15 ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.
ᐊᑕᓂᖅ ᐃᓅᕗᖅ; ᓂᕐᑐᕐᑕᐅᓕ ᓴᐳᑦᔨᔨᒐ! ᐊᖏᔪᕈᕐᑎᑕᐅᓕ ᒎᑎᒐ, ᐱᐅᓕᔭᐅᓂᕐᒪ ᕾᕐᑐᖓ!
ᐱᐅᖏᑦᑐᓕᓚᐅᕐᐳᓪᓕ ᓯᕗᓕᖏᑕ ᒎᑎᖓᓄᑦ, ᐊᓯᓐᓂᐊᓚᐅᕐᒪᑕ ᓄᓇᓖᑦ ᒎᑎᓐᖑᐊᖏᓐᓄᑦ, ᒎᑎᐅᑉ ᐊᓯᕈᓚᐅᕐᑕᖏᓐᓄᑦ ᓯᕗᓂᖓᓂ.
ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.
ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.
ᐃᓄᖁᑎᑎᓪᓗ ᐃᒡᓗᒐᓴᖕᓂᒃ ᓴᐴᓗᑕᕐᔪᐊᓕᖕᓂᒃ ᓵᓚᖃᓚᐅᕐᐳᑦ, ᓄᓇᒥᒡᓗ ᐱᕈᕐᑐᓕᖕᒥᒃ, ᐃᒡᓗᓂᒡᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐃᒥᕐᑕᕐᕖᓪᓗ ᐃᑎᕐᓴᓕᐅᕇᕐᓯᒪᔪᑦ, ᓇᐹᕐᑐᓂᒡᓗ ᐅᕐᓱᒃᓴᓕᖕᓂᒃ, ᐱᕈᕐᑐᓕᖕᓂᒡᓗ, ᕔᓂᒃᓴᓕᖕᓂᒡᓗ ᑐᓂᓚᐅᕐᐸᑎᑦ, ᓂᕆᔪᒪᔭᓕᒫᒥᓂᒡᓗ ᓂᕆᓚᐅᕐᐳᑦ ᖁᐃᒃᓯᓪᓗᑎᒡᓗ; ᖁᕕᐊᓲᑎᖃᓚᐅᕐᐳᓪᓗ ᐱᐅᔪᓂᒃ ᑐᓂᔭᕐᓂᒃ ᑖᒃᑯᓄᖓ.
ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.
ᑍᒤᑦᑑᑉ ᑮᓇᓂ ᖁᐃᓂᓂᕐᒧᑦ ᐅᓕᒃᑕᐅᑎᓯᒪᕚ, ᑎᒥᓂᓗ ᐅᕐᓱᒧᑦ ᐅᓕᒃᓯᒪᔭᐅᑎᓪᓗᒍ.
ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.
ᐆᒻᒪᑎᖏᑦ ᐅᕐᓱᑎᑐᑦ ᑭᓂᕆᓂᑯᑎᑐᑦ ᑍᒤᑉᐳᑦ; ᐅᕙᖓᓕ ᐱᖁᔭᑎᑦ ᖁᕕᐊᓲᑎᒋᕙᒃᑲ.
ᐆᒻᒪᑎᑎᒃ ᓯᑎᔪᑦ ᒪᑐᕔᑦ ᓇᒡᓕᒍᓱᒍᒪᓇᑎᒃ, ᖃᓂᖏᓪᓗ ᓂᓪᓕᐊᕗᑦ ᐱᐅᔪᕆᓂᕐᒥᒃ.
ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.
ᐊᔪᕐᓴᖏᓐᓂᕐᒧᑦ ᑮᓇᖏᑦ ᐳᕕᑦᑐᑐᑦ ᑍᒤᑉᐳᑦ, ᐆᒻᒪᑎᒥᒍᑦ ᐱᔪᒪᔭᖏᑕ ᐅᖓᑖᓂ ᐱᖃᕐᐳᑦ.
ᐃᓄᖁᑎᒪᓕ ᓂᐱᒐ ᓈᓚᓐᖏᓛᑦ; ᐃᓴᕆᐊᓕᑎᑦ ᐅᕙᓐᓂᒃ ᑲᒪᔪᒪᓐᖏᓚᑦ.
ᑖᑦᓱᒪ ᓂᓪᓕᐊᕕᒋᔪᒫᕐᐹᖓ, ‘ᐊᑖᑕᒋᕙᒋᑦ, ᒎᑎᒋᕙᒋᑦ, ᐱᐅᓕᔭᐅᓂᕐᒪᓗ ᕾᕐᑐᕆᕚᑎᑦ.’
ᐅᕙᖓᓗ ᐃᕐᓂᐊᖑᖅᑳᕐᑐᓐᖑᕐᑎᑦᓱᒪᕙᕋ, ᐊᖓᔪᖅᑲᐅᓂᕐᐸᐅᓗᓂᓗ ᐊᖓᔪᖅᑳᕐᔪᐊᓂᑦ ᓄᓇᕐᔪᐊᒥ.
ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!
“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.
ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.
ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.
ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”
ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.
ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.
ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.
ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.
“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.
ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.
ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.
“ᑐᓂᕐᕈᓯᕐᑎᓯᔩᑦ ᐅᓄᕐᓂᕐᓴᐅᓕᑐᐊᕐᒪᑕ, ᐊᔪᕐᑐᓕᓂᖏᑦ ᐅᕙᓐᓄᑦ ᐊᖏᓂᕐᓴᐅᕗᑦ; ᑍᒤᒻᒪᑦ ᐅᐱᓐᓇᕐᓂᓯ ᑲᓐᖑᓇᕐᓯᑎᓐᓂᐊᕐᐸᕋ.
ᐃᓄᐃᑦ ᐅᑯᐊ ᐃᓱᒪᖏᑦ ᓯᑎᔪᐊᓘᓕᕐᒪᑕ, ᓯᐅᑎᖏᓪᓗ ᑐᓵᑦᓯᐊᖏᑦᑐᐊᓘᓕᕐᓗᑎᒃ, ᐃᔨᖏᓪᓗ ᓯᑯᓐᖏᖓᓪᓗᑎᒃ; ᑍᒤᖏᒃᑯᑎᒃ ᑕᑯᓂᐅᓴᒐᒥᒃ, ᓯᐅᑎᒥᖕᓄᓪᓗ ᑐᓵᓕᕋᔭᕋᒥᒃ, ᐆᒻᒪᑎᒥᒃᑎᒍᓪᓗ ᑐᑭᓯᐊᓕᕐᓗᑎᒃ, ᐅᕙᓐᓄᓪᓗ ᓵᒋᐊᕋᔭᕐᐳᑦ ᐅᕙᖓᓗ ᐋᖅᑭᒃᑲᔭᕋᒃᑭᑦ.’
ᓴᐅᓗᓯᐅᑉ ᐊᐱᕆᕚ, “ᐊᑕᓃᖅ ᑭᓇᐅᕕᑦ?” ᓂᐱᒧᑦ ᐅᖃᐅᑦᔭᐅᕗᖅ, “ᔩᓱᓯᐅᕗᖓ ᐊᑭᕋᕐᑐᕐᑍᑦ;
ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.
ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,
ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.
ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?
“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.
ᐊᑕᓂᖅ ᐊᖓᔪᖅᑳᕐᔪᐊᕈᓚᐅᕐᐳᖅ ᔨᓱᕋᓐᒥ, ᐃᓄᐃᑦ ᐊᖓᔪᖅᑳᖏᑦ ᑲᑎᒪᑎᓪᓗᒋᑦ. ᐃᓴᕆᐊᓕᒥᐅᑦ ᑭᖑᕚᖑᖃᑎᒌᓕᒫᑦ ᑲᑎᒪᑎᓪᓗᒋᑦ.
ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.
ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’