ᒨᓯᓯ ᑕᓪᓕᒪᖏᑦ 31:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 31:17 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:57

ᐊᑕᓂᐅᑉ ᒎᑎᑦᑕ ᐃᓚᒋᓕᑎᒍᑦ, ᑍᒫᑦᓮᓐᓇᖅ ᓯᕗᓕᕕᓂᑦᑎᓐᓂᒃ ᐃᓚᐅᖃᓚᐅᕐᓂᕐᒥᑐᑦ, ᑖᑦᓱᒪ ᕿᒪᒃᑍᓕᓛᑎᒍᑦ ᖁᔭᓈᕐᑍᓕᓗᑕᓗ;

ᐊᑕᓃᑦ ᐂᑉᐸᖏᑦ 22:13

“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 21:10

ᑍᒤᒻᒪᑦ ᐄᑐᒥᐅᑦ ᔫᑕᒧᑦ ᐊᐅᓚᑕᐅᓂᕐᒥᖕᓂᒃ ᐊᑭᕋᕐᑐᐃᓐᓇᓕᕐᐳᑦ ᐅᓪᓗᒥᒧᑦ ᑎᑭᓪᓗᒍ. ᑍᑦᓱᒪᓂᐅᑎᓪᓗᒍᑦᑕᐅᖅ ᓄᓇᓕᒃ ᓕᑉᓇ ᐊᑭᕋᕐᑐᓕᓚᐅᕆᕗᖅ ᐊᐅᓚᑕᐅᓂᕐᒥᓂᒃ, ᔨᕼᐅᕌᒻ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᕿᒤᓯᒪᓂᖓᓂᒃ ᐱᑦᔪᑎᖃᕐᓗᑎᒃ.

ᑯᕉᓂᑲ ᐂᑉᐸᖏᑦ 24:20

ᑕᕝᕙ ᒎᑎᐅᑉ ᐊᓂᕐᓂᖓ ᐃᑎᕐᐳᖅ ᓴᑲᕅᐊᒧᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐃᕐᓂᖓᓄᑦ ᐊᐅᓚᓕᕐᓗᒍ; ᓂᑯᕕᑉᐳᕐᓗ ᐳᕐᑐᓂᕐᓴᒧᑦ, ᐃᓄᐃᓪᓗ ᐅᖃᐅᑎᓪᓗᒋᑦ, “ᒎᑎ ᐃᒫᒃ ᐅᖃᕐᐳᖅ, ‘ᓱᖕᒪᑦ ᐊᑕᓂᐅᑉ ᐱᖁᔭᖏᓐᓂᒃ ᓈᓚᓐᖏᓚᓯ? ᐃᓕᑦᓯᓐᓂᒃ ᐱᔪᓐᓇᕐᓯᕙᓪᓕᐊᑎᖏᓐᓇᑦᓯ, ᐊᑕᓂᕐᒥᒃ ᕿᒤᓚᐅᕋᑦᓯ, ᑕᕝᕙ ᑖᑦᓱᒪ ᕿᒪᓚᐅᕆᕚᓯ.’”

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᔫᐱᐅᑉ ᐊᒡᓚᖏᑦ 13:24

ᓱᖕᒪᑦ ᑮᓁᑦ ᐅᕙᓐᓄᑦ ᐃᔨᕐᓯᒪᕕᐅᒃ? ᓱᖕᒪᓪᓗ ᐊᑭᕋᕐᑎᑐᑦ ᐱᓇᓱᐊᕐᕕᒋᕕᖓ?

ᔫᐱᐅᑉ ᐊᒡᓚᖏᑦ 34:11

ᑖᑦᓱᒪ ᐃᓄᒃ ᐱᓂᐊᕐᓂᖓ ᒪᓕᒡᓗᒍ ᐊᑭᓕᖃᑦᑕᕐᐹ, ᐱᓇᓱᐊᕐᕕᒋᖃᑦᑕᕐᐹᓗ ᐃᓅᓯᖓ ᒪᓕᒡᓗᒍ.

ᐃᓐᖏᕈᑎᑦ 104:29

ᑮᓁᑦ ᑕᓕᑎᑐᐊᕋᕕᐅᒃ, ᑕᕝᕙ ᑲᑉᐱᐊᓱᓕᕐᐳᑦ; ᐊᓂᕐᓂᖏᑦ ᑎᒍᑐᐊᕋᕕᒋᑦ, ᑕᕝᕙ ᑐᖁᕗᑦ ᐅᑎᕐᓗᑎᒡᓗ ᓄᓇᒧᑦ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 27:9

ᑮᓁᑦ ᐊᓚᐅᒪᑎᓐᓂᐊᕐᓇᒍ ᐅᕙᓐᓂᑦ! ᐱᔩᑦ ᐊᔭᒃᑐᕐᓂᐊᕐᓇᒍ ᓂᓐᖓᐅᒪᓂᕐᒧᑦ; ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ. ᓇᕐᕈᒋᓕᕐᓂᐊᕐᓇᖓ, ᕿᒪᖕᓂᐊᕐᓇᖓᓗ, ᒎᑏᒃ ᐱᐅᓕᔨᒋᒐᒃᑭᑦ!

ᐃᓐᖏᕈᑎᑦ 30:7

ᐊᑕᓃᖅ, ᖁᕕᐊᒋᒐᕕᖓ, ᖃᖅᑲᖁᑎᒐ ᓇᐸᑎᑉᐸᑦ ᓴᓐᖏᔫᓪᓗᓂ; ᑮᓇᕐᐱᓪᓕ ᐊᓚᕐᒪᖓ ᐃᓱᒪᔮᓚᐅᕐᐳᖓ.

ᐃᓐᖏᕈᑎᑦ 44:10

ᐅᓇᑕᕐᓂᕐᒥ ᕿᒫᑎᑕᐅᑎᑉᐸᑦᑎᒍᑦ ᐊᑭᕋᑦᑎᓐᓂᑦ, ᐆᒥᒋᔨᕗᓪᓗ ᐱᖁᑎᑦᑎᓐᓂᒃ ᐱᑖᕐᑐᕐᐳᑦ.

ᐃᓐᖏᕈᑎᑦ 89:46

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐃᔨᕐᓯᒪᓂᐊᕐᐲᑦ? ᖃᓄᕐᓗ ᐊᑯᓂᐅᑎᒋᔪᖅ ᓂᓐᖓᐅᒪᓃᑦ ᐃᑯᐊᓚᔪᑎᑐᑦ ᑍᒤᓐᓂᐊᕐᐹ?

ᐃᓐᖏᕈᑎᑦ 90:11

ᑭᓇ ᓂᓐᖓᖕᓂᕕᑦ ᓲᖑᓂᖓᓂᒃ ᖃᐅᔨᔪᓐᓇᕐᐸ? ᑭᓇᓗ ᓂᓐᖓᐅᒪᓂᕐᓂᒃ ᓯᕘᕋᒋᔭᖃᕈᓐᓇᕐᐹ?

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᔨᕆᒤᐊᐅᑉ ᐊᒡᓚᖏᑦ 23:33

“ᐃᓄᐃᑦ, ᐅᖃᕐᑏᓪᓘᓐᓃᑦ, ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᐱᕆᒃᐸᑕ, ‘ᐊᑕᓂᐅᑉ ᐅᖁᒤᒋᔭᖓ ᓱᓇᐅᕙ?’ ᐅᖃᐅᑎᔪᒫᕐᐸᑎᑦ, ‘ᐃᓕᑦᓯ ᐅᖁᒤᒋᔭᐅᕗᓯ, ᐃᒋᑦᓱᒫᕐᐸᑦᓯᓗ, ᐊᑕᓂᖅ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 23:39

ᑍᒤᒻᒪᑦ, ᑕᑯᒋᑦ, ᖁᓚᕐᓇᖏᑦᑐᒥᒃ ᐃᒋᑦᓱᒫᕐᐸᑦᓯ ᓇᔪᕐᑕᓐᓂᑦ, ᐃᒡᓗᒐᓴᒡᔪᐊᑦ ᓯᕗᓕᑦᓯᓐᓄᑦ ᑐᓂᓚᐅᕐᑕᒃᑲ ᐱᖃᓯᐅᑎᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 33:5

ᐃᓚᖏᓪᓕ ᐊᑭᒪᓇᓱᐊᕈᒫᕐᐳᑦ ᑲᐅᓪᑎᐊᒥᐅᓂᒃ, ᐃᒡᓗᖁᑎᖏᓪᓗ ᑕᑕᑦᓱᒫᕐᐳᑦ ᑐᖁᖓᔪᕕᓂᕐᓂᒃ ᓂᓐᖓᕕᒃᔪᐊᕐᓂᓐᓄᑦ ᐊᑭᓂᐊᕐᕕᒋᓕᕈᒃᑭᑦ, ᑖᒃᑯᐊ ᐃᒡᓗᒐᓴᒡᔪᐊᑦ ᐊᓚᕐᐸᒃᑲ ᑮᓇᓐᓄᑦ ᐃᓄᖏᑕ ᐱᐅᖏᑦᑐᓕᓂᕐᒥᒃ ᐱᓇᓱᐊᑐᐃᓐᓇᓕᕐᓂᖏᑦ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 40:2

ᐊᖓᔪᖅᑳᖑᓂᕐᐹᕆᔭᐅᔫᑉ ᔨᕆᒤᐊ ᑕᑯᓕᕋᒥᐅᒃ ᐅᖃᐅᑎᕚ, “ᐊᑕᓂᐅᑉ ᒎᑎᕕᑦ ᐅᖃᐅᓯᕆᖃᑦᑕᓚᐅᕐᑕᖓ ᑲᑉᐱᐊᓇᕐᑐᖅ ᓇᓪᓕᐅᑎᔪᒫᕐᑐᖅ ᓄᓇᓕᖕᓄᑦ ᑖᒃᑯᓄᖓ,

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 10:4

ᐅᖃᐅᓯᑐᐃᓐᓇᕐᓄᑦ ᐅᖃᓪᓚᐅᕐᐳᑦ; ᐊᖏᖃᑎᒌᒍᑎᓕᐅᕐᓗᑎᒡᓗ ᐊᑐᖏᑦᑐᓂᒃ; ᑍᒤᒻᒪᑦ ᐃᖅᑲᕐᑐᕐᑕᐅᑦᔪᑎᒃᓴᖏᑦ ᓴᖅᑭᓐᓂᐊᕐᐳᑦ ᑐᖁᓐᓇᕐᑐᑐᑦ ᐱᕈᕐᓂᕐᓗᒃᑐᑎᑐᑦ ᐱᕈᕐᓰᕕᖕᒥ ᓄᓇᓕᕆᐊᖑᓯᒪᔪᒥ.

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 14:42

ᒪᔪᕋᖏᓪᓗᓯ ᐊᑭᕋᑦᓯᓐᓄᑦ ᓵᓚᐅᖁᓇᓯ, ᑍᒫᒃ ᐊᑕᓂᐅᑉ ᐃᓚᒋᖏᒻᒪᓯ.

ᒨᓯᓯ ᑕᓪᓕᒪᖏᑦ 29:20

ᐊᑕᓂᐅᑉ ᐊᖑᑦ ᑍᒤᑦᑐᖅ ᐃᓱᒪᒋᔪᓐᓁᕐᕕᒋᓂᐊᓐᖏᓛ. ᐊᑕᓂᐅᓪᓕ ᓂᓐᖓᕕᒃᔪᐊᕐᓂᖓ ᐃᑯᒪᔪᑎᑐᑦ ᐃᑯᐊᓪᓚᖕᓂᐊᕐᐳᖅ ᑖᑦᓱᒧᖓ, ᑕᒪᒃᑯᐊᓗ ᐅᕙᓂ ᐊᒡᓚᖕᓂ ᑎᑎᕋᐅᓯᐅᓯᒪᔪᑦ ᐊᔪᓕᕈᑕᐅᔪᓐᓇᕐᑐᓕᒫᑦᓯᐊᑦ ᑖᑦᓱᒧᖓ ᑎᑭᓐᓂᐊᕐᐳᑦ, ᑖᑦᓱᒪᓗ ᐊᑎᖓ ᐊᑕᓂᐅᑉ ᐲᕐᓂᐊᕐᐹ ᕿᓚᐅᑉ ᐊᑖᓂᑦ.

ᒨᓯᓯ ᑕᓪᓕᒪᖏᑦ 30:18

ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 30:19

ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ.

ᒨᓯᓯ ᑕᓪᓕᒪᖏᑦ 31:18

ᑕᒪᓐᓇ ᓇᓪᓕᐅᑎᒃᐸᑦ ᓱᓕᓗᖓ ᐊᓚᕈᒫᕐᐸᒃᑲ, ᐱᐅᖏᑦᑐᓂᖏᑦ ᒎᑎᓐᖑᐊᓄᑦ ᐊᓯᓐᓄᑦ ᓵᓐᖓᓕᕐᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 7:21

ᑍᒤᒻᒪᑦ ᑖᒃᑯᓂᖓ ᓯᕘᕋᔪᒃᓴᐅᓐᖏᓚᓯ, ᐊᑕᓂᐅᑉ ᒎᑎᑦᓯ ᐃᓚᒋᖕᒪᓯ, ᑖᓐᓇ ᐊᔪᖏᑦᑐᕐᔪᐊᖑᖕᒪᑦ ᓯᕘᕋᒋᔭᐅᔭᕆᐊᖃᕐᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 10:6

ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 6:13

ᒋᑎᐅᓂᐅᑉ ᐅᖃᐅᑎᕚ, “ᕿᓄᕕᒋᕙᒋᑦ ᐅᐱᓐᓇᕐᑑᖅ, ᐊᑕᓂᐅᓪᓕ ᐃᓚᒋᒃᐸᑎᒍᑦ, ᓱᖕᒪᓪᓕ ᐃᒤᑦᑐᐊᓗᖕᒦᑉᐱᑕ? ᓇᐅᒡᓕ ᑍᒃᑯᐊ ᐊᑕᓂᐅᑉ ᐱᓂᐊᕐᓂᖏᑦ ᑲᒪᓇᕐᑐᑦ ᓯᕗᓕᑦᑕ ᐅᖃᐅᓯᕆᕙᓚᐅᕐᑕᖏᑦ, ᐅᖃᕐᐸᓚᐅᕐᒪᑕ, ‘ᐊᑕᓂᐅᑉ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᒪᑎᒍᑦ?’ ᒫᓐᓇᓕ ᐊᑕᓂᐅᑉ ᑲᒪᒋᔪᓐᓃᕐᐹᑎᒍᑦ, ᑐᓐᓂᖅᑯᑎᒋᓪᓗᑕᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓄᑦ.”