ᒨᓯᓯ ᑕᓪᓕᒪᖏᑦ 32:46 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁶ ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.

ᒨᓯᓯ ᑕᓪᓕᒪᖏᑦ 32:46 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 22:19

ᐆᒻᒪᑎᓯ ᑕᕐᓂᓯᓗ ᐱᕕᒃᓴᖃᕐᑎᓯᒋᒃ ᕿᓂᕈᓐᓇᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ. ᒪᑭᓪᓗᓯ ᓴᓇᓕᕆᑦᓯ ᐊᑕᓂᐅᑉ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓂᒃ, ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑦᔪᕐᓁᑦᑐᖁᑎᖏᓪᓗ ᐃᑎᕐᑎᑕᐅᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᒡᓗᖓᓄᑦ ᓴᓇᔭᐅᓯᒪᔪᒧᑦ ᐊᑕᓂᐅᑉ ᐊᑎᖓᓄᑦ.”

ᐃᓐᖏᕈᑎᑦ 78:5

ᔧᑯᒧᑦ ᐱᓂᐊᕐᑕᐅᖁᔭᓂ ᓇᓗᓁᕐᓯᒪᖕᒪᒋᑦ, ᐃᓴᕆᐊᓕᓗ ᐱᖁᔭᓕᐅᓚᐅᕐᒪᒍ, ᐱᖁᓚᐅᕐᒪᒋᓪᓗ ᓯᕗᓕᕕᓂᕐᐳᑦ, ᕿᑐᕐᖓᒥᖕᓂᒃ ᑕᒪᒃᑯᓂᖓ ᐊᔪᕆᕐᑐᐃᖁᓪᓗᒋᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:28

ᐃᓱᐊᕐᑐᓕᓂᐅᑉ ᐊᖅᑯᑎᖓᓂ ᐃᓅᓯᐅᕗᖅ, ᐊᖅᑯᑎᒋᔭᖓᓂᓗ ᑐᖁᓐᓇᕐᑐᕐᑕᖃᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 40:4

ᑖᑦᓱᒪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐃᒃᐱᒋᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ, ᑐᑭᓯᑦᓯᐊᕋᓱᐊᕐᓗᑎᓪᓗ ᑕᒤᓐᓂᒃ ᐃᓕᖕᓄᑦ ᑕᑯᔭᐅᑎᓐᓂᐊᕐᑕᓐᓂᒃ, ᑕᒪᒃᑯᓂᖓ ᑕᑯᑎᑦᓯᖁᓪᓗᖓ ᐃᓕᖕᓄᑦ ᑕᒪᐅᓐᖓᕐᑎᑕᐅᒐᕕᑦ; ᑕᑯᔭᓕᒫᕐᓂᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᖃᐅᓯᖃᕐᑐᒃᓴᐅᕗᑎᑦ.”

ᐃᓯᑭᐊᓕᐅᑉ ᐊᒡᓚᖏᑦ 44:5

ᐊᑕᓂᐅᓪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐅᑦᔨᕆᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ ᐅᖃᐅᓯᕆᓂᐊᕐᑕᓕᒫᒃᑲ ᐃᓕᖕᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᒪᓕᒐᖏᑦ ᐱᖁᔭᖏᓪᓗ; ᐃᒃᐱᒋᑦᓯᐊᕐᓗᒋᓪᓗ ᑐᒃᓯᐊᕐᕕᒡᔪᐊᕐᒥ ᑎᓕᔭᐅᖃᑦᑕᕈᒫᕐᑐᑦ ᑭᓇᒃᑯᓪᓗ ᐃᑦᔪᕐᓁᑦᑐᕕᖕᒧᑦ ᐃᑎᕈᓐᓇᕐᑎᑕᐅᔭᕆᐊᖃᖏᒻᒪᖔᑕ.

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᓘᑲᓯᐅᑉ ᐊᒡᓚᖏᑦ 9:44

“ᐅᑯᐊ ᐅᖃᐅᓯᕆᓂᐊᕐᑕᒃᑲ ᐳᐃᒍᕐᑍᓕᓯᐅᒃ; ᐃᓅᑉ ᐃᕐᓂᖓ ᐱᑎᑕᐅᒋᐊᕕᓕᕐᐳᖅ ᐃᓄᐃᑦ ᐱᔪᓐᓇᕐᓂᖏᓐᓄᑦ.”

ᒨᓯᓯ ᑕᓪᓕᒪᖏᑦ 11:18

“ᑕᒪᒃᑯᐊ ᐃᖅᑲᐅᒪᔭᒃᓴᕆᕙᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᑍᒧᖎᓐᓇᕆᐅᕐᓴᕐᓗᒋᓪᓗ ᐆᒻᒪᑎᑦᓯᒍᑦ. ᐊᒡᒐᐅᑎᑦᓯᓐᓄᑦ ᓂᒻᒪᐅᑎᓗᒋᑦ ᕿᓚᒃᑕᒃᓴᕆᕙᓯ ᖃᐅᕐᒥᐅᑕᕆᓗᒋᓪᓗ ᐊᑯᓕᐊᑦᓯᓐᓂ ᐃᓕᑦᓯᓐᓄᑦ ᓇᓗᓁᒃᑯᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 11:19

ᕿᑐᕐᖓᑦᓯᓐᓄᓪᓗ ᑕᒪᒃᑯᐊ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ, ᐊᖏᕐᕋᕐᓯᒪᓕᕌᖓᑦᓯᓗ ᐅᖃᖃᑎᒌᒍᑎᒋᖃᑦᑕᕐᓗᒋᑦ, ᐊᖏᕐᕋᕐᓯᒪᖏᒃᑲᓗᐊᕈᑦᓯᓗ, ᑕᖅᑬᕐᓯᕐᑎᓪᓗᓯᓗ ᐃᖅᑲᓁᔭᕐᑎᓪᓗᓯᓗ.

ᒨᓯᓯ ᑕᓪᓕᒪᖏᑦ 32:45

ᒨᓯᓯᐅᓪᓕ ᑕᒪᒃᑯᐊ ᐅᖃᐅᓰᑦ ᐅᖃᐅᓯᕆᔭᕇᕋᒥᒋᑦ ᐃᓴᕆᐊᓕᒥᐅᓕᒪᓄᑦ,

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.