ᒨᓯᓯ ᑕᓪᓕᒪᖏᑦ 31:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:16 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:15

ᐃᕝᕕᓪᓕ ᓯᕗᓕᕐᓄᑦ ᐂᔪᒫᕐᐳᑎᑦ ᓮᒪᓗᑎᑦ; ᐃᓗᕕᕐᑕᐅᔪᒫᕐᐳᑎᓪᓗ ᐃᓄᑐᖃᒻᒪᕆᐅᓕᕐᓗᑎᑦ.

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᒨᓯᓯ ᓯᕗᓪᓖᑦ 47:30

ᓯᕗᓕᓐᓂᓕ ᐃᓗᕕᕐᓯᒪᖃᑕᐅᔪᒪᕗᖓ; ᐄᑦᔨᑉᑎᒥᑦ ᐊᐅᓪᓚᕈᑎᓗᖓ ᑍᒃᑯᐊ ᐃᓗᕕᕐᑕᐅᕕᒋᓯᒪᔭᖏᓐᓂ ᐃᓗᕕᕐᑕᐅᔪᒃᓴᐅᕗᖓ.” ᔫᓯᐱᐅᑉ ᑭᐅᕚ, “ᐅᖃᐅᓯᕆᔭᑎᑦ ᐊᑐᕐᓂᐊᕐᐸᒃᑲ.”

ᓴᒧᐃᓕ ᐂᑉᐸᖏᑦ 7:12

ᑐᖁᒍᕕᓪᓗ ᓯᕗᓕᕕᓂᕐᓄᑦ ᐃᓗᕕᕐᑕᐅᖃᑕᐅᔪᒫᕐᐳᑎᑦ, ᑭᖑᕚᕕᓪᓗ ᐃᓚᖓᑦ ᐊᖓᔪᖅᑳᕐᔪᐊᕈᕐᑎᑦᓱᒫᕐᐸᕋ ᐊᑕᓂᐅᕕᖓᓗ ᓴᓐᖏᔫᔪᒫᕐᐳᖅ.

ᐊᑕᓃᑦ ᓯᕗᓪᓖᑦ 1:21

ᑍᒤᓐᓂᐊᖏᑉᐸᑦ ᐃᒤᑦᓱᒫᕐᒪᑦ, ᐊᑕᓂᕋ ᐊᖓᔪᖅᑲᕐᔪᐊᕋ ᐃᓅᔪᓐᓃᕐᐸᑦ ᓯᕗᓕᕕᓂᓂ ᐃᓚᒋᓕᕐᓗᒋᑦ, ᐅᕙᖓ ᐃᕐᓂᕋᓗ ᓲᓗᒨᓂ ᐱᐅᓯᖃᕐᕕᐅᓂᐊᕐᐳᒍᒃ ᐊᑭᕋᕐᑐᕐᑐᑎᑐᑦ.”

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᐂᑉᐸᖏᑦ 18:12

ᐊᑕᓂᕐᒥᒃ ᒎᑎᒥᒃᑕ ᓂᐱᖓᓂᒃ ᓈᓚᓚᐅᖏᒻᒪᑕ, ᐊᖏᖃᑎᒌᒍᑎᒋᓯᒪᔭᒥᖕᓂᒃ ᓯᖁᒥᑦᓯᓚᐅᕐᒪᑕ, ᐱᖁᔭᓕᒫᓂᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᐊᑕᓂᐅᑉ ᐱᔨᖓᒍᑦ; ᓈᓚᒍᓐᓃᓚᐅᕐᒪᑕ ᐊᑕᓂᐅᑉ ᓂᐱᖓᓂᒃ ᒪᓕᒐᑎᒡᓗ ᐱᖁᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 20:1

ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓂᐅᓴᓕᕐᓗᓂ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ ᐅᖃᐅᑎᕚ, “ᐃᒫᒃ ᐊᑕᓂᐅᑉ ᐅᖃᐅᑎᔭᐅᖁᕚᑎᑦ ᐅᐸᓗᖎᔭᕐᓯᒪᑦᓯᐊᕐᑐᒃᓴᐅᕗᑎᑦ; ᑐᖁᓂᐊᓕᕋᕕᑦ ᐋᖅᑭᑦᔮᔪᓐᓃᕐᓗᑎᑦ.”

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 20:11

ᓴᐅᓂᖏᑦ ᐃᓅᓱᒃᑑᓪᓗᓂ ᐊᔪᕐᑐᓕᓂᕕᓂᖏᓐᓂᒃ ᑕᑕᑉᐳᑦ, ᐊᑯᓂᐅᖏᑦᑐᕐᓕ ᓇᓪᓚᖓᖃᑎᒋᓕᕈᒫᕐᐰᑦ ᓄᓇᒥ.

ᐃᓐᖏᕈᑎᑦ 106:39

ᐃᒻᒥᖕᓂᒃ ᐱᓂᐊᕐᓂᕐᒥᖕᓄᑦ ᓴᓗᒪᔪᓐᓃᕐᑎᓚᐅᕐᐳᑦ, ᐊᓯᓐᓂᐊᓚᐅᕐᐳᓪᓗ ᓇᖕᒥᓂᖅ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 73:27

ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

ᒨᓯᓯ ᐂᑉᐸᖏᑦ 32:6

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᒨᓯᓯ ᐂᑉᐸᖏᑦ 34:15

ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᐃᓯᑭᐊᓕᐅᑉ ᐊᒡᓚᖏᑦ 16:15

“ᐃᓂᖁᓇᕐᓃᓪᓕ ᐱᔪᕆᑦᔪᑎᒋᓕᓚᐅᕐᐸᑦ, ᐊᖑᓐᓂᐊᕐᓂᕐᓄᑦ ᐊᑭᓕᕐᑐᕐᑕᐅᓪᓗᑎᑦ ᖃᐅᔨᒻᒫᕆᔭᐅᓃᑦ, ᐊᖅᑯᓵᕐᑐᐃᓐᓇᕐᑐᓄᑦ ᐊᒡᓛᑦ ᒪᓂᓴᕐᐸᓕᕐᓱᑎᑦ.

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᕼᐆᓯᐊᑉ ᐊᒡᓚᖏᑦ 10:4

ᐅᖃᐅᓯᑐᐃᓐᓇᕐᓄᑦ ᐅᖃᓪᓚᐅᕐᐳᑦ; ᐊᖏᖃᑎᒌᒍᑎᓕᐅᕐᓗᑎᒡᓗ ᐊᑐᖏᑦᑐᓂᒃ; ᑍᒤᒻᒪᑦ ᐃᖅᑲᕐᑐᕐᑕᐅᑦᔪᑎᒃᓴᖏᑦ ᓴᖅᑭᓐᓂᐊᕐᐳᑦ ᑐᖁᓐᓇᕐᑐᑐᑦ ᐱᕈᕐᓂᕐᓗᒃᑐᑎᑐᑦ ᐱᕈᕐᓰᕕᖕᒥ ᓄᓇᓕᕆᐊᖑᓯᒪᔪᒥ.

ᒨᓯᓯ ᐱᖓᔪᖏᑦ 26:15

ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ,

ᒨᓯᓯ ᓯᑕᒪᖏᑦ 27:13

ᑕᑯᔭᕇᕈᕕᐅᒃ ᑐᖁᓂᐊᕋᕕᑦ, ᓲᕐᓗᑦᑕᐅᖅ, ᖃᑕᓐᖑᑏᑦ ᐂᕉᓂ ᑐᖁᓚᐅᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:36

ᑍᕕᑎ ᐱᔨᑦᓯᓚᐅᕐᐳᖅ ᒎᑎᐅᑉ ᐱᔪᒪᔭᖓ ᒪᓕᒡᓗᒍ, ᑭᖑᓂᖓᒍᓪᓕ ᑐᖁᓚᐅᕐᐳᖅ ᐃᓕᔭᐅᓪᓗᓂ ᓯᕗᓕᕕᓂᕐᒥ ᐃᓗᕕᕐᑕᐅᕕᖓᓐᓄᑦ, ᑎᒥᖓ ᐃᓗᕕᕐᒥ ᐃᒍᓇᓚᐅᕐᐳᖅ;

ᒨᓯᓯ ᑕᓪᓕᒪᖏᑦ 31:18

ᑕᒪᓐᓇ ᓇᓪᓕᐅᑎᒃᐸᑦ ᓱᓕᓗᖓ ᐊᓚᕈᒫᕐᐸᒃᑲ, ᐱᐅᖏᑦᑐᓂᖏᑦ ᒎᑎᓐᖑᐊᓄᑦ ᐊᓯᓐᓄᑦ ᓵᓐᖓᓕᕐᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:50

ᑕᕝᕙᓂ ᖃᖅᑲᒥ ᑐᖁᓂᐊᕋᕕᑦ ᒪᔪᕋᕐᕕᒋᔭᕐᓂ, ᐊᖓᔪᐃᑦ ᐂᕉᓂ ᑐᖁᓚᐅᕐᒪᑦ ᖃᖅᑲᒥ ᕼᐅᕆᒥ ᓯᕗᓕᕕᓂᓂ ᐃᓚᒋᓪᓗᒋᑦ;

ᒨᓯᓯ ᑕᓪᓕᒪᖏᑦ 34:5

ᑕᕝᕙ ᒨᓯᓯ ᐊᑕᓂᐅᑉ ᐱᔨᖓ ᑐᖁᓚᐅᕐᐳᖅ ᓄᓇᒥ ᑕᒫᓂ ᒧᐊᐱᒥ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 10:13

ᓱᓕᓕ ᕿᒤᓚᐅᕆᕗᓯ ᐅᕙᓐᓂᒃ ᒎᑎᓐᖑᐊᓄᓪᓗ ᐊᓯᓐᓄᑦ ᑐᒃᓯᐊᕐᐸᓕᕐᓗᓯ; ᑍᒤᒻᒪᑦ ᓴᐳᑎᒃᑲᓐᓂᕈᒪᔪᓐᓃᕐᐸᑦᓯ.

ᐃᓗᐊᕐᓮᔩᑦ ᐊᒡᓚᖏᑦ 10:6

ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 2:11

ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 2:12

ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ.