ᒨᓯᓯ ᑕᓪᓕᒪᖏᑦ 33:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᐅᑉ ᓇᒡᓕᒋᔭᖏᑦ ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ; ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ, ᑖᒃᑯᓇᓂᓗ ᐃᓂᖃᕐᓗᓂ.”

ᒨᓯᓯ ᑕᓪᓕᒪᖏᑦ 33:12 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:24

ᑍᕕᑎᐅᑉ ᓄᓕᐊᓂ ᐹᓯᐸ ᓮᒻᒪᕐᓴᓚᐅᕐᐹ, ᐅᐸᒡᓗᒍᓗ ᐃᓐᓇᖓᖃᑎᒋᕚ; ᐃᕐᓂᕐᑖᕐᐳᒡᓗ, ᑍᕕᑎᐅᑉ ᐊᑦᓯᕐᐹ ᓲᓗᒨᓂᒥᒃ. ᐊᑕᓂᐅᓪᓗ ᓇᓪᓕᒋᓚᐅᕐᐹ ᓱᕈᓯᖅ,

ᓴᒧᐃᓕ ᐂᑉᐸᖏᑦ 12:25

ᐅᖃᕐᑎᓂᓗ ᓁᑕᓂ ᑎᓕᕚ; ᑖᓐᓇ ᓱᕈᓯᖅ ᐊᑎᕐᑖᖁᓪᓗᒍ ᔨᑎᑍᐊᒥᒃ, ᐊᑕᓂᐅᑉ ᓇᓪᓕᒋᓚᐅᕐᒪᒍ.

ᐊᑕᓃᑦ ᓯᕗᓪᓖᑦ 12:21

ᕆᕼᐅᐳᐊᒻ ᑎᑭᓐᓇᒥ ᔨᕉᓴᓕᒧᑦ, ᑲᑎᖁᔨᕗᖅ 180,000ᓂᒃ ᐅᓇᑕᕐᑐᒃᓴᑦᓯᐊᕙᐅᓂᕐᐹᓂᒃ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓂᒃ ᐅᓇᑕᕆᐊᕈᒪᓪᓗᓂ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐊᖓᔪᖅᑳᕐᔪᐊᖃᕐᕕᒃ ᐅᑎᕐᑎᑦᓱᒪᓪᓗᒍ ᕆᕼᐅᐳᐊᒻᒧᑦ ᓲᓗᒨᓂᐅᑉ ᐃᕐᓂᖓᓄᑦ.

ᑯᕉᓂᑲ ᐂᑉᐸᖏᑦ 11:1

ᕆᕼᐅᐳᐊᒻ ᔨᕉᓴᓕᒧᐊᕋᒥ, ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᑦ ᑲᑎᑎᑉᐰᑦ 180,000 ᐊᖑᑏᑦ ᐅᓇᑕᕐᑏᑦ ᓂᕈᐊᕐᑕᐅᓯᒪᔪᑦ, ᐅᓇᑕᕆᐊᖁᓪᓗᒋᑦ ᐃᓴᕆᐊᓕᒥᐅᓂᒃ, ᕆᕼᐅᐳᐊᒻ ᐊᖓᔪᖅᑲᐅᕕᖓ ᐅᑎᕐᑎᑕᐅᖁᓪᓗᒍ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᐃᓐᖏᕈᑎᑦ 132:14

“ᑕᕝᕙᓂ ᑕᕾᕐᓯᕐᕕᖃᕈᒪᕗᖓ ᐃᓱᖃᖏᑦᑐᒧᑦ; ᑕᕝᕙᓂ ᐃᓂᖃᕐᓂᐊᕐᐳᖓ, ᐱᔪᒪᓯᒪᒐᒃᑯ.

ᐃᓐᖏᕈᑎᑦ 60:5

ᓵᓚᖃᕐᑎᑎᒍᑦ ᐊᒡᒐᖕᓄᑦ ᑕᓕᕐᐱᖕᓄᑦ ᑭᐅᓗᑕᓗ! ᓇᒡᓕᒋᔭᑎᑦ ᓴᐳᑎᔭᐅᖁᓪᓗᒋᑦ.

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᒨᓯᓯ ᐂᑉᐸᖏᑦ 28:12

ᑖᒃᑯᐊᒡᓗ ᐅᔭᑦᓯᐅᑎᖓᖕᓄᑦ ᐃᓕᔭᒃᓴᕆᕙᑎᑦ ᑭᐊᑎᒧᑦ ᐃᐹᑦᓯᒥᒃ ᐊᑎᓕᖕᒧᑦ ᐃᓚᓕᐅᑎᓯᒪᖁᓪᓗᒋᒃ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᒃ. ᐂᕉᓂᓗ ᐊᒡᔭᕐᓯᖃᑦᑕᖁᓪᓗᒍ ᑭᖑᕚᕇᖑᔪᑦ ᐊᑎᖏᓐᓂᒃ ᐊᑕᓂᐅᑉ ᓵᖓᓂ ᑖᒃᑯᐊ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 37:22

ᐊᑕᓂᖅ ᐃᒫᒃ ᐅᖃᕐᐳᖅ ᓯᓇᑭᕆᑉ ᐱᓪᓗᒍ: ‘ᐅᐃᒡᒐᓲᑉ ᓮᐅᓂᐅᑉ ᐸᓂᖓᑕ; ᐆᒥᒋᕚᑎᑦ, ᒥᑕᐅᑎᒋᓪᓗᑎᓪᓗ; ᐃᓕᕿᑕᒫᕐᓗᓂᓗ ᑐᓄᖕᓂ ᔨᕉᓴᓕᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 37:35

ᐃᒡᓗᒐᓴᒡᔪᐊᑦ ᑖᒃᑯᐊ ᓴᐳᑎᓯᒪᓂᐊᕋᒃᑭᑦ ᐱᐅᓕᓗᒋᓪᓗ, ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐱᔨᒐᓗ ᑍᕕᑎ ᐱᑦᔪᑎᒋᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᔨᕆᒤᐊᐅᑉ ᐊᒡᓚᖏᑦ 12:7

ᐃᓄᖁᑎᒃᑲ ᖁᔭᓈᕐᐸᒃᑲ, ᑭᖑᕐᖑᑎᔭᒃᓴᒃᑲᓗ ᕿᒪᒡᓗᒋᑦ; ᐃᓄᖁᑎᒃᑲ ᓇᒡᓕᒋᓚᐅᕐᑕᒃᑲ ᐊᑭᕋᖏᓐᓄᑦ ᑐᓂᑦᔪᑎᒋᓕᕐᐸᒃᑲ.

ᒨᓯᓯ ᓯᑕᒪᖏᑦ 34:21

ᐱᓐᔭᒥᓂᐅᑉ ᑭᖑᕚᖏᓐᓂᑦ, ᐃᓕᑖᑎ ᓯᔅᓘᓂᐅᑉ ᐃᕐᓂᖓ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᒨᓯᓯ ᑕᓪᓕᒪᖏᑦ 12:10

ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.

ᒨᓯᓯ ᑕᓪᓕᒪᖏᑦ 32:11

ᓇᒃᑐᕋᓕᒃᑎᑐᑦ ᐱᐊᕋᕐᒥᓂᒃ ᖃᖓᑕᔭᕆᐅᕐᓮᔪᑎᑐᑦ, ᕿᑐᕐᖓᒥ ᖁᓛᓂ ᖃᖓᑕᔪᑎᑐᑦ, ᐊᑖᓂᑦ ᐊᒃᑭᕐᓯᖃᑦᑕᕐᑐᑎᑐᑦ ᐃᓴᕈᕐᒥᓄᑦ ᐃᓵᖓᓪᓗᑎᒃ ᐋᓐᓂᖁᓇᒋᑦ.

ᒨᓯᓯ ᑕᓪᓕᒪᖏᑦ 33:11

ᐊᑕᓃᖅ, ᑭᖑᕚᖑᖃᑎᒌᑦ ᑖᒃᑯᐊ ᐱᒋᔭᖏᑦ ᓮᒻᒪᕐᑎᒃᑭᑦ, ᐱᓂᐊᕐᓂᖏᓪᓗ ᐃᓚᓕᐅᒃᑭᑦ; ᐊᑭᕋᕐᑐᕐᑎᓕᒫᖏᑦ ᓵᓚᒋᓗᒋᑦ; ᐆᒥᓱᒃᑐᓪᓗ ᑖᒃᑯᓂᖓ ᒪᑭᒃᑲᓐᓂᕈᓐᓁᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᐃᓗᐊᕐᓮᔩᑦ ᐊᒡᓚᖏᑦ 1:21

ᐱᓐᔭᒥᓂᐅᓪᓕ ᑭᖑᕚᖏᑕ ᓵᓚᒋᓚᐅᓐᖏᓔᑦ ᔨᐳᓮᑎᑦ ᓄᓇᖃᕐᑐᑦ ᔨᕉᓴᓕᒥ, ᔨᐳᓮᑎᓪᓗ ᓄᓇᖃᖃᑕᐅᕗᑦ ᐱᓐᔭᒥᓂᐅᑉ ᑭᖑᕚᖏᓐᓂ ᐅᓪᓗᒥᒧᑦ.

ᓴᒧᐃᓕ ᓯᕗᓪᓖᑦ 10:20

ᑕᕝᕙ ᓴᒧᐃᓕᐅᑉ ᐃᓴᕆᐊᓕᐅᑉ ᑭᖑᕚᖏᑦ ᕾᖁᔭᕇᕋᒥᒋᑦ, ᐱᓐᔭᒥᓂᐅᑉ ᑭᖑᕚᖏᑦ ᓇᓚᐅᑦᓵᕈᑎᒃᑯᑦ ᓇᓚᐅᑕᐅᕗᑦ.