ᒨᓯᓯ ᑕᓪᓕᒪᖏᑦ 31:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᕿᑐᕐᖓᖏᓪᓗ ᑖᒃᑯᓂᖓ ᖃᐅᔨᓚᐅᕐᓯᒪᖏᑦᑐᑦ, ᑐᓴᕐᓂᐊᕐᒪᑕ ᐃᓕᓐᓂᐊᕐᓗᑎᒡᓗ ᐃᓕᕋᓱᖕᓂᕐᒥᒃ ᐊᑕᓂᕐᒥᒃ ᒎᑎᑦᓯᓐᓂᒃ, ᑍᒪᓐᖓᑦ ᓄᓇᒥ ᓄᓇᖃᕐᓂᓕᒫᒥᖕᓂ ᑕᒫᓂ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᐊᑭᐊᓃᑦᑐᒥ.”

ᒨᓯᓯ ᑕᓪᓕᒪᖏᑦ 31:13 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:6

ᓄᑕᖅᑲᑦ ᐱᒋᐅᕐᓴᕐᑕᐅᑦᓯᐊᕆᐊᖃᕐᐳᑦ ᐊᑐᕐᓂᐊᕐᑕᖏᓐᓂᒃ ᓈᒻᒪᒃᑐᒃᑯᑦ, ᐃᓐᓇᐅᓕᕈᓂᓗ ᐳᐃᒍᕐᓂᐊᓐᖏᓛ.

ᒨᓯᓯ ᐱᖓᔪᖏᑦ 23:43

ᑭᖑᕚᓯ ᖃᐅᔨᒪᖁᓪᓗᒋᑦ ᐅᕙᖓ ᐃᓴᕆᐊᓕᒥᐅᑦ ᑐᐱᕐᒥᐅᑕᐅᑎᓚᐅᕋᒃᑭᑦ ᐄᑦᔨᑉᑎᒥᑦ ᑍᑦᓱᒪᓂ ᐊᐅᓪᓚᕐᑎᓐᓇᒃᑭᑦ. ᐅᕙᖓ ᐊᑕᓂᐅᒐᒪ ᒎᑎᓯ.”

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᐃᐱᓯᒥᐅᓄᑦ 6:4

ᐃᓕᑦᓯ ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕐᓇᒋᑦ, ᐋᖅᑭᒃᓱᕋᓱᐊᕐᓯᒋᒡᓕ ᐱᕈᕐᐸᓪᓕᐊᑎᓪᓗᒋᑦ ᖃᐅᑦᔨᑎᖃᑦᓯᐊᖁᓪᓗᒋᑦ ᐃᓕᓯᒪᑦᓯᐊᕐᓇᕐᑐᓂᒃ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᒨᓯᓯ ᑕᓪᓕᒪᖏᑦ 11:2

ᐅᓪᓗᒥ ᐃᖅᑲᐅᒪᓚᐅᕐᓯᐅᒃ ᑐᑭᓯᓚᐅᕐᑕᓯ ᐊᑕᓂᐅᑉ ᐊᑐᕐᑕᑦᓯᒍᑦ ᐋᖅᑭᒃᓱᐃᓯᒪᓂᖏᑦ. ᕿᑐᕐᖓᓯᐅᖏᑦᑐᖅ, ᑕᒪᒃᑯᓂᖓ ᐊᑐᓚᐅᕋᑦᓯ. ᑕᑯᓚᐅᕋᑦᓯ ᐊᑕᓂᐅᑉ ᒎᑎᑦᓯ ᐊᔪᖏᑦᑐᕐᔪᐊᖑᓂᖓᓂᒃ, ᐱᔪᓐᓇᕐᓂᕐᔪᐊᖓᓂᒡᓗ, ᐊᔪᒐᖃᖏᑦᑐᕐᔪᐊᖑᓂᖓᓂᒡᓗ,

ᒨᓯᓯ ᑕᓪᓕᒪᖏᑦ 31:12

ᐃᓄᐃᑦ ᕾᖁᔭᒃᓴᕆᕙᓯ ᐊᖑᑎᑦ, ᐊᕐᓁᓪᓗ, ᓄᑕᕅᓪᓗ, ᓄᓇᖃᕐᑐᑐᖃᐅᖏᑦᑐᓪᓗ ᓄᓇᑦᓯᓐᓃᑦᑐᑦ, ᐃᓄᓕᒫᑦ ᑐᓴᖁᓪᓗᒋᑦ ᑐᑭᓯᖁᓪᓗᒋᓪᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᕋᓱᒍᓐᓇᖁᓪᓗᒋᑦ, ᑲᒪᑦᓯᐊᕐᓗᑎᒡᓗ ᒪᓕᒍᓐᓇᖁᓪᓗᒋᑦ ᐱᖁᔧᑦ ᐅᖃᐅᓯᓕᒫᖏᓐᓂᒃ.

ᒨᓯᓯ ᑕᓪᓕᒪᖏᑦ 31:14

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᑯᒋᑦ, ᐅᓪᓗᖅ ᐃᓅᔪᓐᓃᕐᕕᒃᓮᑦ ᖃᒡᓕᕗᖅ; ᔮᓱᐊ ᕾᖁᓚᐅᕈᒃ, ᐅᕗᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᓗᓯᒃ, ᐱᔭᒃᓴᖏᓐᓂᒃ ᑎᓕᓂᐊᕋᒃᑯ.” ᑕᕝᕙ ᒨᓯᓯᒃᑯᒃ ᔮᓱᐊᒃᑯᒃ ᑐᐱᕐᒧᐊᕐᐴᒃ,

ᒨᓯᓯ ᑕᓪᓕᒪᖏᑦ 32:47

ᐅᑯᐊ ᐊᔪᕆᕐᑑᓰᑦ ᐅᖃᐅᓯᑐᐃᓐᓇᐅᖏᒻᒪᑕ, ᐃᓅᓯᑦᓯᓐᓂᒡᓕ ᐱᑦᔪᑎᖃᕐᐳᑦ, ᐊᑯᓂ ᐃᓅᖁᓪᓗᓯ ᓄᓇᒥ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᔪᒫᓕᕐᑕᑦᓯᓐᓂ.”

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 6:7

ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ.