ᒨᓯᓯ ᑕᓪᓕᒪᖏᑦ 32:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 32:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:8

ᓰᓯᓕᐊᕆᓯᒪᔪᒥᒡᓗ ᐱᕗᖅ, ᐃᒻᒧᖕᒥᒡᓗᑦᑕᐅᖅ, ᐃᒻᒧᒃᓯᐅᒐᐅᓪᓗ ᓄᕐᕋᖓ ᐃᒐᔭᐅᕋᑖᕐᑐᖅ, ᑖᒃᑯᐊᓗ ᒪᓂᕔᑦ ᑖᒃᑯᓄᖓ; ᓇᐹᕐᑑᓪᓗ ᐊᑖᓂ ᓇᖕᒥᓂᖅ ᐱᔨᑦᓯᕋᕐᐰᑦ, ᑖᒃᑯᐊᓗ ᓂᕆᑎᓪᓗᒋᑦ.

ᒨᓯᓯ ᓯᕗᓪᓖᑦ 49:11

ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᓴᒧᐃᓕ ᐂᑉᐸᖏᑦ 17:29

ᕼᐊᓂᓂᒡᓗ, ᓰᐱᓂᒡᓗ ᓰᓯᓂᒡᓗ, ᓂᕿᓂᒡᓗ ᐆᒪᔪᖁᑎᖏᓐᓂᑦ ᐱᔪᓂᒃ, ᑍᕕᑎᒃᑯᑦ ᐃᓚᖏᑕᓗ ᓂᕆᔭᒃᓴᖏᓐᓂᒃ; ᖃᐅᔨᒪᓚᐅᕋᒥᒃ ᑍᕕᑎᒃᑯᑦ ᐃᓚᖏᓪᓗ ᑳᒐᔭᕐᓂᖏᓐᓂᒃ ᑕᖃᓯᒪᓗᑎᒡᓗ ᐃᒥᕈᒃᑲᔭᕐᓂᖏᓐᓂᒡᓗ ᐃᓄᖃᔪᐃᑦᑐᒥᓐᖔᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:25

ᐃᓄᖁᑎᑎᓪᓗ ᐃᒡᓗᒐᓴᖕᓂᒃ ᓴᐴᓗᑕᕐᔪᐊᓕᖕᓂᒃ ᓵᓚᖃᓚᐅᕐᐳᑦ, ᓄᓇᒥᒡᓗ ᐱᕈᕐᑐᓕᖕᒥᒃ, ᐃᒡᓗᓂᒡᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐃᒥᕐᑕᕐᕖᓪᓗ ᐃᑎᕐᓴᓕᐅᕇᕐᓯᒪᔪᑦ, ᓇᐹᕐᑐᓂᒡᓗ ᐅᕐᓱᒃᓴᓕᖕᓂᒃ, ᐱᕈᕐᑐᓕᖕᓂᒡᓗ, ᕔᓂᒃᓴᓕᖕᓂᒡᓗ ᑐᓂᓚᐅᕐᐸᑎᑦ, ᓂᕆᔪᒪᔭᓕᒫᒥᓂᒡᓗ ᓂᕆᓚᐅᕐᐳᑦ ᖁᐃᒃᓯᓪᓗᑎᒡᓗ; ᖁᕕᐊᓲᑎᖃᓚᐅᕐᐳᓪᓗ ᐱᐅᔪᓂᒃ ᑐᓂᔭᕐᓂᒃ ᑖᒃᑯᓄᖓ.

ᓂᕼᐃᒤᐊᐅᑉ ᐊᒡᓚᖏᑦ 9:26

ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.

ᔫᐱᐅᑉ ᐊᒡᓚᖏᑦ 20:17

ᑰᖕᓂᒃ ᑕᑯᔪᓐᓇᕐᓯᓂᐊᓐᖏᓚᖅ, ᖄᒥᑉᐸᓪᓕᐊᔪᒥᒃ ᑰᒐᓛᓂᒃ, ᕼᐊᓂᓂᒃ ᐃᒻᒧᖕᓂᒡᓗ.

ᔫᐱᐅᑉ ᐊᒡᓚᖏᑦ 29:6

ᐆᒪᔪᖁᑎᒃᑲ ᐃᒻᒧᓕᐅᑦᓯᐊᕐᐸᓚᐅᕐᐳᑦ ᐊᒥᒐᖏᑦᑐᒥᒃ, ᓇᐹᕐᑐᖁᑎᒃᑲᓗ ᐅᕐᓱᒃᓴᓂᒃ ᐱᕈᕐᑎᑦᓯᑦᓯᐊᖃᑦᑕᓚᐅᕐᐳᑦ!

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐃᓐᖏᕈᑎᑦ 22:12

ᐃᒻᒧᒃᓯᐅᒊᑦ ᐊᖑᓴᓪᓗᖏᑕ ᐊᕙᓗᓯᒪᕚᖓ; ᐊᖑᓴᓪᓗᐃᑦ ᓴᓐᖏᔪᑦ ᐹᓴᓂᒥᐅᑦ ᐊᕙᑎᓐᓃᑉᐳᑦ.

ᐃᓐᖏᕈᑎᑦ 81:16

ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 7:15

ᐃᒻᒧᖕᒥᒃ ᕼᐊᓂᒥᒡᓗ ᓂᕿᖃᕈᒫᕐᐳᖅ, ᓇᖕᒥᓂᕐᓱᕐᓗᓂ ᐊᑐᕆᐊᖃᕐᑕᒥᓂᒃ ᓂᕈᐊᕈᓐᓇᓕᕈᓂ ᐱᐅᖏᑦᑐᖅ ᓇᕐᕈᒋᔪᒫᕐᐹ ᐱᐅᔪᕐᓕ ᓂᕈᐊᖔᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 7:22

ᐃᒻᒧᖃᓗᐊᕐᓂᖏᓐᓄᑦ ᐃᒻᒧᖁᑎᖃᓗᐊᒻᒪᕆᒍᒫᕐᐳᖅ, ᓂᕿᖃᕈᒫᕐᓗᓂᓗ ᓰᓯᓕᐊᕆᓯᒪᔪᒥᒃ, ᐊᒥᐊᒃᑯᑑᔪᓪᓗ ᓄᓇᒥᖕᓂ ᓂᕿᒃᓴᖃᕈᒫᕐᐳᑦ ᓰᓯᓕᐊᕆᓯᒪᔪᒥᒃ ᕼᐊᓂᒥᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 39:18

ᓂᕆᔪᒃᓴᐅᕗᓯ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᐃᒥᕐᓗᓯᓗ ᓄᓇᒥ ᐊᖓᔪᖅᑳᕐᔪᐊᑦ ᐊᐅᖏᓐᓂᒃ, ᓰᐲᑦ ᐊᖑᓴᓪᓗᖏᑎᑐᑦ, ᓄᕐᕋᐅᔭᕐᑎᑐᓪᓗ, ᒎᑦᓯᑎᑐᑦ, ᐊᖑᓴᓪᓗᕐᑎᑐᓪᓗ, ᖁᐃᒃᓯᑦᓯᐊᕆᔭᐅᓯᒪᔪᑎᑐᑦ ᐹᓴᓂᒥ.

ᕼᐆᓯᐊᑉ ᐊᒡᓚᖏᑦ 11:4

ᓄᓱᓚᐅᕐᐸᒃᑲ ᐊᒃᓱᓈᖃᕐᑎᓪᓗᒍ ᐃᓚᑦᓱᒍᓱᖕᓂᕐᒥᒃ, ᓇᒡᓕᖕᓂᕐᒧᑦ ᕿᓚᒃᓯᒪᔪᒧᑦ, ᑖᒃᑯᓄᖓᓗ ᐅᓂᐅᑕᖏᓐᓂᒃ ᐊᒡᓕᕈᖏᓐᓂᑦ ᐲᕐᓯᔪᑐᑦ ᑍᒤᓚᐅᕐᐳᖓ, ᐅᑯᓪᓗᖓᓗ ᑖᒃᑯᓄᖓ ᓂᕆᑎᓚᐅᕐᐸᒃᑲ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᒨᓯᓯ ᓯᑕᒪᖏᑦ 18:12

“ᐅᕐᓱᐃᑦ ᐱᐅᓂᕐᐹᑦ ᑕᒪᕐᒥᒃ, ᕔᓃᓪᓗ ᐱᐅᓂᕐᐹᑦ ᓂᐊᖂᔭᒃᓮᓪᓗ ᑕᒪᕐᒥᒃ, ᐱᕈᕐᑎᑕᐅᔪᑦ ᓯᕗᓪᓕᕐᐹᑦ ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᓕᖕᓄᑦ ᑐᓂᕙᒃᑲ.

ᒨᓯᓯ ᑕᓪᓕᒪᖏᑦ 28:47

ᐊᑕᓂᐅᑉ ᓮᒻᒪᕐᑎᓯᒪᓚᐅᕐᒪᓯ ᑕᒤᑎᒍᑦᓯᐊᖅ, ᐱᔨᑦᓯᓚᐅᓐᖏᓚᓯᓕ ᖁᕕᐊᓱᖕᓂᕐᒧᑦ ᐊᓕᐊᓁᒍᓱᖕᓂᕐᒧᓪᓗ ᐆᒻᒪᑎᒃᑯᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:20

ᐸᐅᕐᒊᓪᓗ ᖃᒐᕐᑎᑕᐅᕗᑦ ᐃᑦᑏᔭᕐᑕᐅᕕᖕᒥ ᐃᒡᓗᒐᓮᑦ ᓯᓚᑖᓂ, ᐊᐅᒡᓗ ᑰᓕᕐᐳᖅ ᐸᐅᕐᖎᑦ ᐃᑦᑏᔭᕐᑕᐅᕕᖓᓂᑦ, ᐃᒪᕈᕐᑎᑦᓯᓂᖓᓗ ᑕᑭᓂᖃᕐᐳᖅ 200ᒤᓕᓂᒃ, ᐃᑎᓂᖃᕐᓗᓂᓗ ᐃᑎᒊᑦ ᑕᓪᓕᒪᑦ ᖃᓂᒋᔮᓂ.

ᐃᓗᐊᕐᓮᔩᑦ ᐊᒡᓚᖏᑦ 5:25

ᓯᓰᕋ ᐃᒥᕐᑎᑕᐅᔪᒪᑎᓪᓗᒍ, ᐃᒻᒧᖕᒥᒃ ᐃᒥᕐᑎᓚᐅᕐᑕᖓ. ᐴᒍᑕᑦᓯᐊᒧᑦ ᐃᒻᒧᖕᒥᒃ ᐂᑦᑐᓚᐅᕐᑕᖓ.