ᒨᓯᓯ ᑕᓪᓕᒪᖏᑦ 32:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 32:18 ပူးပေါင်းရင်းမြစ်များ

ᐃᓐᖏᕈᑎᑦ 106:21

ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 9:17

ᐱᐅᖏᑦᑐᓕᔪᑦ ᓵᑎᑕᐅᔪᒫᕐᐳᑦ ᑲᑉᐱᐊᓇᕐᑐᕕᖕᒧᑦ, ᑕᒪᕐᒥᓕᒫᕐᓗ ᐃᓅᖃᑎᒌᒡᔪᐊᑦ ᒎᑎᒥᒃ ᐳᐃᒍᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 3:21

ᕿᐊᕙᓗᖕᓂᒃ ᑐᓴᕐᓴᐅᔪᖃᕐᐳᖅ ᐱᖑᐃᑦ ᖄᖏᓐᓂ ᓇᐹᕐᑐᖃᖏᓐᓂᕐᒥ. ᑖᒃᑯᐊᖑᕗᑦ ᐃᓴᕆᐊᓕᒥᐅᑦ ᕿᐊᓂᖏᑦ ᕿᓄᓂᖏᓪᓗ ᓈᒻᒪᖏᑦᑐᓕᓚᐅᕐᓂᕐᒥᖕᓄᑦ ᐊᑕᓂᕐᒥᒡᓗ ᒎᑎᒥᖕᓂᒃ ᐳᐃᒍᓚᐅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 8:14

“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 8:19

ᐊᑕᓂᕐᒥᒃ ᒎᑎᖕᓂᒃ ᐳᐃᒍᕐᑐᒃᓴᐅᓐᖏᓚᑎᑦ ᐊᓯᐊᓂᒡᓘᓐᓂᑦ ᑐᒃᓯᐊᕐᕕᖃᖃᑦᑕᓕᕐᓗᑎᑦ ᐱᔨᑦᓯᓕᕐᓗᑎᓪᓗ ᐱᔪᒃᓴᐅᓐᖏᓚᑎᑦ. ᑍᒤᓐᓂᐊᕈᕕᑦ, ᓯᕘᕋᒋᔭᒃᓴᕐᓂᒃ ᐅᓪᓗᒥ ᐅᖃᐅᑎᕙᒋᑦ ᖁᓚᕐᓇᖏᑦᓯᐊᕐᑐᒥᒃ ᓄᖑᑕᐅᓪᓚᕆᒍᒫᕐᐳᑎᑦ.

ᓴᒧᐃᓕ ᓯᕗᓪᓖᑦ 12:9

ᑭᓯᐊᓂᓕ ᐃᓄᐃᑦ ᐳᐃᒍᓚᐅᕐᐳᑦ ᐊᑕᓂᕐᒥᖕᓂᒃ ᒎᑎᒥᒃ; ᑍᒤᒻᒪᑦ ᐱᓕᔅᑍᓂᒥᐅᑦ ᐱᔪᓐᓇᕐᑎᓚᐅᕐᐰᑦ ᐊᖓᔪᖅᑳᕐᔪᐊᕐᓗ ᒧᐊᐱᒥᐅᑕᖅ ᓯᓰᕋᒥᐅᑕᒧᓪᓗ, ᕼᐂᔭᒧᓪᓗ ᐅᓇᑕᕐᑏᑦ ᐊᖓᔪᖅᑳᖓᓐᓄᑦ ᐅᓇᑕᕆᐊᕐᑕᐅᑎᓚᐅᕐᐰᑦ; ᓯᕗᓕᓯᓗ ᓵᓚᐅᓚᐅᕐᐳᑦ ᑖᒃᑯᓄᖓ.