂᓚᐅᕐᐸᒋᑦ; ᑍᒤᒻᒪᑦ ᐱᖁᔭᕐᓂᒃ ᕿᒤᑎᑦᑍᓕᓐᖓ.

ᐃᓐᖏᕈᑎᑦ 119:145

ᐆᒻᒪᑎᒃᑯᑦ ᐃᓗᖏᕐᓱᑦᓯᐊᕐᓗᖓ ᓂᓪᓕᐊᕕᒋᕙᒋᑦ; ᐊᑕᓃᖅ, ᑭᐅᓚᐅᓐᖓ! ᐊᑐᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:58

ᐱᕕᓕᒫᓐᓄᑦ ᐃᓕᖕᓄᑦ ᐃᓱᐊᕆᔭᐅᔪᒪᓪᓗᖓ ᕿᓄᕗᖓ, ᓂᑲᒋᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 51:50

“ᐅᓇᑕᕐᑐᓂ ᑐᖁᑕᐅᓐᓂᖏᒃᑯᑦᓯ ᐊᐅᓪᓚᑲᐅᑎᒋᔪᒃᓴᐅᕗᓯ ᓄᖅᑲᖓᑐᐃᓐᓇᖏᓪᓗᓯ! ᐊᑕᓂᖅ ᐃᖅᑲᕐᓯᐅᒃ ᐅᖓᓯᒃᑐᒦᓐᓂᑦᓯᓐᓄᑦ, ᔨᕉᓴᓕᒻᓗ ᐃᓱᒪᒋᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 6:9

“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 11:13

“ᑍᒤᒻᒪᑦ, ᐱᖁᔧᑦ ᐃᓕᑦᓯᓐᓄᑦ ᐅᓪᓗᒥ ᑐᓂᔭᒃᑲ ᓈᓚᒃᑕᒃᓴᕆᕙᓯ; ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐱᔨᑦᓯᕐᕕᒋᓗᒍᓗ ᐆᒻᒪᑎᖕᓄᑦ ᐊᑕᖏᕐᑐᒧᑦ ᑕᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 26:16

“ᐅᓪᓗᒥ ᐊᑕᓂᐅᑉ ᒎᑎᑦᓯ ᐱᖁᕚᓯ ᓈᓚᖁᓪᓗᓯ ᐱᖁᔨᑦᔪᑎᓕᒫᖏᓐᓂᒃ; ᑍᒤᒻᒪᑦ ᓈᓚᒃᑕᒃᓴᕆᕙᓯ ᓱᖁᓯᔪᐃᑦᑑᓗᓯ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ.

ᒨᓯᓯ ᑕᓪᓕᒪᖏᑦ 30:10

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔭᓕᒫᖏᓪᓗ ᒪᓕᑦᓯᐊᕐᓗᒋᑦ ᐅᑯᓇᓂ ᑎᑎᕋᕐᓯᒪᔪᑦ, ᐊᑕᓂᕐᒧᓪᓗ ᒎᑎᑦᓯᓐᓄᑦ ᓵᒋᐊᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 6:5

ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

ᔮᓱᐊᑉ ᐊᒡᓚᖏᑦ 22:5

ᑲᒪᑦᓯᐊᕐᓗᓯ ᓈᓚᑦᓯᐊᕐᑐᒃᓴᐅᕗᓯ ᐱᖁᔭᓂᒃ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᑕᖓᓂ ᐃᓕᑦᓯᓐᓄᑦ, ᐊᑕᓂᖅ ᒎᑎᓯ ᐅᖓᒋᔭᒃᓴᕆᕙᓯ, ᐊᑐᕐᑕᐅᖁᔭᓕᒫᖏᓪᓗ ᐊᑐᕐᓗᒋᑦ, ᐱᖁᔭᖏᓪᓗ ᓈᓚᒡᓗᒋᑦ, ᑎᒍᒥᐊᕐᓗᒍ ᓴᒃᑯᑦᑍᓕᓗᒍᓗ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᑕᕐᓂᓕᒫᕐᓄᓪᓗ.”

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”