ᒨᓯᓯ ᑕᓪᓕᒪᖏᑦ 31:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᑯᒋᑦ, ᐅᓪᓗᖅ ᐃᓅᔪᓐᓃᕐᕕᒃᓮᑦ ᖃᒡᓕᕗᖅ; ᔮᓱᐊ ᕾᖁᓚᐅᕈᒃ, ᐅᕗᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᓗᓯᒃ, ᐱᔭᒃᓴᖏᓐᓂᒃ ᑎᓕᓂᐊᕋᒃᑯ.” ᑕᕝᕙ ᒨᓯᓯᒃᑯᒃ ᔮᓱᐊᒃᑯᒃ ᑐᐱᕐᒧᐊᕐᐴᒃ,

ᒨᓯᓯ ᑕᓪᓕᒪᖏᑦ 31:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᐊᑕᓃᑦ ᓯᕗᓪᓖᑦ 2:1

ᑍᕕᑎᐅᑉ ᑐᖁᕕᒃᓴᖓ ᖃᓂᑦᑑᓕᕐᒪᑦ, ᐃᕐᓂᓂ ᓲᓗᒨᓂ ᒪᓕᒐᒃᓴᖏᓐᓂᒃ ᐅᖃᐅᑎᕚ, ᐅᖃᐅᑎᓪᓗᒍ:

ᐊᑕᓃᑦ ᐂᑉᐸᖏᑦ 1:4

ᒫᓐᓇ ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ‘ᐃᒡᓕᕐᒥᑦ ᓇᓚᕕᒋᔭᕐᓂᑦ ᒪᑭᒃᑲᓐᓂᕐᓂᐊᓐᖏᓚᑎᑦ, ᑐᖁᑐᐃᓐᓇᕐᓂᐊᓕᕐᐳᑎᑦ ᑕᕝᕙᓂ.’ ” ᑕᕝᕙ ᐃᓔᑦᔭ ᐊᐅᓪᓚᕐᐳᖅ.

ᐊᑕᓃᑦ ᐂᑉᐸᖏᑦ 20:1

ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓂᐅᓴᓕᕐᓗᓂ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ ᐅᖃᐅᑎᕚ, “ᐃᒫᒃ ᐊᑕᓂᐅᑉ ᐅᖃᐅᑎᔭᐅᖁᕚᑎᑦ ᐅᐸᓗᖎᔭᕐᓯᒪᑦᓯᐊᕐᑐᒃᓴᐅᕗᑎᑦ; ᑐᖁᓂᐊᓕᕋᕕᑦ ᐋᖅᑭᑦᔮᔪᓐᓃᕐᓗᑎᑦ.”

ᔫᐱᐅᑉ ᐊᒡᓚᖏᑦ 1:6

ᐅᓪᓗᕐᓕ ᓇᓪᓕᐅᑎᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓅᕐᕕᒃᓴᖓᑦ, ᓵᑖᓇᓯᑦᑕᐅᖅ ᐊᑭᕋᕐᑐᕐᑎ ᑖᒃᑯᓄᖓ ᐃᓚᒋᔭᐅᓚᐅᕆᕗᖅ.

ᔫᐱᐅᑉ ᐊᒡᓚᖏᑦ 2:1

ᐅᓪᓗᕐᓕ ᓇᓪᓕᐅᑎᖕᒥᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓄᐊᕐᕕᒃᓴᖓᑦ, ᓵᑖᓇᓯᑦᑕᐅᖅ ᐃᓚᒋᔭᐅᒋᕗᖅ.

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 33:9

ᒨᓯᓯᓕ ᐃᑎᕇᕌᖓᑦ ᑐᐱᕐᒧᑦ, ᓄᕗᔭ ᖁᒻᒧᑦ ᐊᒥᑦᑐᑳᒥᒃ ᐊᒻᒧᐊᖃᑦᑕᓚᐅᕐᐳᖅ ᑐᐱᐅᑉ ᐹᖓᓄᑦ, ᑕᕝᕙᓐᖓᓪᓗ ᓄᕗᔭᒥᑦ ᐊᑕᓂᐅᑉ ᒨᓯᓯ ᐅᖃᓪᓚᒡᕕᒋᖃᑦᑕᓚᐅᕐᐹ.

ᒨᓯᓯ ᐂᑉᐸᖏᑦ 34:2

ᖃᐅᒃᐸᑦ ᐅᓪᓛᒃᑯᑦ ᐊᑐᐃᓐᓇᐅᓛᕐᐳᑎᑦ, ᖃᖅᑲᒧᑦ ᓮᓁᒧᑦ ᒪᔪᕋᕐᓗᑎᑦ ᖃᖅᑲᐅᑉ ᖄᖓᓂ ᐅᕙᓐᓂᒃ ᑲᑎᓯᔭᕐᑐᓛᕐᐳᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:5

ᐃᓅᔪᑦ ᖃᐅᔨᒪᖕᒪᑕ ᑐᖁᔪᒫᕐᓂᕐᒥᖕᓂᒃ. ᑐᖁᖓᔪᓪᓕ ᓱᓇᒥᒃ ᖃᐅᔨᒪᓐᖏᓚᑦ. ᐊᑭᓕᕐᑕᐅᑦᔪᑎᒃᓴᒥᖕᓂᒡᓗ ᐱᓂᐊᕈᓐᓃᕐᓗᑎᒃ ᐃᖅᑲᐅᒪᔭᐅᑦᔪᑎᒃᓴᖏᓪᓗ ᐳᐃᒍᕐᑕᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 38:1

ᐅᓪᓗᐃᑦ ᐃᓚᖏᓐᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᓚᐅᕐᐳᖅ ᖁᓚᕐᓇᕐᓯᓪᓗᓂ ᐃᓅᓂᐊᕐᒪᖔᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ, ᐅᖃᓪᓚᒡᕕᒋᕚ ᐅᖃᕐᓗᓂ, “ᐊᑕᓂᐅᑉ ᐅᖃᐅᑎᖁᖕᒪᑎᑦ ᓱᓇᓕᒫᓂᒃ ᐅᐸᓗᖎᔭᓕᕆᑦ ᐋᖅᑭᓚᐅᖏᓪᓗᑎᑦ ᐃᓅᔪᓐᓃᕐᓂᐊᓕᕋᕕᑦ.”

ᒨᓯᓯ ᓯᑕᒪᖏᑦ 27:12

ᐊᑕᓂᐅᑉ ᒨᓯᓯ ᐅᖃᐅᑎᕚ: “ᐅᕗᖓ ᖃᖅᑲᒧᑦ ᐊᐸᕅᒻᒧᑦ ᒪᔪᕋᕆᑦ, ᓄᓇ ᐃᓴᕆᐊᓕᒥᐅᓄᑦ ᑐᓂᔭᕋ ᑕᑯᓂᐊᕋᕕᐅᒃ.

ᒨᓯᓯ ᓯᑕᒪᖏᑦ 27:13

ᑕᑯᔭᕇᕈᕕᐅᒃ ᑐᖁᓂᐊᕋᕕᑦ, ᓲᕐᓗᑦᑕᐅᖅ, ᖃᑕᓐᖑᑏᑦ ᐂᕉᓂ ᑐᖁᓚᐅᕐᒪᑦ.

ᒨᓯᓯ ᓯᑕᒪᖏᑦ 27:18

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᔮᓱᐊ ᓈᓂᐅᑉ ᐃᕐᓂᖓ ᐱᖃᑎᒋᓗᒍ, ᑖᑦᓱᒪᓂ ᐊᓂᕐᓂᕋ ᐃᓂᖃᕐᒪᑦ, ᐸᑎᒻᒥᓂᐊᕐᐸᑦ;

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᒨᓯᓯ ᑕᓪᓕᒪᖏᑦ 31:13

ᕿᑐᕐᖓᖏᓪᓗ ᑖᒃᑯᓂᖓ ᖃᐅᔨᓚᐅᕐᓯᒪᖏᑦᑐᑦ, ᑐᓴᕐᓂᐊᕐᒪᑕ ᐃᓕᓐᓂᐊᕐᓗᑎᒡᓗ ᐃᓕᕋᓱᖕᓂᕐᒥᒃ ᐊᑕᓂᕐᒥᒃ ᒎᑎᑦᓯᓐᓂᒃ, ᑍᒪᓐᖓᑦ ᓄᓇᒥ ᓄᓇᖃᕐᓂᓕᒫᒥᖕᓂ ᑕᒫᓂ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᐊᑭᐊᓃᑦᑐᒥ.”

ᒨᓯᓯ ᑕᓪᓕᒪᖏᑦ 31:2

ᐅᖃᕐᓗᓂᓗ, “ᒫᓐᓇ ᐊᕐᕌᒍᖃᓕᕋᒪ 120ᓂᒃ; ᐊᔪᓕᓕᕐᐳᖓ ᐊᓂᖃᑦᑕᕆᐊᒃᓴᖅ ᐃᑎᖃᑦᑕᕆᐊᒃᓴᕐᓗ, ᐊᑕᓂᐅᓪᓗ ᐅᖃᐅᑎᓚᐅᕐᐹᖓ ᔪᐊᕐᑕᓂᒥᒃ ᐃᑳᕐᓂᐊᖏᓐᓂᕋᕐᓗᖓ.

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᒨᓯᓯ ᑕᓪᓕᒪᖏᑦ 32:50

ᑕᕝᕙᓂ ᖃᖅᑲᒥ ᑐᖁᓂᐊᕋᕕᑦ ᒪᔪᕋᕐᕕᒋᔭᕐᓂ, ᐊᖓᔪᐃᑦ ᐂᕉᓂ ᑐᖁᓚᐅᕐᒪᑦ ᖃᖅᑲᒥ ᕼᐅᕆᒥ ᓯᕗᓕᕕᓂᓂ ᐃᓚᒋᓪᓗᒋᑦ;

ᒨᓯᓯ ᑕᓪᓕᒪᖏᑦ 34:5

ᑕᕝᕙ ᒨᓯᓯ ᐊᑕᓂᐅᑉ ᐱᔨᖓ ᑐᖁᓚᐅᕐᐳᖅ ᓄᓇᒥ ᑕᒫᓂ ᒧᐊᐱᒥ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 4:22

ᑕᒫᓂᓕ ᓇᔪᕐᑕᓂ ᓄᓇᒥ ᑐᖁᔪᒫᕐᐳᖓ ᑰᖕᒥᒃ ᔪᐊᕐᑕᓂᒥᒃ ᐃᑳᖃᑕᐅᓚᐅᖏᓪᓗᖓ, ᐃᓕᑦᓯᓕ ᐃᑳᕆᐊᕕᓕᕐᐳᓯ ᓄᓇᑖᕆᐊᕐᑐᕐᓗᓯ ᑕᕝᕗᖓ ᓄᓇᒧᑦ ᐱᕈᕐᑐᖃᑦᓯᐊᕐᑐᒧᑦ.

ᔮᓱᐊᑉ ᐊᒡᓚᖏᑦ 23:14

“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.

ᔮᓱᐊᑉ ᐊᒡᓚᖏᑦ 24:1

ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.