ᒨᓯᓯ ᑕᓪᓕᒪᖏᑦ 33:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᒨᓯᓯ ᑕᓪᓕᒪᖏᑦ 33:27 ပူးပေါင်းရင်းမြစ်များ

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 25:4

ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᐃᓐᖏᕈᑎᑦ 91:9

ᐊᑕᓂᖅ ᕿᒫᕕᒋᓯᒪᓕᕋᕕᐅᒃ ᓴᐳᑦᔨᔨᒋᔪᒪᓕᕐᓗᒍ, ᖁᑦᓯᖕᓂᕐᐹᖑᔪᖅ ᐃᓂᒃᓴᕐᑖᕆᓯᒪᓕᕋᕕᐅᒃ,

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 26:4

ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 102:24

ᐅᖃᕐᐳᖓ, “ᒎᑏᒃ, ᐲᕐᓯᕕᒋᓂᐊᕐᓇᖓ ᐅᓪᓗᒪ ᕿᑎᖅᑲᖏᓐᓂᒃ; ᐊᕐᕌᒍᑎᓪᓕ ᓱᕐᕋᖕᓂᐊᓐᖏᓚᑦ ᑭᖑᕚᕇᓕᒫᓂ!”

ᒨᓯᓯ ᓯᕗᓪᓖᑦ 49:24

ᑖᑦᓱᒪᓕ ᐱᑎᒃᓯᖓᑕ ᓴᓐᖏᓂᖓ ᓱᕐᕋᒃᑕᐅᓐᖏᓚᖅ, ᑖᑦᓱᒪ ᑕᓕᖏᒃ ᐃᕾᓕᑎᑕᐅᓯᒪᖕᒪᑎᒃ ᐊᔪᒐᖃᖏᑦᑑᑉ ᐊᒡᒐᖏᓐᓄᑦ ᔧᑰᑉ ᒎᑎᖓᓄᑦ ᓰᐱᓕᕆᔨᐅᑉ ᐊᑎᖓᓂᑦ, ᐃᓴᕆᐊᓕᐅᑉ ᕾᕐᑐᖓᓂᑦ,

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 2:6

ᑕᕝᕙᑐᖅ ᓴᐅᒥᐊ ᓂᐊᖁᕐᒪ ᐊᑖᓃᓪᓕ, ᑕᓕᕐᐱᖕᒥᓄᓪᓗ ᐃᕿᒻᒥᓪᓗᖓ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:25

ᐊᓄᕆᕐᔪᐊᖅ ᐊᖅᑯᓵᕐᒪᑦ ᐱᐅᖏᑦᑐᑦ ᑎᒃᑕᐅᕗᑦ ᐃᓱᐊᕐᑐᓪᓕ ᑐᓐᖓᕕᒋᔭᒥᖕᓂᑦ ᐊᐅᓚᔭᒃᑕᐅᔪᓐᓇᓐᖏᓚᑦ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 36:7

ᒎᑏ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᓐᓂᕐᓇᕐᑐᐊᓘᕗᖅ! ᑍᒤᒻᒪᑦ ᐃᓄᐃᑦ ᕿᑐᕐᖓᖏᑦ ᐃᓴᕈᕐᐱᑦ ᑕᕐᕋᓕᓂᖓᑕ ᐊᑖᓂᒃ ᑕᑎᖃᕐᐳᑦ.

ᐃᓐᖏᕈᑎᑦ 27:5

ᐅᓪᓗᒥᒃ ᐃᓱᐊᖏᑦᑐᖃᓕᕐᐸᑦ, ᐃᒡᓗᒥᓂ ᓴᐳᑎᓯᒪᓂᐊᕐᐹᖓ; ᑐᐱᕐᔪᐊᖁᑎᒥᓂ ᐃᔨᕐᓯᒪᓂᐊᕐᐹᖓ ᐳᕐᑐᔪᒧᐊᕐᑎᓪᓗᖓᓗ ᕾᕐᑐᒧᑦ.

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᐃᓐᖏᕈᑎᑦ 48:3

ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ; ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.

ᔮᓱᐊᑉ ᐊᒡᓚᖏᑦ 24:18

ᓄᓇᑖᕐᐸᓪᓕᐊᓕᕐᑎᓪᓗᑕᓗ ᐊᑕᓂᐅᑉ ᓄᓇᓕᓕᒫᑦ ᓯᖏᓚᐅᕐᐰᑦ ᓯᕗᓂᑦᑎᓐᓂ, ᐊᒧᕅᒥᐅᓪᓗ ᑕᒫᓂ ᓄᓇᖃᕐᑐᑦ ᐱᖃᑕᐅᓪᓗᑎᒃ; ᑍᒤᒻᒪᑦ ᐅᕙᒍᑦᑕᐅᖅ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ, ᑖᓐᓇ ᒎᑎᒋᒐᑦᑎᒍ.”

ᒨᓯᓯ ᐂᑉᐸᖏᑦ 34:11

ᐅᓪᓗᒥ ᐱᖁᔧᑦ ᐃᓕᖕᓄᑦ ᑐᓂᔭᒃᑲ ᒪᓕᖕᓂᐊᕐᐸᑎᑦ. ᐃᓅᖃᑎᒌᑦ ᐊᐅᓪᓚᕐᑎᓐᓂᐊᕐᐸᒃᑲ ᒪᑯᐊ ᐊᒧᕅᑎᒃᑯᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ, ᔨᐳᓮᑎᒥᐅᓪᓗ, ᐃᕝᕕᑦ ᐊᖅᑯᑎᒋᓗᑎᑦ.

ᐃᓐᖏᕈᑎᑦ 55:19

ᒎᑎ ᑐᓴᕐᓂᐊᕐᐳᖅ, ᑲᑉᐱᐊᓱᒃᑎᓐᓂᐊᕐᐰᓪᓗ, ᑍᒪᓐᖓᓂᕐᔪᐊᖅ ᐃᓂᒥᓂ ᐃᓂᖃᕐᒪᑦ; ᑍᒃᑯᐊ ᐊᓯᑦᔨᕐᑍᓕᒐᒥᒃ, ᒎᑎᒥᒃ ᓯᕗᕋᓐᖏᓚᑦ. ᓰᓚ

ᐃᓐᖏᕈᑎᑦ 71:3

ᕿᒫᕕᒃᓴᕆᓚᒋᑦ ᓲᖑᔪᖅ, ᑍᒫᓐᖓᑦ ᐅᑎᕐᑕᕐᕕᒃᓴᕋ; ᐱᖁᔨᓗᑎᑦ ᐱᐅᓕᓚᐅᓐᖓ, ᕾᕐᑐᕆᒐᒃᑭᑦ ᓴᐳᑦᔭᐅᕕᒃᓴᕆᓪᓗᑎᓪᓗ.

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᒨᓯᓯ ᐂᑉᐸᖏᑦ 23:28

ᐅᐃᒻᒪᖕᓇᕐᑐᐊᓗᖕᒧᑦ ᓇᓗᓕᕐᓇᕐᑐᒧᓪᓗ ᑎᑭᑕᐅᑎᓐᓂᐊᕐᐸᒃᑲ, ᑕᒪᑐᒧᖓᓗ ᕼᐃᕔᑎᒥᐅᑦ ᓄᓇᒥᖕᓂᑦ ᐊᐅᓪᓚᕐᑎᑕᐅᓂᐊᕐᐳᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᕿᒪᒃᓯᓗᑎᒃ ᐃᓕᑦᓯᓐᓂᒃ.

ᐃᓐᖏᕈᑎᑦ 68:34

ᒎᑎᐅᑉ ᓴᓐᖏᓂᖓ ᐅᖃᐅᓯᕆᓯᐅᒃ; ᐊᖓᔪᖅᑳᕐᔪᐊᖑᓂᕐᒧᑦ ᐅᐱᓐᓇᕐᓂᖓ ᐃᓴᕆᐊᓪ ᖁᓛᓃᑉᐳᖅ, ᓴᓐᖏᓂᖓᓗ ᓄᕗᔭᓃᓪᓗᓂ.

ᐃᓐᖏᕈᑎᑦ 139:5

ᑭᖑᓂᓐᓂ ᓯᕗᓂᓐᓂᓗ ᑕᒤᑎᒍᑦ ᐃᓗᒪᕙᕐᒪ, ᐊᒡᒐᑎᓪᓗ ᖁᓕᓐᓃᑎᑉᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 50:21

“ᐅᓇᑕᕆᐊᕐᑕᐅᓕᑦ ᒥᕋᓮᒥᐅᑦ ᓄᓇᓕᖏᑦ, ᐱᑳᑦᒥᐅᓪᓗ ᒪᓕᒡᓗᒋᑦ ᑐᖁᕋᕐᑕᐅᓗᑎᒃ ᓄᖑᑕᐅᓕᑦ. ᐊᑕᓂᖅ ᐅᖃᕐᐳᖅ, ᑎᓕᓯᑦᔪᑎᓕᒫᒃᑲ ᐱᓂᐊᕈᑎᒋᓯᒋᒃ.

ᕼᐆᓯᐊᑉ ᐊᒡᓚᖏᑦ 11:3

ᐃᕗᕅᒥ ᓇᖕᒥᓂᖅ ᐃᓕᓐᓂᐊᕐᑎᓚᐅᕐᐸᕋ ᐱᓱᒋᐅᕐᓴᑎᓪᓗᒍ, ᑕᓕᓐᓄᑦ ᑎᒍᒥᐊᕐᓗᒋᑦ; ᖃᐅᔨᒪᓚᐅᓐᖏᓚᓪᓕ ᐋᖅᑭᓚᐅᕐᒪᖔᒃᑭᑦ.

ᒤᑲᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ, ᐅᓇᑕᕐᑐᒃᓴᖁᑎᓯ ᑲᑎᑎᓚᐅᕐᓯᒋᒃ. ᓵᓚᖃᕈᒪᔪᓂᒃ ᓄᓇᕗᑦ ᐊᕙᓗᔭᐅᓯᒪᖕᒪᑦ; ᐃᓴᕆᐊᓕᒥᐅᑦ ᓯᕗᓕᕐᑎᖏᑦ ᐅᓇᑕᕆᐊᕐᑕᐅᓕᕐᒪᑕ.