ᒨᓯᓯ ᑕᓪᓕᒪᖏᑦ 32:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᒨᓯᓯ ᑕᓪᓕᒪᖏᑦ 32:25 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 7:15

“ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:5

ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:4

ᓄᑕᕋᓛᑦ ᐅᖃᖏᑦ ᕿᓚᖕᒥᖕᓄᑦ ᓂᐱᓐᖓᓕᕐᐳᑦ ᐃᒥᕈᖕᓂᕐᒧᑦ, ᕿᑐᕐᖓᖏᑦ ᑐᒃᓯᕋᕋᓗᐊᕐᐳᑦ ᓂᕿᒃᓴᒥᒃ ᑐᓂᔭᐅᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 9:21

ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᐊᑕᓃᑦ ᐂᑉᐸᖏᑦ 7:5

ᖃᐅᕙᓪᓕᐊᓕᕐᑎᓪᓗᒍ ᒪᑭᓐᓇᒥᒃ ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓕᕐᐳᑦ, ᑕᖕᒫᕐᓯᒪᕕᖓᓐᓄᑦ ᑎᑭᒃᑲᓗᐊᕋᒥᒃ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 44:7

“ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓱᒪᓚᐅᕆᑦᓯ ᖃᓄᐃᒻᒪᑦ ᐃᓕᑦᓯᓐᓂᒃ ᐱᐅᖏᑦᑐᓕᐅᕐᑎᒻᒪᖔᑦᓯ, ᐊᖑᑎᑦ ᐊᕐᓁᓪᓗ ᓱᕈᓰᓪᓗ ᓄᑕᕋᑯᓗᐃᓪᓗ ᐊᓯᕈᕐᑕᐅᖁᒐᑦᓯᐅᒃ ᐊᒥᐊᒃᑯᖃᕈᒪᔪᓐᓃᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᕼᐆᓯᐊᑉ ᐊᒡᓚᖏᑦ 9:16

ᐃᕗᕅᑎ ᓱᒋᐊᕐᑕᐅᕗᖅ, ᐊᒫᖏᑦ ᐸᓂᕐᒪᑕ, ᐱᕈᕐᕕᐅᓂᐊᕈᓐᓁᕐᐳᖅ. ᕿᑐᕐᖓᕐᑖᕋᓗᐊᕐᐸᑕ, ᓇᒡᓕᒋᒻᒪᕆᒃᑕᖏᑦ ᑐᖁᓐᓂᐊᕐᐸᒃᑲ.”

ᕼᐆᓯᐊᑉ ᐊᒡᓚᖏᑦ 11:6

ᐃᒡᓗᒐᓴᖏᑦ ᓴᕕᒡᔪᐊᒧᑦ ᐊᕕᒃᑐᕐᑕᐅᔪᒫᕐᐳᑦ, ᐃᑎᕐᑕᕐᕕᖏᑕᓗ ᓴᓐᓂᕈᐊᖏᑦ ᐊᓯᕈᕐᓗᒋᑦ ᓄᖑᑦᓱᒫᕐᐰᑦ, ᓂᕆᔭᐅᔪᒫᕐᐳᓪᓗ ᐱᐅᓇᓱᒋᔭᒥᒍᑦ ᐱᓇᓱᐊᕐᐸᒃᑕᒥᖕᓄᑦ.

ᒤᑲᐅᑉ ᐊᒡᓚᖏᑦ 6:14

ᓂᕆᒐᓗᐊᕈᑦᓯ ᐊᕿᐊᑦᑐᕈᓐᓁᓪᓕᓂᐊᕐᐳᓯ, ᑳᖏᓐᓇᓕᕐᓗᓯ ᐊᕿᐊᕈᓯ ᓂᒪᑐᐃᓐᓇᓕᕐᓗᓂ; ᐱᖁᑎᓪᓗ ᑲᑎᕐᓱᕐᑕᕋᓗᐊᓯ ᐊᓯᐅᔨᕙᓪᓕᐊᓗᒋᑦ, ᐱᐅᓕᐊᕋᓗᐊᓯᓗ ᐊᑭᕋᑦᓯᓐᓄᑦ ᐱᔭᐅᔪᒫᕐᐳᑦ.