ᒨᓯᓯ ᑕᓪᓕᒪᖏᑦ 4:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 4:23 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᒫᑎᐅᓯᐅᑉ ᐊᒡᓚᖏᑦ 24:4

ᔩᓱᓯᐅᑉ ᑭᐅᕔᑦ, “ᖃᐅᔨᓴᑦᓯᐊᖃᑦᑕᕆᑦᓯ, ᑕᒻᒪᕐᑎᑕᐅᖁᓇᓯ ᓇᓪᓕᐊᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:59

ᐃᓛᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓇᓱᐊᕐᕕᒋᓂᐊᕐᐸᑦᓯ ᐱᓂᐊᕐᓂᕆᓚᐅᕐᑕᓯ ᒪᓕᒡᓗᒋᑦ, ᐅᖃᕕᒍᑕᐅᓯᒪᔪᒥᒃ ᓯᖁᒥᑦᓯᓯᒪᒐᑦᓯ ᐊᖏᖃᑎᒌᒍᑕᐅᓯᒪᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 24:5

ᐃᓄᐃᑦ ᓄᓇᕐᔪᐊᕐᒥᒃ ᐱᐅᔪᓐᓃᕐᑎᑦᓯᓯᒪᖕᒪᑕ ᒎᑎᐅᑉ ᐱᖁᔭᖏᓐᓂᒃ ᓯᖁᒥᑦᓯᖃᑦᑕᕐᓂᕐᒧᑦ, ᐊᖏᖃᑎᒌᖕᓂᐅᓪᓗ ᒪᓕᒐᖏᓐᓂᒃ ᓯᖁᒥᑦᓯᖃᑦᑕᕐᓂᕐᒥᖕᓄᑦ ᐃᓱᖃᖏᑦᑐᒧᑦ ᑐᕌᖓᓚᐅᕐᑐᓂᒃ.

ᑯᕉᓂᑲ ᓯᕗᓪᓖᑦ 16:15

ᑖᑦᓱᒪ ᐊᖏᖃᑎᒌᒍᑎᒋᓯᒪᔭᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐱᖁᔨᓂᕆᓚᐅᕐᑕᖏᑦ ᑭᖑᕚᕆᓄᑦ ᐃᓱᖃᖏᑦᑐᒧᑦ,

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔮᓱᐊᑉ ᐊᒡᓚᖏᑦ 23:11

ᑍᒤᒻᒪᑦ ᐃᓕᑦᓯᓐᓂᒃ ᑲᒪᒋᑦᓯᐊᕆᑦᓯ, ᐊᑕᓂᖅ ᒎᑎᓯ ᐅᖓᒋᓗᒍ.

ᒨᓯᓯ ᑕᓪᓕᒪᖏᑦ 27:9

ᑕᕝᕙ ᒨᓯᓯ, ᐃᓚᖃᕐᓗᓂ ᓕᕔᑎᒃᑯᓐᓂᒃ ᑐᓂᕐᕈᓯᕐᑎᑦᓯᔨᓂᒃ, ᐅᖃᓕᕐᐳᖅ ᐃᓴᕆᐊᓕᒥᐅᓕᒫᓄᑦ, “ᓈᓚᒃᑕᐅᑬᓐᓇᓚᐅᕐᓚᖓ ᐃᓴᕆᐊᓕᒥᐅᖑᔪᓯ, ᓂᐱᖃᖏᑦᓯᐊᕐᓗᓯᓗ. ᐅᓪᓗᒥ ᐊᑕᓂᐅᑉ ᒎᑎᑦᓯ ᐃᓄᖁᑎᑖᕆᕚᓯ;

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᒨᓯᓯ ᓯᑕᒪᖏᑦ 15:39

ᓂᒡᔭᖃᕐᓂᐊᕐᐳᓯᓗ, ᑕᑯᔭᕌᖓᑦᓯᐅᒃ ᐃᖅᑲᐅᒪᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒡᓗᒋᓪᓗ, ᐆᒻᒪᑎᑦᓯ ᐃᔨᓯᓗ ᐃᒃᓕᒎᕐᓂᖏᓐᓄᑦ ᐊᓯᓐᓂᐊᕈᒪᓂᕐᒧᓪᓗ ᐊᐅᓚᑕᐅᖁᓇᒋᑦ.

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᐊᑕᓃᑦ ᐂᑉᐸᖏᑦ 17:38

ᐊᖏᖃᑎᒌᒍᑎᓕᐊᕆᓚᐅᕐᑕᕗᑦ ᐳᐃᒍᒐᒃᓴᕆᓐᖏᓚᓯ ᒎᑎᒋᔭᐅᔪᓂᒃ ᐊᓯᓐᓂᒃ ᐅᐱᒋᓗᒋᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ.

ᒪᓚᑬᑉ ᐊᒡᓚᖏᑦ 4:4

“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

ᒨᓯᓯ ᑕᓪᓕᒪᖏᑦ 5:2

ᖃᖅᑲᒥ ᕼᐆᕆᑉᒥ ᐊᑕᓂᖅ ᒎᑎᕗᑦ ᐊᖏᖃᑎᒌᒍᑎᖃᓚᐅᕐᐳᖅ,

ᒨᓯᓯ ᑕᓪᓕᒪᖏᑦ 16:22

ᐅᔭᕋᖕᓂᒡᓗ ᓇᐸᔪᓂᒃ ᒎᑎᓐᖑᐊᕆᔭᐅᓲᓂᒃ, ᐋᖅᑭᒃᓯᔪᒃᓴᐅᓐᖏᓚᑎᑦ; ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᐆᒥᒋᖕᒪᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 8:10

ᑕᕝᕙ ᐃᑎᕐᐳᖓ ᑕᑯᓪᓗᖓᓗ; ᐊᑭᓐᓇᕐᒥ ᑎᑎᕋᐅᔭᕐᕕᒋᓯᒪᕗᑦ ᖁᐱᕐᕈᓐᖑᐊᓂᒃ ᐹᕐᖑᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ, ᐆᒪᔪᕐᓗᓐᖑᐊᓂᒃ ᓇᕐᕈᓇᕐᑐᓂᒃ, ᐃᓴᕆᐊᓕᐅᓪᓗ ᑭᖑᕚᖏᑕ ᒎᑎᓐᖑᐊᓕᒫᖏᓐᓂᒃ.