ᒨᓯᓯ ᑕᓪᓕᒪᖏᑦ 33:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᒨᓯᓯ ᑕᓪᓕᒪᖏᑦ 33:10 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 26:18

ᑖᒃᑯᐊᓗ ᐅᓮᐊ ᐊᖓᔪᖅᑳᕐᔪᐊᖅ ᓵᓐᖓᓕᕐᐹᑦ, ᐅᖃᐅᑎᓪᓗᒍᓗ, “ᑍᒤᓕᐅᕐᑐᒃᓴᐅᓐᖏᓚᑎᑦ ᐅᓮᐊ, ᐃᑯᐊᓪᓔᓗᑎᑦ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ, ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᑭᖑᕚᖏᑦ ᑖᒃᑯᐊᑐᐊᖅ ᑍᒤᓕᐅᕐᑐᒃᓴᐅᕗᑦ, ᑖᒃᑯᐊ ᐃᑦᔪᕐᓁᑎᑕᐅᓯᒪᕗᑦ ᐃᑯᐊᓪᓔᖁᓪᓗᒋᑦ ᑎᐱᑦᓯᐊᕆᒃᑐᒥᒃ. ᑕᕝᕙᓐᖓᑦ ᐊᓂᓕᕆᑦ ᐃᑦᔪᕐᓁᑦᑐᒃᑯᕕᖕᒥᑦ; ᑕᒻᒪᓚᐅᕋᕕᑦ, ᐃᓕᖕᓂᒃ ᐅᐱᓐᓇᕈᓐᓃᕐᑎᑉᐳᑎ ᐊᑕᓂᕐᒧᑦ ᒎᑎᒧᑦ.”

ᑯᕉᓂᑲ ᐂᑉᐸᖏᑦ 30:22

ᕼᐃᓯᑬᐊᐅᓪᓗ ᐅᖃᐅᑎᓪᓗᒋᑦ ᑲᔪᖏᕐᓴᕐᐰᑦ ᓕᕔᑎᓕᒫᑦ ᐱᔪᓐᓇᑦᓯᐊᕐᓗᑎᒃ ᐱᓕᕆᔪᑦ ᐱᓇᓱᐊᕆᐊᓕᖕᒥᖕᓂᒃ ᐊᑕᓂᕐᒧᑦ. ᑕᕝᕙ ᐃᓄᐃᑦ ᓂᕆᓚᐅᕐᐳᑦ ᓇᓪᓕᐅᓐᓂᕐᓯᐅᕐᓗᑎᒃ ᐅᓪᓗᓂᒃ 7ᓂᒃ, ᑐᓂᕐᕈᓯᕐᓗᑎᒃ ᓮᒻᒪᕐᑎᑕᐅᑦᔪᑎᒃᓴᒧᑦ ᑐᓂᕐᕈᓯᕐᐳᓪᓗ ᖁᔭᓕᓪᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 51:19

ᑕᕝᕙ ᖁᕕᐊᒋᔭᖃᓕᕐᓂᐊᕐᐳᑎᑦ ᐃᓱᐊᕐᑐᓕᓂᕐᒧᑦ ᑐᓂᕐᕈᑎᓂᒃ, ᑐᓂᕐᕈᑎᓂᒃ ᐆᑕᒃᓴᓂᒃ ᐃᓗᐃᑦᑐᓂᒡᓗ ᐆᑕᒃᓴᓂᒃ ᐆᒪᔪᕕᓂᕐᓂᒃ ᑕᕝᕙ ᐆᒪᔪᑦ ᐸᖕᓂᖏᓐᓂᒃ ᑐᓂᕐᕈᓯᓕᕐᓂᐊᕐᐳᑦ ᑐᓂᕐᕈᓯᕐᕕᖁᑎᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 43:27

ᑕᒪᒃᑯᐊ ᐅᓪᓗᐃᑦ ᓈᔭᐅᒃᐸᑕ, ᐅᓪᓗᐃᑦ ᓯᑕᒪᐅᔪᕐᑐᖓᓂᑦ ᐱᒋᐊᕐᓗᑎᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᓯᒋᐊᕐᑐᒃᓴᐅᕗᑦ ᑐᓂᕐᕈᑎᓂᒃ ᐃᑯᐊᓚᑎᑕᒃᓴᓂᒃ ᓮᒻᒪᖃᑎᒌᖕᓂᕐᒧᓪᓗ ᑐᓂᕐᕈᓯᕈᑎᓂᒃ; ᑕᕝᕙ ᐃᓚᓕᐅᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 10:11

ᐃᓴᕆᐊᓕᒥᐅᓕᒫᑦ ᐃᓕᓐᓂᐊᕐᑎᑦᓴᕆᐊᖃᕐᐸᓯ ᐊᑕᓂᐅᑉ ᐱᖁᔭᖏᓐᓂᒃ ᒨᓯᓯᒃᑯᑦ ᑐᓂᔭᖏᓐᓂᒃ.”

ᒨᓯᓯ ᐱᖓᔪᖏᑦ 16:12

ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ.

ᒨᓯᓯ ᐱᖓᔪᖏᑦ 16:13

ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᕼᐊᒊᑉ ᐊᒡᓚᖏᑦ 2:11

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᑐᓂᕐᕈᓯᕐᑎᑦᓯᔩᑦ ᐊᐱᕐᓱᓚᐅᒃᑭᑦ ᐱᖁᔧᑦ ᐅᖃᕐᓯᒪᓂᖏᓐᓂᒃ ᐃᒤᓕᔪᓂᒃ,

ᕼᐊᒊᑉ ᐊᒡᓚᖏᑦ 2:12

‘ᓇᓪᓕᐊᑐᐃᓐᓇᖅ ᓂᕿᒥᒃ ᐃᑦᔪᕐᓁᑦᑐᒥᒃ ᐊᒡᔭᕐᓯᒍᓂ ᐊᓐᓄᕌᒥᓄᑦ ᐃᒻᒧᓯᕐᓯᒪᓗᒍ, ᐊᓐᓄᕌᖏᑕᓗ ᓯᓈᓄᑦ ᐊᒃᑐᐃᒃᐸᑦ ᓂᐊᖂᔭᒥᒃ, ᐊᓗᒐᒃᓴᓕᐊᕆᓯᒪᔪᒥᒡᓘᓐᓃᑦ, ᕔᓂᒥᒡᓘᓐᓃᑦ, ᐅᕐᓱᒥᒡᓘᓐᓃᑦ, ᓂᕿᒥᒡᓘᓐᓃᑦ, ᑖᒃᑯᐊ ᐊᒃᑐᕐᑕᖏᑦ ᐃᑦᔪᕐᓁᓕᕋᔭᕐᐹᑦ?’” ᑕᕝᕙ ᑐᓂᕐᕈᓯᕐᑎᑦᓯᔩᑦ ᑭᐅᕗᑦ ᐅᖃᕐᓗᑎᒃ, “ᑍᒤᒍᓐᓇᓐᖏᓚᖅ.”

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 16:46

ᒨᓯᓯᓗ ᐂᕉᓂᒧᑦ ᐅᖃᕐᐳᖅ, “ᐃᓯᕐᓗᐊᕐᓂᑎᑦᓯᑦᔪᑎᒥᒃ ᑎᒍᓯᒋᑦ, ᐃᑯᒪᔪᒥᒡᓗ ᑐᓂᕐᕈᓯᕐᕕᖕᒥᑦ ᐃᓕᓯᕕᒋᓗᒍ, ᑎᐱᑦᓯᐊᕆᒃᑐᒥᒃ ᐃᓗᓪᓕᕐᓗᒍ, ᑐᐊᕕᕐᓗᑎᑦ ᐃᓄᒋᐊᒃᑐᕐᔪᐊᓄᑦ ᐂᑦᔪᑎᒍᒃ ᐃᓱᒪᒋᔪᓐᓁᕐᕕᐅᖁᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐃᖏᕐᕋᓕᕐᒪᑦ ᑖᑦᓱᒪᓐᖓᑦ. ᑐᖁᑦᓯᔪᖅ ᐋᓐᓂᐊᓇᕐᑐᖅ ᐱᒋᐊᕐᒪᑦ.”

ᒨᓯᓯ ᓯᑕᒪᖏᑦ 7:50

ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ;

ᒨᓯᓯ ᑕᓪᓕᒪᖏᑦ 24:8

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 27:14

ᓕᕔᑎᓪᓗ ᐅᑯᓂᖓ ᐅᖃᐅᓯᕐᓂᒃ ᐅᖃᕐᑐᒃᓴᐅᕗᑦ ᓂᐱᖅᑯᕐᑐᓗᑎᒃ:

ᒨᓯᓯ ᑕᓪᓕᒪᖏᑦ 33:11

ᐊᑕᓃᖅ, ᑭᖑᕚᖑᖃᑎᒌᑦ ᑖᒃᑯᐊ ᐱᒋᔭᖏᑦ ᓮᒻᒪᕐᑎᒃᑭᑦ, ᐱᓂᐊᕐᓂᖏᓪᓗ ᐃᓚᓕᐅᒃᑭᑦ; ᐊᑭᕋᕐᑐᕐᑎᓕᒫᖏᑦ ᓵᓚᒋᓗᒋᑦ; ᐆᒥᓱᒃᑐᓪᓗ ᑖᒃᑯᓂᖓ ᒪᑭᒃᑲᓐᓂᕈᓐᓁᖁᓪᓗᒋᑦ.”

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.