ᒨᓯᓯ ᑕᓪᓕᒪᖏᑦ 33:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓕᕔᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᓕᕔᑉ ᑭᖑᕚᖏᑦ ᑐᒥᒻᒥᒃ ᑐᓂᓯᕕᒋᒃᑭᑦ, ᔪᕆᒻᑯᓪᓗ ᐃᑦᔪᕐᓁᑦᑐᖁᑎᖕᓄᑦ, ᐆᒃᑐᓚᐅᕋᕕᒋᑦ ᓄᓇᒥ ᒫᓴᒥ; ᐊᑭᒪᖃᑎᒋᓚᐅᕐᑕᑎᓪᓗ ᒥᕆᐸᐅᑉ ᐃᒪᖏᓐᓂ.

ᒨᓯᓯ ᑕᓪᓕᒪᖏᑦ 33:8 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 23:6

ᓇᓪᓕᐊᓪᓘᓐᓃᑦ ᐊᑕᓂᐅᑉ ᐃᒡᓗᖓᓄᐊᕐᑐᒃᓴᐅᓐᖏᓚᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᑐᑦ ᑖᒃᑯᐊ ᐃᑎᕈᓐᓇᕐᑐᑑᔪᒃᓴᐅᕗᑦ, ᐃᑦᔪᕐᓁᑦᑑᖕᒪᑕ; ᐃᓄᓕᒫᓪᓕ ᓈᓚᒃᑐᒃᓴᐅᕗᑦ ᐊᑕᓂᕐᒥᒃ ᖃᓄᐃᓕᐅᖁᔨᓂᐊᕐᒪᖔᑦ.

ᐄᓱᕋᐅᑉ ᐊᒡᓚᖏᑦ 2:63

ᔫᑎᑦ ᐊᐅᓚᑦᓯᔨᖓᑕ ᐅᖃᐅᑎᓚᐅᕐᐰᑦ ᓂᕆᖁᓇᒋᑦ ᓂᕿᓂᒃ ᑐᓂᕐᕈᑕᐅᓯᒪᔪᓂᒃ ᒎᑎᒧᑦ ᐃᑦᔪᕐᓁᑦᑑᓂᕋᕐᑕᐅᔪᓂᒃ ᑐᓂᕐᕈᓯᕐᑎᑦᓯᔨᒥᒃ ᓇᓚᐅᑦᓵᕈᑎᓄ ᔪᕆᒻᒧᑦ ᑐᒥᒥᒧᓪᓗ ᐱᓇᓱᐊᕈᓐᓇᕐᑐᒥᒃ ᐱᑕᖃᓚᐅᕐᑎᓐᓇᒍ.

ᐄᓱᕋᐅᑉ ᐊᒡᓚᖏᑦ 8:28

ᐅᖃᐅᑎᓚᐅᕐᐸᒃᑲ, “ᐃᓕᑦᓯ ᐃᑦᔪᕐᓁᑦᑑᕗᓯ ᐊᑕᓂᕐᒧᑦ; ᑖᒃᑯᐊᓗ ᓯᐅᓪᕕᕇᑦ ᒎᓗᐃᓪᓗ ᐃᑦᔪᕐᓁᑦᑑᒋᕗᑦ ᑐᒃᓯᐊᕐᕕᒡᔪᐊᒥ ᐊᑐᕐᑕᐅᔪᒃᓮᑦ; ᑐᓂᕐᕈᑎᒋᔭᐅᓯᒪᔪᑦ ᐃᓱᒪᕐᓱᕐᓂᒃᑯᑦ ᑖᑦᓱᒧᖓ ᓯᕗᓕᕕᓂᑦᓯ ᐊᑕᓂᖓᓄᑦ ᒎᑎᖓᓄᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 7:65

ᔫᑎᑦ ᐊᐅᓚᑦᓯᔨᒋᔭᖓᑕ ᐅᖃᐅᑎᓚᕐᐰᑦ ᓂᕆᖁᓇᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᓂᒃ ᐃᑦᔪᕐᓁᓐᓂᕐᐹᖑᔪᓂᒡᓗ ᓂᕿᓂᒃ, ᑐᓂᕐᕈᓯᕐᑎᑦᓯᔨᑕᖃᓚᐅᖏᓐᓂᖓᓂ ᐊᑐᕈᓐᓇᕐᑐᒥᒃ ᓇᓚᐅᑦᓵᕈᑎᓂᒃ ᔪᕆᒻᒥᒃ ᓴᒥᒻᒥᒡᓗ.

ᐃᓐᖏᕈᑎᑦ 106:16

ᒨᓯᓯᒥᒃ ᓯᒡᒐᑦᔨᓚᐅᕐᐳᑦ ᐃᓄᖃᖏᑦᑐᒥ ᑕᖕᒫᕐᓯᒪᓪᓗᑎᒃ, ᐂᕉᓂᒥᒡᓗ ᐊᑕᓂᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐃᓐᖏᕈᑎᑦ 16:10

ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᒨᓯᓯ ᐂᑉᐸᖏᑦ 17:7

ᑖᓐᓇᓗ ᐊᑦᓯᕐᑕᐅᕗᖅ ᒫᓴᒥᒃ ᒥᕆᐸᒥᒡᓗ. ᐃᓴᕆᐊᓕᒥᐅᑦ ᓈᒻᒪᒃᓴᓚᐅᖏᒻᒪᑕ, ᐊᑕᓂᕐᓗ ᐆᒃᑐᓚᐅᕐᒪᑦᔪᒃ ᐅᖃᕐᓗᑎᒃ, “ᐊᑕᓂᐅᑉ ᐃᓚᒋᕚᑎᒎᑦ? ᐃᓚᖏᓐᖏᓛᑎᒍᓪᓘᓐᓃᑦ?”

ᒨᓯᓯ ᐂᑉᐸᖏᑦ 28:30

ᑕᕝᕗᖓ ᓴᒡᕕᖕᒥᐅᑕᕐᒧᑦ ᐃᓕᓯᔪᒃᓴᐅᕗᓯ ᖃᐅᔨᓇᓱᐊᕈᑎᒃᓵᖕᓂᒃ ᒪᕐᕉᖕᓂᒃ ᑍᔭᐅᔫᖕᓂᒃ ᔪᕆᒻ ᐊᒻᒪᓗ ᑕᐅᒪᒻᒥᒃ, ᐂᕉᓂ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᐊᑕᓂᐅᑉ ᓵᖓᓄᑦ, ᑖᒃᑯᓂᖓ ᓇᒃᓴᖃᑦᑕᖁᓪᓗᒍ ᑕᕝᕗᖓ; ᑍᒪᓐᖓᑦ ᑖᒃᑯᐊ ᐊᑐᕐᑕᒃᓴᕆᓂᐊᕐᐰᑦ, ᐱᔭᐅᖁᔭᓐᓂᒃ ᖃᐅᔨᓇᓱᒋᐊᖃᓕᕈᓂ ᐃᓴᕆᐊᓕᒥᐅᓄᑦ ᖃᐅᔨᔪᓐᓇᖁᓪᓗᒍ ᑕᒪᒃᑯᓄᖓ ᐊᑕᓂᐅᑉ ᓵᖓᓂ.”

ᒨᓯᓯ ᐂᑉᐸᖏᑦ 28:36

“ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᒨᓯᓯ ᐱᖓᔪᖏᑦ 21:7

ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ.

ᒨᓯᓯ ᐱᖓᔪᖏᑦ 8:8

ᓴᒡᕕᖕᒥᐅᑕᒥᒡᓗ ᐊᑎᑎᒃᑭᕚ, ᒎᑎᐅᓪᓗ ᐱᔪᒪᔭᖓᓂᒃ ᓇᓚᐅᑦᓯᑦᔪᑏᒃ ᐊᑎᖃᕐᑑᒃ ᔫᕆᒻ ᐊᒻᒪᓗ ᑕᒪᒻ ᓴᒡᕕᖕᒥᐅᑕᖓᓄᑦ ᐃᓕᓪᓗᒋᒃ.

ᒪᓚᑬᑉ ᐊᒡᓚᖏᑦ 2:6

ᐱᖁᔧᑦ ᓱᓕᔪᑦ ᖃᓂᖓᓃᓚᐅᕐᐳᑦ, ᑕᒻᒪᕐᓂᕐᒥᒡᓗ ᖃᓂᖓᓂᑦ ᓇᓂᓯᕕᐅᓚᐅᓐᖏᓚᖅ. ᐱᓱᖃᑎᒋᓚᐅᕐᐹᖓ ᓮᒪᓇᕐᑐᒃᑯᑦ ᐃᓱᐊᕐᓂᒃᑯᓪᓗ, ᐅᓄᕐᑐᓂᒡᓗ ᐱᐅᖏᑦᑐᓕᓂᕐᒦᑦᑐᓂᒃ ᓴᖑᑎᑦᓯᓚᐅᕐᐳᖅ.

ᒨᓯᓯ ᓯᑕᒪᖏᑦ 16:5

ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.

ᒨᓯᓯ ᓯᑕᒪᖏᑦ 20:13

ᑍᒫᒃ ᐱᔪᖃᓚᐅᕐᐳᖅ ᐃᒪᕐᒥᒃ ᓄᓇᒥ ᒥᕆᐸᒥ, ᐃᓴᕆᐊᓕᒥᐅᑦ ᐂᕙᓚᐅᕐᒪᑕ ᐊᑕᓂᕐᒧᑦ, ᐃᑦᔪᕐᓁᓐᓂᕐᒥᓂᒡᓗ ᓴᖅᑭᑎᑦᓯᓚᐅᕐᒪᑦ ᑖᒃᑯᓄᖓ.

ᒨᓯᓯ ᓯᑕᒪᖏᑦ 20:24

“ᐂᕉᓂ ᐃᓄᖁᑎᒥᓄᑦ ᑲᑎᔭᐅᔭᕆᐊᖃᕐᐳᖅ, ᓄᓇᒧᑦ ᐃᓴᕆᐊᓕᒥᐅᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓐᓂᐊᖏᒻᒪᑦ, ᑕᒪᑦᓯᒃ ᐃᕝᕕᓪᓗ ᑖᓐᓇᓗ ᐱᖁᔭᓐᓂᒃ ᓈᓚᓚᐅᖏᓐᓇᑦᓯᒃ ᒥᕆᐸᒥ ᐃᒥᕐᑎᑕᐅᕕᖕᒥ.

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᒨᓯᓯ ᓯᑕᒪᖏᑦ 35:8

ᐃᒡᓗᒐᓮᓪᓗ ᑐᓂᔭᓯ ᐃᓴᕆᐊᓕᒥᐅᑦ ᓄᓇᖁᑎᑖᕆᔭᖏᓐᓂᑦ ᐱᔭᕆᐊᖃᕐᐳᑦ; ᑭᖑᕚᖑᖃᑎᒌᓂᑦ ᐅᓄᕐᓂᕐᓴᓂᑦ ᑐᓂᓯᔭᕆᐊᖃᕐᐳᓯ ᐅᓄᕐᓂᕐᓴᓂᒃ; ᑭᖑᕚᖑᖃᑎᒌᓂᓪᓗ ᐅᓄᖏᓐᓂᕐᓴᓂᑦ ᒥᑭᓂᕐᓴᓂᒃ ᑐᓂᓯᔭᕆᐊᖃᕐᐳᓯ. ᑭᖑᕚᖑᖃᑎᒌᓕᒫᑦ ᐊᑐᓂᑦ ᐃᒡᓗᒐᓴᖕᓂᒃ ᑐᓂᓯᔭᕆᐊᖃᕐᐳᑦ ᓕᕔᑎᓄᑦ, ᓄᓇᖁᑎᑖᕆᔭᑎᒃ ᐊᑐᓂᑦ ᐊᖏᓂᖏᑦ ᒪᓕᒡᓗᒋᑦ.”

ᒨᓯᓯ ᑕᓪᓕᒪᖏᑦ 6:16

“ᐊᑕᓂᕐᓂᒃ ᒎᑎᖕᓂᒃ ᐆᒃᑐᕐᓗᐃᔪᒃᓴᐅᓐᖏᓚᑎᑦ, ᑍᒫᒃ ᐆᒃᑐᕐᓗᐃᓚᐅᕐᓂᑦᓯᑐᑦ ᓄᓇᒥ ᒫᓴᒥ.

ᒨᓯᓯ ᑕᓪᓕᒪᖏᑦ 8:16

ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.

ᒨᓯᓯ ᑕᓪᓕᒪᖏᑦ 9:22

“ᐊᒻᒪᑦᑕᐅᖅ ᐊᑕᓂᖅ ᒎᑎᓯ ᓂᓐᖓᒃᑎᓚᐅᕐᐸᓯ ᓄᓇᓕᖕᓂ ᑕᐱᕋᒥ, ᒫᓴᒥ, ᑭᐳᕌᑎ-ᕼᐊᑖᕙᒥ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.