ᒨᓯᓯ ᑕᓪᓕᒪᖏᑦ 33:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑖᓂᐅᑉ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᑖᓐ ᓛᔭᑎᑐᑦ ᐃᓅᓱᒃᑐᑎᑐᑦ ᑍᒤᑉᐳᖅ; ᓄᓇᒥᑦ ᐹᓴᓂᒥᑦ ᒥᓯᓚᐅᕐᐳᖅ ᓯᓚᒻᒧᑦ.”

ᒨᓯᓯ ᑕᓪᓕᒪᖏᑦ 33:22 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 12:35

ᑖᓐ ᑭᖑᕚᖏᓐᓂᑦ 28,600ᐅᕗᑦ ᐅᓇᑕᕐᓂᕐᒧᑦ ᐊᑐᐃᓐᓇᐅᑦᓯᐊᕐᑐᑦ;

ᔫᐱᐅᑉ ᐊᒡᓚᖏᑦ 37:1

“ᑕᒪᑐᒧᖓᑦᑕᐅᖅ ᐆᒻᒪᑎᒐ ᓴᔪᓕᕐᑎᑕᐅᖃᑦᑕᕐᐳᖅ, ᑎᒡᓕᕐᓂᖓᓗ ᐱᐅᓯᕐᒥᓂᑦ ᐊᑦᔨᒋᔪᓐᓁᕐᑎᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 19:2

ᐅᖃᕐᓗᑎᑦ: ᐊᓈᓁᑦ ᓲᖑᔫᓚᐅᕐᐳᖅ ᓛᔧᑦ ᐊᑯᕐᖓᓐᓂ! ᕿᑐᕐᖓᒥᓂᒃ ᓴᕐᓕᐊᓚᐅᕐᐳᖅ ᓛᔭᑦ ᐊᖑᑎᑦ ᐃᕐᓯᓇᕐᑐᑦ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 19:3

ᕿᑐᕐᖓᒥ ᐃᓚᖓᑦ ᐱᕈᕐᓴᓚᐅᕐᐹ; ᐃᓅᓱᒃᑐᕈᕋᒥ ᓂᕿᒃᓴᕐᓯᐅᕈᓐᓇᕐᓯᓚᐅᕐᐳᖅ; ᐃᓄᒃᑐᓲᖑᓕᕐᓗᓂ.

ᔮᓱᐊᑉ ᐊᒡᓚᖏᑦ 19:47

ᑖᓐ ᐃᓄᖏᑦ ᓄᓇᖁᑎᒃᓴᒥᖕᓂᒃ ᐊᔪᕐᓴᓕᕋᒥᒃ ᐅᓇᑕᕆᐊᕐᐳᑦ ᓕᓯᒻᒥᒧᑦ, ᓵᓚᒋᓚᐅᕐᐹᑦ ᐃᓄᖏᓪᓗ ᑐᖁᕋᕐᓗᒋᑦ ᓴᕕᒡᔪᐊᒧᑦ, ᓄᓇᖓᓪᓗ ᓄᓇᑖᕆᓚᐅᕐᐹᑦ, ᓄᓇᑖᕆᒐᒥᑦᔪᒃ ᐃᒡᓗᒐᓮᑦ ᐊᑎᖓ ᓕᓯᒻᒥ ᐊᓯᑦᔨᕐᐹᑦ ᐊᑎᕐᑖᕐᑎᓪᓗᒍ ᑖᓐᒥᒃ, ᓯᕗᓕᕐᒥᓄᑦ ᐊᑦᑎᐊᕆᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 13:2

ᐊᖑᑎᑕᖃᓚᐅᕐᐳᖅ ᔫᕋᒥᐅᑕᕐᒥᒃ, ᑖᓐ ᑭᖑᕚᖓᓂᒃ, ᒪᓄᐊᒥᒃ ᐊᑎᓕᖕᒥᒃ ᓄᓕᐊᖓᓗ ᕿᑐᕐᖏᓱᐃᑦᑑᓚᐅᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 14:19

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 14:6

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᓛᔭᓗ ᐊᓕᒃᑐᕐᓗᒍ ᓲᕐᓗ ᒎᑦᓯᐅᑉ ᓄᕐᕋᖏᑦ ᐊᓕᒃᑐᕐᑕᐅᕙᖕᒪᑕ; ᓱᓇᒥᒃ ᑎᒍᒥᐊᓚᐅᓐᖏᓚᖅ, ᐊᑖᑕᓂᓕ ᐊᓈᓇᓂᓗ ᐱᓂᐊᕐᓂᕐᒥᓂᒃ ᐅᖃᐅᑎᓚᐅᓐᖏᓛᒃ.

ᐃᓗᐊᕐᓮᔩᑦ ᐊᒡᓚᖏᑦ 15:15

ᓇᓂᓯᕗᖅ ᓯᐅᑎᖅᑯᕐᑐᔫᑉ ᐊᒡᓕᕈᐊᓂᒃ ᓄᑖᕕᓂᕐᒥᒃ, ᑎᒍᕚᓗ ᑐᖁᑦᓯᓪᓗᓂ ᑖᑦᓱᒧᖓ ᐊᖑᑎᓂᒃ 1,000ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 15:8

ᑍᒤᒻᒪᑦ ᑐᖁᕋᕐᐰᑦ ᓂᑲᒍᓱᒐᓂ ᐅᓄᕐᑐᐊᓗᐃᑦ ᑐᖁᓪᓗᓂᒋᑦ, ᑭᖑᓂᐊᒍᑦ ᕾᕈᓱᖕᒧᐊᕐᐳᖅ ᐄᑖᒻᒦᑦᑐᒧᑦ ᕾᕐᑐᒧᑦ ᑕᕝᕙᓂᓗ ᐃᓂᖃᓕᕐᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 16:30

ᓵᒻᓲᓂᓗ ᐅᖃᕐᐳᖅ, “ᐱᓕᔅᑍᓂᒥᐅᑦ ᑐᖁᖃᑎᒋᓚᐅᕐᓚᒃᑲ!” ᐅᑯᓪᓗᓂᓗ ᐱᔪᓐᓇᕐᓂᓕᒫᒥᓄᑦ, ᐊᔭᒃᐹᒃ, ᐃᒡᓗᓗ ᑲᑕᒃᐳᖅ ᐱᓕᔅᑍᓂᒥᐅᑦ ᐊᖓᔪᖅᑳᖏᓐᓄᑦ ᐃᓄᓕᒫᓄᓪᓗ ᑕᕝᕙᓃᑦᑐᓄᑦ. ᑐᖁᒥᓂ ᑐᖁᑦᓯᓂᖓ ᐅᓄᕐᓂᕐᓴᐅᓚᐅᕐᐳᖅ ᐃᓅᓯᓕᒫᒥᓂ ᑐᖁᑦᓯᓂᕆᓚᐅᕐᑕᒥᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 18:27

ᒤᑲᐅᑉ ᓴᓇᓚᐅᕐᑕᖏᑦ ᓇᒃᓴᕐᓗᒋᑦ, ᑖᑦᓱᒪᓗ ᑐᓂᕐᕈᓯᕐᑎᑦᓯᔨᖁᑎᖓ, ᑖᓐ ᑭᖑᕚᖏᑦ ᑎᑭᑉᐳᑦ ᓔᓯᒧᑦ, ᐃᓄᖕᓄᑦ ᓮᓕᔪᓄᑦ ᓱᓇᒥᒡᓗ ᓂᕆᐅᖏᑦᑐᓄᑦ, ᓴᕕᒡᔪᐊᒧᓪᓗ ᑐᖁᓪᓗᒋᑦ, ᐃᒡᓗᒐᓮᓪᓗ ᐃᑯᐊᓪᓚᒡᓗᒋᑦ.