ᒨᓯᓯ ᑕᓪᓕᒪᖏᑦ 32:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᒨᓯᓯ ᑕᓪᓕᒪᖏᑦ 32:39 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᔫᐱᐅᑉ ᐊᒡᓚᖏᑦ 10:13

ᒫᓐᓇᓕ ᑐᑭᓯᕗᖓ ᓱᓇᐅᕝᕙ ᑕᒪᒃᑯᐊ ᐃᔨᕐᓯᒪᓚᐅᕐᐸᑎᑦ ᐅᕙᓐᓄᑦ ᑕᒪᐅᓈᕐᑎᓐᓂᐊᕐᓂᕋᕕᖓ.

ᔫᐱᐅᑉ ᐊᒡᓚᖏᑦ 10:7

ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ, ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.

ᔫᐱᐅᑉ ᐊᒡᓚᖏᑦ 5:18

ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.

ᐃᓐᖏᕈᑎᑦ 102:27

ᐃᕝᕕᓪᓕ ᑖᓐᓇᐅᑦᓮᓐᓇᕐᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᕋᑎᒃ.

ᐃᓐᖏᕈᑎᑦ 102:28

ᐱᔨᕕᑦ ᕿᑐᕐᖓᖏᑦ ᑲᔪᓯᑦᓮᓐᓇᕐᓂᐊᕐᐳᑦ; ᑭᖑᕚᖏᓪᓗ ᐊᐅᓚᖏᑦᑐᒦᓐᓂᐊᕐᐳᑦ ᐃᓕᖕᓂ.

ᐃᓐᖏᕈᑎᑦ 18:31

ᑭᓇ ᒎᑎᐅᕚ? ᐊᑕᓂᐅᑉ ᐊᓯᐊ. ᑭᓇᓘ ᕾᕐᑑᕙ, ᒎᑎᑦᑕ ᐊᓯᐊ?

ᐃᓐᖏᕈᑎᑦ 50:22

ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ, ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.

ᐃᓐᖏᕈᑎᑦ 51:8

ᑐᓵᑎᓚᐅᓐᖓ ᖁᕕᐊᓱᖕᓂᕐᒥᒃ ᐊᓕᐊᓁᒍᓱᖕᓂᕐᒥᒡᓗ, ᓴᐅᓃᑦ ᓯᖁᒥᓚᐅᕐᑕᑎᑦ ᖁᕕᐊᓱᓕᖁᓪᓗᒋᑦ.

ᐃᓐᖏᕈᑎᑦ 68:20

ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ.

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 4:7

ᑕᕝᕙ ᒎᑎ ᐅᖃᕐᐳᖅ, “ᐊᒡᒐᑎᑦ ᐅᓕᒡᔪᐊᕐᓄᑦ ᐅᑎᕐᑎᓚᐅᕐᒥᒃᑭᑦ.” ᑕᕝᕙ ᐊᒡᒐᓂ ᐅᓕᒡᔪᐊᒥ ᐃᑭᐊᖓᓄᑦ ᐅᑎᕐᑎᒃᑭᕔᑦ, ᐊᒧᒐᒥᒋᓪᓗ, ᑕᑯᒋᑦ ᑕᕝᕙ ᐅᕕᓂᖕᒥᓄᑦ ᐅᑎᑦᓯᐊᕆᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:3

ᓇᓪᓕᐅᓐᓂᖃᕐᐳᖅ ᑐᖁᑦᓯᓂᕐᒧᑦ, ᓇᓪᓕᐅᓐᓂᖃᕆᕗᖅ ᐱᔪᓐᓃᕐᑎᑦᓯᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᕐᕈᑎᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓗᓕᐅᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 19:22

ᐊᑕᓂᐅᑉ ᓱᒋᐊᕈᒫᕐᐰᑦ ᐄᑦᔨᑉᑎᒥᐅᑦ, ᓱᒋᐊᕐᓗᒋᑦ ᐋᖅᑭᒃᓱᕐᓗᒋᓪᓗ; ᐊᑕᓂᕐᒧᑦ ᐅᑎᕈᒫᕐᐳᑦ, ᑐᒃᓯᐊᕐᓂᖏᓪᓗ ᑐᓴᕐᓗᒋᑦ ᐋᖅᑭᒍᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 41:4

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 43:12

ᓇᓗᓁᕐᓯᓚᐅᕐᐳᖓ ᐱᐅᓕᒃᓯᓪᓗᖓᓗ, ᐅᖃᐅᓯᖃᕐᓗᖓᓗ, ᐊᓯᓐᓂᒃ ᒎᑎᒋᔭᐅᔪᓂᒃ ᒎᑎᑕᖃᖏᒻᒪᑦ ᐃᓕᑦᓯᓐᓂ; ᑕᒪᑐᒥᖓ ᖃᐅᔨᓯᒪᔪᖁᑎᒋᕙᑦᓯ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:13

“ᒎᑎᐅᒐᒪ, ᐅᓪᓗᐃᑦ ᐱᒋᐊᓚᐅᕐᑎᓐᓇᒋᑦ ᓱᓕ ᐅᕙᖓᐅᕗᖓ ᑖᓐᓇᑦᓮᓐᓇᖅ; ᓇᓪᓕᐊᓪᓘᓐᓃᑦ ᑎᒍᒥᐊᕐᑕᓐᓂᒃ ᐲᕐᓯᔪᓐᓇᓐᖏᓚᖅ; ᐱᓇᓱᐊᕐᓂᒃᑲᓗ ᑭᓇᒧᓪᓘᓐᓃᑦ ᐊᒡᕕᐊᕐᑕᐅᔪᓐᓇᕋᑎᒃ.”

ᐂᓮᐊᓯᐅᑉ ᐊᒡᓚᖏᑦ 45:18

ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 46:4

ᐃᓄᑐᖃᐅᓕᕋᓗᐊᕈᑦᓯ, ᐅᕙᖓᐅᕗᖅ ᑖᓐᓇ, ᖀᖃᓕᕋᓗᐊᕈᑦᓯᓗ ᓱᓕ ᐊᒡᔭᕈᒫᕐᐸᑦᓯ! ᓴᓇᓚᐅᕋᒪ, ᐊᒡᔭᕐᓯᓂᐊᕐᓗᖓᓗ; ᐊᒡᔭᕐᓂᐊᕐᐸᑦᓯ ᐱᐅᓕᓗᓯᓗ.

ᐂᓮᐊᓯᐅᑉ ᐊᒡᓚᖏᑦ 48:12

“ᔧᑰᑉ ᑭᖑᕚᖏᑦ, ᓈᓚᓚᐅᕐᓯᓐᖓ ᐃᓴᕆᐊᓕᒥᐅᓪᓗ ᕾᖁᓚᐅᕐᑕᒃᑲ! ᐅᕙᖓᐅᕗᖅ, ᓯᕗᓪᓕᕐᐹᖑᔪᖅ, ᑭᖑᓪᓕᕐᐹᖑᓪᓗᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 37:12

ᑍᒤᒻᒪᑦ ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᐅᑎᓗᒋᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᓗᕕᓯ ᒪᑐᐃᕐᓂᐊᕐᐸᒃᑲ, ᐃᓗᕕᓯᓐᓂᓪᓗ ᒪᑭᑎᓪᓗᓯ, ᐆ ᐃᓄᖁᑎᒃᑲ; ᐊᖏᕐᕋᕐᑎᓐᓂᐊᕐᐸᑦᓯ ᐃᓴᕆᐊᓕᐅᑉ ᓄᓇᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᓴᐅᓂᕕᓃᑦ ᒪᑯᐊ ᐆᒻᒪᕈᓐᓇᕐᐹᑦ?” ᑭᐅᕙᕋᓗ, “ᐊᑕᓃᖅ ᒎᑏ, ᐃᕝᕕᑐᐊᖅ ᖃᐅᔨᒪᕗᑎᑦ.”

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᒨᓯᓯ ᑕᓪᓕᒪᖏᑦ 32:12

ᐊᑕᓂᐅᑉ ᓇᖕᒥᓂᖅ ᑕᓯᐅᓚᐅᕐᐹ, ᓄᓇᖃᑎᑐᖃᕆᓐᖏᑕᑦᑕ ᒎᑎᖏᓐᓂᑦ ᐃᑲᔪᕐᑕᐅᓚᐅᕋᓂ.

ᒨᓯᓯ ᑕᓪᓕᒪᖏᑦ 4:35

ᐊᑕᓂᐅᑉ ᑕᒪᑐᒥᖓ ᑕᑯᑎᓚᐅᕐᐹᓯ, ᐃᓕᑦᓯᓐᓄᑦ ᖁᓚᕐᓇᖏᑦᑐᒥᒃ ᓴᖅᑭᑎᑦᓯᔪᒪᓪᓗᓂ ᐊᑕᓂᖅ ᒎᑎᐅᖕᒪᑦ ᐊᓯᐊᓂᒡᓗ ᒎᑎᑕᖃᕋᓂ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᐄᑉᕈᐃᓄᑦ 1:12

ᐅᓕᒡᔪᐊᑎᑐᑦ ᐃᒧᔪᒫᕐᐸᑎᑦ, ᑕᕝᕙ ᐊᓯᑦᔨᕐᕈᒫᕐᐳᑦ. ᐃᕝᕕᓪᓕ ᑖᓐᓇᐅᑦᓮᓐᓇᕐᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᓐᖏᓚᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:11

ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:8

“ᓯᒨᕐᓇᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐱᕗᑦ, ᓯᕗᓪᓕᕐᐹᖑᔪᒥᑦ ᑭᖑᓪᓕᕐᐹᖑᔪᒥᓪᓗ, ᑐᖁᓚᐅᕐᓗᓂ ᒪᑭᓚᐅᕐᑐᒥᑦ.

ᓴᒧᐃᓕ ᓯᕗᓪᓖᑦ 2:6

ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ; ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.