ᒨᓯᓯ ᑕᓪᓕᒪᖏᑦ 32:47 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁷ ᐅᑯᐊ ᐊᔪᕆᕐᑑᓰᑦ ᐅᖃᐅᓯᑐᐃᓐᓇᐅᖏᒻᒪᑕ, ᐃᓅᓯᑦᓯᓐᓂᒡᓕ ᐱᑦᔪᑎᖃᕐᐳᑦ, ᐊᑯᓂ ᐃᓅᖁᓪᓗᓯ ᓄᓇᒥ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᔪᒫᓕᕐᑕᑦᓯᓐᓂ.”

ᒨᓯᓯ ᑕᓪᓕᒪᖏᑦ 32:47 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:22

ᓇᓂᓯᔪᓄᑦ ᐃᓅᓯᒃᓴᐅᖕᒪᑕ, ᑎᒥᖏᓐᓄᓪᓗ ᐋᖅᑭᒃᑕᐅᑦᔪᑎᒃᓴᐅᓪᓗᑎᒃ.

ᒨᓯᓯ ᐱᖓᔪᖏᑦ 18:5

ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’

ᐲᑦᑐᕉᓯ ᐂᑉᐸᖏᑦ 1:16

ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:22

ᑕᕐᓂᕐᓂᒃ ᐃᓅᑎᑦᓯᓂᐊᕐᒪᑕ ᖁᖓᓯᕐᓂᓗ ᑕᑯᒥᓇᐅᑎᒋᓗᒍ.

ᐲᑦᑐᕉᓯ ᐂᑉᐸᖏᑦ 1:3

ᒎᑎᐅᓂᖓᑕ ᐱᔪᓐᓇᓂᖓᓄᑦ ᑐᓂᓯᕕᒋᖕᒪᑎᒍᑦ ᑕᒤᓐᓂᒃ ᐃᓅᓯᕐᒥ ᐊᑐᕆᐊᖃᕐᑕᑦᑎᓐᓂᒃ ᐱᐅᔪᓂᒃ, ᑖᑦᓱᒥᖓ ᖃᐅᔨᑎᑕᐅᓂᑦᑎᒍᑦ ᕾᖁᓚᐅᕐᒪᑎᒍᑦ ᓇᖕᒥᓂᖅ ᐱᓐᓇᕐᓇᕐᓂᕐᒥᒍᑦ ᐱᑦᓯᐊᕐᓂᕐᒥᒍᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:18

ᓇᐹᕐᑑᕗᖅ ᐃᓅᓯᖃᕐᓇᕐᑐᖅ ᑖᒃᑯᓄᖓ ᑖᑦᓱᒥᖓ ᑎᒍᓯᔪᓄᑦ; ᑖᑦᓱᒥᖓ ᑎᒍᒥᐊᕐᑐᑦ ᑍᔭᐅᓕᕐᐳᑦ ᖁᕕᐊᓱᒃᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:38

ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.

ᒨᓯᓯ ᑕᓪᓕᒪᖏᑦ 33:25

ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ, ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 31:13

ᕿᑐᕐᖓᖏᓪᓗ ᑖᒃᑯᓂᖓ ᖃᐅᔨᓚᐅᕐᓯᒪᖏᑦᑐᑦ, ᑐᓴᕐᓂᐊᕐᒪᑕ ᐃᓕᓐᓂᐊᕐᓗᑎᒡᓗ ᐃᓕᕋᓱᖕᓂᕐᒥᒃ ᐊᑕᓂᕐᒥᒃ ᒎᑎᑦᓯᓐᓂᒃ, ᑍᒪᓐᖓᑦ ᓄᓇᒥ ᓄᓇᖃᕐᓂᓕᒫᒥᖕᓂ ᑕᒫᓂ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᐊᑭᐊᓃᑦᑐᒥ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:13

ᐊᔪᕆᕐᑐᕐᑕᐅᑦᔪᑎᒋᔭᑎᑦ ᐱᓯᒪᑦᓯᐊᒃᑭᑦ, ᓴᒃᑯᑦᑍᓕᓗᒋᑦ; ᑎᒍᒥᐊᕈᒃ ᐃᓅᓯᖃᕈᑎᒋᒐᕕᐅᒃ.