ᒨᓯᓯ ᑕᓪᓕᒪᖏᑦ 32:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᒨᓯᓯ ᑕᓪᓕᒪᖏᑦ 32:30 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᐂᑉᐸᖏᑦ 7:5

ᖃᐅᕙᓪᓕᐊᓕᕐᑎᓪᓗᒍ ᒪᑭᓐᓇᒥᒃ ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓕᕐᐳᑦ, ᑕᖕᒫᕐᓯᒪᕕᖓᓐᓄᑦ ᑎᑭᒃᑲᓗᐊᕋᒥᒃ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᓐᖏᓚᖅ.

ᑯᕉᓂᑲ ᓯᕗᓪᓖᑦ 12:14

ᑖᒃᑯᐊ ᒑᑦ ᑭᖑᕚᖏᑦ ᐅᓇᑕᕐᑐᒃᓴᓂ ᐊᖓᔪᖅᑳᕆᔭᐅᕗᑦ, ᖃᑦᓰᓐᓇᐅᓂᕐᐹᓄᑦ ᐊᖓᔪᖅᑳᖑᔪᑦ 100ᓄᑦ ᑲᒪᓪᓗᑎᒃ, ᐅᓄᕐᓂᕐᐹᓄᑦ ᐊᖓᔪᖅᑳᖑᔪᑦ 1,000ᓄᑦ ᑲᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 24:24

ᓯᕆᐊᒥᐅᑦ ᐅᓇᑕᕐᑎᖏᑦ ᐅᓄᓚᐅᓐᖏᓚᑦ, ᐊᑕᓂᐅᓪᓕ ᐅᓇᑕᕐᑐᒃᓮᑦ ᐅᓄᕐᑐᕐᔪᐊᑦ ᑖᒃᑯᓄᖓ ᓵᓚᐅᑎᓚᐅᕐᐰᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᓯᕗᓕᖏᑕ ᒎᑎᖓᓂᒃ. ᑖᒃᑯᐊᓗ ᑍᒤᓕᐅᕐᑕᐅᓂᖏᑦ ᓱᒋᐊᕐᓯᓂᐅᓚᐅᕐᐳᑦ ᔪᐊᓯᒥᒃ.

ᔫᐱᐅᑉ ᐊᒡᓚᖏᑦ 11:10

ᒎᑎᐅᑉ ᑎᒍᓗᓂᑎᑦ, ᐃᖅᑲᕐᑐᒐᒃᓴᓕᐊᕆᒃᐸᑎᑦ, ᑭᓇᒧᓪᓕ ᐊᒡᕕᐊᕐᑕᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 16:11

ᒎᑎᐅᑉ ᑐᓂᕐᕈᑎᒋᕚᖓ ᐅᒃᐱᖏᑦᑐᓄᑦ, ᐂᑦᑑᑎᒋᓪᓗᓂᖓᓗ ᐱᐅᖏᑦᑐᓕᔪᓄᑦ.

ᐃᓐᖏᕈᑎᑦ 31:8

ᐊᑭᕋᕐᑐᕐᑎᒪ ᐊᒡᒐᖏᓐᓄᑦ ᑐᓂᓚᐅᖏᓐᓇᕕᖓ: ᐃᑎᒐᒃᑲ ᐃᓕᒐᕕᒋᑦ ᐱᕕᑐᔪᒧᑦ.

ᐃᓐᖏᕈᑎᑦ 44:12

ᐃᓄᖁᑎᑎᑦ ᓂᐅᕐᕈᑎᒋᓚᐅᕐᐸᑎᑦ ᐊᑭᑭᓐᓂᕐᐹᒧᑦ, ᓂᐅᕐᕈᑎᒋᒐᓗᐊᕋᕕᒋᑦ ᑮᓇᐅᔭᓕᐅᕈᑎᒃᓴᐅᓚᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 30:17

1000 ᕿᒫᔪᒫᕐᐳᑦ ᐊᑭᕋᑦᓯ ᐅᓇᑕᕐᑎᖁᑎᖓᓂᒃ ᐊᑕᐅᓯᕐᒥᒃ ᑕᑯᒍᑎᒃ, ᑕᓪᓕᒪᓂᒃ ᑕᑯᓕᕈᑦᓯ ᐊᑕᖏᕐᓗᓯ ᕿᒫᔪᒪᕐᐳᓯ, ᐊᒥᐊᒃᑯᑕᖃᖏᓪᓗᓯ, ᓮᒻᒪᑎᐅᑉ ᓇᑉᐸᖅᑯᑎᖓᑐᑦ ᖃᖅᑲᐅᑉ ᖄᖓᓃᑦᑐᑐᑦ ᖃᖅᑲᐅᓪᓗ ᑳᖓᓂ ᖃᓕᕇᓕᕈᒫᕐᐳᓯ ᓇᓗᓁᒃᑯᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 52:3

ᐃᒫᒃ ᐊᑕᓂᖅ ᐅᖃᕐᐳᖅ: “ᓂᐅᕐᕈᑕᐅᓚᐅᕋᑦᓯ ᐊᑭᖃᕋᓯ, ᓂᐅᕕᐊᖑᓗᓯ ᐅᑎᕐᑎᑕᐅᔪᒫᕆᕗᓯ ᑮᓇᐅᔭᒨᖏᑦᑐᖅ.”

ᒨᓯᓯ ᐱᖓᔪᖏᑦ 26:7

ᐊᑭᕋᑦᓯᓐᓂᒃ ᓵᓚᖃᕐᑎᖃᑕᕐᓂᐊᕐᐸᑦᓯ.

ᒨᓯᓯ ᐱᖓᔪᖏᑦ 26:8

ᑕᓪᓕᒤᓐᓇᐅᓗᓯ ᓵᓚᖃᕈᓐᓇᕐᓂᐊᕐᐳᓯ 100ᓂᒃ ᐊᑭᕋᑦᓯᓐᓂᒃ, 100ᐅᓗᓯᓗ ᓵᓚᖃᕈᓐᓇᕐᓂᐊᕐᐳᓯ 10,000ᓂᒃ ᐊᑭᕋᑦᓯᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 18:25

ᐱᔨ ᐊᑭᓕᐅᑎᒃᓴᖃᖏᒻᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᓂᐅᕕᐊᖑᖁᓕᕐᐹ ᐱᖁᑎᑎᑐᑦ ᐱᑖᕆᔭᐅᖁᓪᓗᒍ, ᓄᓕᐊᖓᓗ ᕿᑐᕐᖓᖏᓪᓗ ᐱᖁᑎᓕᒫᖏᓪᓗ, ᐊᑭᓕᒃᓴᖏᑦ ᐊᑭᓕᕐᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᔮᓱᐊᑉ ᐊᒡᓚᖏᑦ 23:10

ᐃᓕᑦᓯᓗ ᐊᑕᐅᓯᐅᓪᓗᓯ ᐊᖑᑏᑦ 1,000ᓮᑦ ᐅᓇᑕᕈᓐᓇᓚᐅᕐᐸᓯ, ᐊᑕᓂᐅᑉ ᒎᑎᑦᓯ ᐅᓇᑕᕈᑎᖃᑦᑕᓚᐅᕐᒪᓯ, ᑍᒫᒃ ᐃᓕᑦᓯᓐᓄᑦ ᐊᖏᕈᑎᖃᕐᓯᒪᒐᒥ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.

ᓴᒧᐃᓕ ᓯᕗᓪᓖᑦ 2:2

ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ; ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.