ᒨᓯᓯ ᑕᓪᓕᒪᖏᑦ 4:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.

ᒨᓯᓯ ᑕᓪᓕᒪᖏᑦ 4:28 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:40

ᑭᓯᐊᓂᓕ ᓈᓚᒍᒪᓚᐅᓐᖏᓚᑦ, ᑲᔪᓯᑐᐃᓐᓇᕐᓗᑎᒡᓗ ᐱᐅᓯᕆᔭᑐᖃᕐᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 26:14

ᑐᖁᖓᓕᕋᒥᒃ ᐆᒻᒪᒃᑲᓐᓂᕐᓂᐊᕈᓐᓃᕐᐳᑦ; ᐊᓂᕐᓂᐅᓕᕋᒥᒃ ᒪᑭᓐᓂᐊᓐᖏᓚᑦ; ᓱᒋᐊᕐᓯᓂᕐᓄᑦ ᐊᓯᕈᓚᐅᕋᕕᒋᑦ, ᐃᖅᑲᕐᑕᐅᓂᐊᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 44:11

ᑕᑯᒋᑦ ᒪᓕᖃᑎᓕᒫᖏᑦ ᑕᕝᕙ ᑲᓐᖑᓇᕐᑐᒦᖃᑕᐅᕗᑦ; ᒎᑎᓐᖑᐊᒥᒃ ᓴᓇᔪᑦ ᐃᓄᑐᐃᓐᓇᐅᖕᒪᑕ, ᑲᑎᓪᓗᑎᒃ ᐃᑲᔪᕐᑎᒌᓕᕐᐸᑕ ᐊᑕᖏᕐᓗᑎᒃ; ᓯᕘᕋᓇᕐᑐᒧᑦ ᑎᑭᒐᔭᕐᐳᑦ, ᑲᓐᖑᓇᕐᑐᕐᔪᐊᕐᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 44:12

ᓴᕕᕋᔭᖕᒥᒃ ᓴᓇᓐᖑᐊᕐᑎ ᓴᓇᕗᖅ ᐃᑯᒪᒧᑦ ᐅᓈᕐᓯᑎᑉᐸᒃᓗᒍ; ᓴᓇᓕᕐᐳᖅ ᑲᓱᐊᕐᓗᒍ ᒥᒃᓯᑖᕐᑎᑉᐹ, ᓴᓇᓪᓗᓂᐅᒃ ᑕᓕᖓᑕ ᓴᓐᖏᓂᖓᓄᑦ, ᓱᓕᓕ ᑳᓕᕐᐸᒃᐳᖅ, ᑕᖃᓪᓗᓂᓗ; ᐃᒥᖃᑦᑕᕈᓐᓃᑐᐊᕈᓂ ᑕᕝᕙ ᓄᑮᕈᑎᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 44:9

ᒎᑎᓐᖑᐊᓂᒃ ᓴᓇᔪᓕᒫᑦ ᐊᑑᑎᒃᓴᖃᓐᖏᓚᑦ, ᐱᓪᓚᕆᐅᑎᑕᕋᓗᐊᖏᓪᓗ ᐱᕙᓪᓕᕐᓇᕐᑐᕐᑕᖃᕋᑎᒃ, ᐃᒻᒥᖕᓂᒃ ᓇᓗᓁᓕᕗᑦ; ᑕᐅᑐᖏᒻᒪᑕ ᖃᐅᔨᒪᓇᑎᒡᓗ, ᑕᒪᒃᑯᐊ ᑲᓐᖑᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:7

ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:42

ᒎᑎᐅᓪᓕ ᐊᓚᓚᐅᕐᐰᑦ ᓵᑎᓪᓗᒋᑦ ᕿᓚᐅᑉ ᐅᓪᓗᕆᐊᖏᓐᓂᒃ ᑐᒃᓯᐊᕐᕕᖃᕐᓂᕐᒧᑦ, ᓇᓚᐅᑦᑍᔪᑦ ᐊᒡᓚᖏᓐᓂ ᑎᑎᕋᕐᓯᒪᖕᒪᑦ: ‘ᐃᓴᕆᐊᓕᒥᐅᖑᔪᓯ, ᑐᖁᑦᓯᓗᓯ ᐆᒪᔪᓂᒃ ᑐᓂᕐᕈᓯᕐᕕᒋᓚᐅᕐᐱᓯᓐᖔ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒦᑎᓪᓗᓯ?

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 29:17

ᑕᑯᖃᑦᑕᓚᐅᕐᐸᓯᓗ ᒎᑎᓐᖑᐊᖏᑦ ᓇᕐᕈᓇᕐᑐᑦ ᕿᔪᐃᑦ, ᐅᔭᕅᑦ, ᓯᐅᓪᕕᕇᑦ, ᒎᓗᐃᓪᓗ ᐱᖁᑎᒋᓚᐅᕐᑕᖏᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:20

ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ;

ᓴᒧᐃᓕ ᓯᕗᓪᓖᑦ 26:19

ᒫᓐᓇ ᑍᒤᒻᒪᑦ ᐊᖓᔪᖅᑳᒃ ᐊᖓᔪᖅᑳᕐᔪᐊᕋ ᓈᓚᓚᐅᕆᑦ ᐅᖃᐅᓯᓐᓂᒃ. ᐊᑕᓂᐅᑉ ᓵᑎᑉᐹᑎᑦ ᐅᕙᓐᓄᑦ, ᑐᓂᕐᕈᓯᕈᕕᑦ ᐃᓱᒪᖓ ᐊᓯᑦᔨᕐᓂᐊᕐᐳᖅ; ᐃᓄᖕᓂᓪᓕ ᑍᒤᑎᑕᐅᒍᕕᑦ, ᐊᑕᓂᐅᑉ ᑍᒃᑯᐊ ᓇᕐᕈᓇᕐᓯᑎᓪᓕᒋᑦ, ᓯᖏᑕᐅᓯᒪᒐᒪ ᐊᑕᓂᐅᑉ ᓄᓇᖁᑖᓂᑦ ᓄᓇᒦᓕᕐᐳᖓ ᒎᑎᓐᖑᐊᓄᑦ ᑭᓯᐊᓂ ᑐᒃᓯᐊᕐᕕᖃᕐᓇᕐᑐᒥ.