ᒨᓯᓯ ᑕᓪᓕᒪᖏᑦ 33:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊ ᐃᓅᖃᑎᒌᒡᔪᐊᓂᒃ ᕾᖁᔨᔪᒫᕐᐳᑦ ᖃᖅᑲᖁᑎᒥᖕᓄᑦ; ᑕᕝᕙᓂᓗ ᑐᓂᕐᕈᑎᒃᓴᓂᒃ ᓈᒻᒪᒋᔭᐅᔪᓂᒃ ᑐᓂᕐᕈᓯᕐᓗᑎᒃ; ᐊᔪᕐᓴᖏᑦᔪᑎᓂᒃ ᐃᒪᕐᒥᑦ ᑕᕆᐅᒥᑦ ᐱᔪᓂᒃ ᓂᐅᕐᓯᖕᒪᑕ ᓯᐅᕋᕐᒥᓪᓗ ᐃᔨᕐᓯᒪᔪᓂᒃ ᐊᒃᓱᐃᑦᔪᑎᓂᒃ ᑕᕆᐅᑉ ᓯᓈᓂᑦ.”

ᒨᓯᓯ ᑕᓪᓕᒪᖏᑦ 33:19 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 60:5

ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.

ᐃᓐᖏᕈᑎᑦ 4:5

ᑐᓂᕐᕈᓯᕆᑦᓯ ᑐᓂᕐᕈᑎᒃᓴᓂᒃ ᐃᓱᐊᕐᑐᓂᒃ, ᐊᑕᓂᕐᒥᒡᓗ ᑕᑎᖃᓕᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᐂᓮᐊᓯᐅᑉ ᐊᒡᓚᖏᑦ 60:16

ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 51:19

ᑕᕝᕙ ᖁᕕᐊᒋᔭᖃᓕᕐᓂᐊᕐᐳᑎᑦ ᐃᓱᐊᕐᑐᓕᓂᕐᒧᑦ ᑐᓂᕐᕈᑎᓂᒃ, ᑐᓂᕐᕈᑎᓂᒃ ᐆᑕᒃᓴᓂᒃ ᐃᓗᐃᑦᑐᓂᒡᓗ ᐆᑕᒃᓴᓂᒃ ᐆᒪᔪᕕᓂᕐᓂᒃ ᑕᕝᕙ ᐆᒪᔪᑦ ᐸᖕᓂᖏᓐᓂᒃ ᑐᓂᕐᕈᓯᓕᕐᓂᐊᕐᐳᑦ ᑐᓂᕐᕈᓯᕐᕕᖁᑎᖕᓂ.

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᓯᕗᓪᓖᑦ 49:13

ᓯᐳᓗᓂ ᓄᓇᖃᕈᒫᕐᐳᖅ ᑕᕆᐅᑉ ᑭᒡᓕᖓᓂ; ᐅᒥᐊᕐᔪᐊᓄᑦ ᑭᓴᕐᕕᑦᓯᐊᖑᔪᒫᕐᐳᖅ, ᓄᓇᖓᑕᓗ ᑭᒡᓕᖓ ᓮᑐᓂᒧᑦ ᑎᑭᐅᑎᓯᒪᔪᒫᕐᐳᖅ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 4:6

ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?” ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ.