ᒨᓯᓯ ᑕᓪᓕᒪᖏᑦ 32:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᑕᓪᓕᒪᖏᑦ 32:13 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 58:14

ᑕᕝᕙ ᐊᑕᓂᖅ ᖁᕕᐊᒋᓕᕐᓂᐊᕐᐸᓯ, ᐃᖏᕐᕋᑎᑦᓱᒫᕐᐸᑦᓯᓗ ᓄᓇᐅᑉ ᐳᕐᑐᓂᕐᐹᖏᑎᒍᑦ; ᓂᕆᑎᑦᓱᒫᕐᓗᓯᓗ ᓯᕗᓕᕕᓂᓯ ᔧᑰᑉ ᓂᕿᒋᕙᓚᐅᕐᑕᖏᓐᓂᒃ, ᐊᑕᓂᐅᑉ ᖃᓂᖓ ᑍᒫᒃ ᐅᖃᕐᐳᖅ.”

ᔫᐱᐅᑉ ᐊᒡᓚᖏᑦ 29:6

ᐆᒪᔪᖁᑎᒃᑲ ᐃᒻᒧᓕᐅᑦᓯᐊᕐᐸᓚᐅᕐᐳᑦ ᐊᒥᒐᖏᑦᑐᒥᒃ, ᓇᐹᕐᑐᖁᑎᒃᑲᓗ ᐅᕐᓱᒃᓴᓂᒃ ᐱᕈᕐᑎᑦᓯᑦᓯᐊᖃᑦᑕᓚᐅᕐᐳᑦ!

ᐃᓐᖏᕈᑎᑦ 81:16

ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 36:2

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᖃᐅᓯᖃᓚᐅᕐᐳᑦ, ‘ᐋᕼᐊ! ᓄᓇᖓᑕ ᖃᖅᑲᑐᖃᖏᑦ ᐱᑖᕆᕙᕗᑦ.’

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:17

ᐸᑦᑕᒃᑐᖃᑕᐅᔪᒫᕆᕗᖓ, ᓂᓐᖓᐅᒪᓂᕋᓗ ᑕᕝᕙ ᐊᓂᒍᕈᒫᕐᐳᖅ; ᐅᕙᖓ ᐊᑕᓂᐅᔪᖓ ᑍᒫᒃ ᐅᖃᕐᐳᖓ.”

ᒨᓯᓯ ᑕᓪᓕᒪᖏᑦ 8:8

ᓄᓇᒧᑦ ᓂᐊᖂᔭᒃᓴᖃᕐᑐᒧᑦ ᖃᑯᕐᑕᓂᒃ ᑲᔪᕐᓂᒡᓗ, ᕔᓂᒃᓴᓕᖕᒧᑦ ᐱᒋᓕᒃᓴᓂᒡᓗ ᓇᐹᕐᑐᓕᖕᒧᑦ, ᐳᒥᕐᒍᓁᑎᓂᒡᓗ, ᓇᐹᕐᑐᓕᖕᓄᓪᓗ ᐅᕐᓱᒃᓴᓕᖕᓂᒃ, ᐃᒍᑦᑕᐅᓪᓗ ᓰᕐᓇᐅᑎᖏᓐᓂᒃ ᐱᑕᖃᕐᑐᒧᑦ.

ᒨᓯᓯ ᑕᓪᓕᒪᖏᑦ 8:15

ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.

ᓴᒧᐃᓕ ᐂᑉᐸᖏᑦ 22:34

ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᑉᐰᑦ; ᖁᐃᑦᓵᖏᑦᓯᐊᕐᑎᓪᓗᖓ ᖃᖅᑲᐅᑉ ᖄᖏᓐᓂ ᐳᕐᑐᔪᓂ.

ᔫᐱᐅᑉ ᐊᒡᓚᖏᑦ 20:17

ᑰᖕᓂᒃ ᑕᑯᔪᓐᓇᕐᓯᓂᐊᓐᖏᓚᖅ, ᖄᒥᑉᐸᓪᓕᐊᔪᒥᒃ ᑰᒐᓛᓂᒃ, ᕼᐊᓂᓂᒃ ᐃᒻᒧᖕᓂᒡᓗ.

ᐃᓐᖏᕈᑎᑦ 18:33

ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᑉᐰᑦ, ᐃᓂᖃᕐᑎᑉᐹᖓᓗ ᖁᑦᓯᒃᑐᓂ.

ᕼᐆᓯᐊᑉ ᐊᒡᓚᖏᑦ 13:6

ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.

ᒨᓯᓯ ᑕᓪᓕᒪᖏᑦ 28:47

ᐊᑕᓂᐅᑉ ᓮᒻᒪᕐᑎᓯᒪᓚᐅᕐᒪᓯ ᑕᒤᑎᒍᑦᓯᐊᖅ, ᐱᔨᑦᓯᓚᐅᓐᖏᓚᓯᓕ ᖁᕕᐊᓱᖕᓂᕐᒧᑦ ᐊᓕᐊᓁᒍᓱᖕᓂᕐᒧᓪᓗ ᐆᒻᒪᑎᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 16:13

ᑍᒫᒃ ᐱᐅᓴᐅᓯᕐᓯᒪᓚᐅᕐᐳᑎᑦ ᒎᓗᓂᒃ ᓯᐅᓪᕕᕆᓂᒡᓗ; ᐊᓄᕌᖃᕐᓗᑎᓪᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐱᐊᒃᑐᒥᒡᓗ, ᑕᕐᓯᕐᑐᕐᓯᒪᔪᒥᒡᓗ; ᓂᐊᖂᔭᒃᓴᑦᓯᐊᕙᐅᓂᕐᐹᓂᒡᓗ ᓂᐊᖂᔭᕐᑐᕐᐸᒡᓗᑎᑦ ᕼᐊᓂᑐᕐᐸᒡᓱᑎᑦ ᐸᐅᕐᖎᓪᓗ ᐅᕐᓱᖓᓂᒃ ᓂᕆᕙᒃᓱᑎᑦ. ᑕᑯᒥᓇᕐᓯᑦᓯᐊᓚᐅᕐᐳᑎᑦ, ᐊᖓᔪᖅᑳᕐᔪᐊᑎᑐᑦ ᐊᒡᓛᑦ ᑍᒤᓕᕐᓱᑎᑦ.