5 ᐊᑕᓂᐅᓪᓗ ᓵᓚᖃᕐᑎᑦᓱᒫᕐᐹᓯ ᑖᒃᑯᓂᖓ, ᐱᓇᓱᐊᕐᕕᒋᔭᒃᓴᕆᕙᓯᓗ ᐱᖁᔨᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᒪᓕᑦᓯᐊᕐᓗᒋᑦ.
ᐊᑕᓂᐅᑉ ᐃᓄᐃᑦ ᑖᒃᑯᐊ ᓄᖑᓐᓂᐊᕐᐰᑦ, ᑍᒫᑦᓮᓐᓇᖅ ᓵᓚᒋᓚᐅᕐᒪᒋᒃ ᐊᖓᔪᖅᑳᕐᔪᐊᒃ ᓮᕼᐆᓂ ᐊᒻᒪᓗ ᐋᒡ ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖏᒃ, ᓄᓇᒋᔭᖏᒡᓗ, ᑖᒃᑯᐊᒡᓗ.
ᓯᕘᕋᒋᔭᒃᓴᕆᓐᖏᓚᓯ; ᐃᖅᑲᐅᒪᔪᒃᓴᐅᕗᓯᓕ ᐊᑕᓂᖅ ᒎᑎᒋᔭᓯ ᖃᓄᖅ ᐱᓇᓱᐊᓚᐅᕐᒪᖔᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐰᕉᒧᑦ ᐄᑦᔨᑉᑎᒥᐅᓕᒫᓄᓪᓗ,
ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.
ᐊᑕᓂᐅᑉ ᐱᔨᓂ ᒨᓯᓯ ᑎᓕᓚᐅᕐᒪᒍ, ᑍᒤᒻᒪᑦ ᒨᓯᓯᐅᑉ ᔮᓱᐊ ᑎᓕᓚᐅᕐᐹ, ᔮᓱᐊᓪᓗ ᓈᓚᒃᓗᒋᑦ ᐱᓇᓱᐊᓚᐅᕐᐳᖅ; ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᑦ ᒨᓯᓯᒧᑦ ᐱᓇᓱᐊᕐᑍᓐᓇᕆᓚᐅᕐᐰᑦ.