ᒨᓯᓯ ᑕᓪᓕᒪᖏᑦ 31:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑐᐊᕐᑕᐅᖃᑦᑕᕐᑐᒃᓴᐅᕗᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᒃᓯᐊᕆᐊᕐᑐᕐᓯᒪᑎᓪᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᒃᓯᐊᕐᕕᐅᕙᒃᑐᒥ ᑲᑎᖃᑦᑕᕐᕕᖕᒥ.

ᒨᓯᓯ ᑕᓪᓕᒪᖏᑦ 31:11 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:37

ᒪᓕᑦᓯᐊᕋᓱᐊᕐᑐᒃᓴᐅᕗᓯ ᐱᐅᓯᐅᖁᔭᓐᓂᒃ, ᐱᓂᐊᕐᑕᐅᖁᔭᓐᓂᒡᓗ, ᐱᖁᔭᓕᐊᕆᓯᒪᔭᓐᓂᒡᓗ, ᒪᓕᒐᒃᓴᓕᐊᕆᓯᒪᔭᓐᓂᒡᓗ ᑎᑎᕋᕐᑕᐅᑎᓯᒪᔭᓐᓂᒃ, ᐊᓯᓐᓂᒃ ᒎᑎᖃᕋᓱᐊᕐᑐᒃᓴᐅᓐᖏᓚᓯ.

ᐊᑕᓃᑦ ᐂᑉᐸᖏᑦ 23:2

ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓄᐊᕐᐳᖅ, ᐊᖑᑎᓕᒫᑦ ᔫᑕᒥᐅᑦ ᐃᓚᒋᓪᓗᒋᑦ ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑐᓂᕐᕈᓯᕐᑎᑦᓯᔩᓪᓗ, ᒎᑎᐅᓪᓗ ᐅᖃᕐᑎᖏᑦ, ᐃᓄᓕᒫᑦ ᐊᒃᓗᔪᑦ ᐊᒃᓗᐃᑦᑐᓪᓗ ᐃᓚᒋᓪᓗᒋᑦ; ᑖᒃᑯᐊᓗ ᓵᖏᓐᓂ ᐊᖓᔪᖅᑳᕐᔪᐊᑉ ᓂᐱᖅᑯᕐᑐᓪᓗᓂ ᐊᒡᓔᑦ ᐊᖏᖃᑎᒌᖕᓂᕐᒥᒃ ᐅᖃᐅᓯᖃᕐᑐᑦ ᐅᖃᓕᒫᕐᐰᑦ ᐊᑕᓂᐅᑉ ᐃᒡᓗᖓᓂᑦ ᓇᓂᔭᐅᓚᐅᕐᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 8:13

ᖃᐅᑎᓪᓗᒍ ᐃᓚᒌᓕᒫᑦ ᐊᖓᔪᖅᑳᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᓪᓗ ᐃᓚᒋᓪᓗᒋᑦ, ᐄᓱᕋᒧᐊᕐᐳᑦ ᐱᖁᔭᓂᒃ ᐃᓕᓮᔨᒧᑦ, ᐃᓕᓐᓂᐊᕆᐊᕐᓗᑎᒃ ᐱᖁᔭᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:3

ᓇᖏᓚᐅᕐᐳᑦ ᓇᔪᕐᑕᒥᖕᓂ ᐊᑐᐊᕐᓯᓪᓗᑎᒃ ᐊᒡᓚᖕᓂᒃ ᐊᑕᓂᐅᑉ ᐱᖁᔭᓕᐊᕕᓂᖏᓐᓂᒃ ᑖᒃᑯᐊ ᒎᑎᖓᑦᑕ ᐃᑲᕐᕋᓂᒃ ᐱᖓᓱᓂᒃ, ᐊᒻᒪ ᑭᖑᓂᐊᒍᑦ ᓱᓕ ᐃᑲᕐᕋᓂᒃ ᐱᖓᓱᓂᒃ ᐊᔪᕐᓂᕐᒥᖕᓂᒃ ᐅᖃᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ ᑐᒃᓯᐊᕐᓗᑎᒡᓗ ᐊᑕᓂᕐᒧᑦ ᒎᑎᒥᖕᓄᑦ.

ᐃᓐᖏᕈᑎᑦ 84:7

ᐃᖏᕐᕋᕗᑦ ᐱᔪᓐᓇᕐᓂᕐᒥᑦ ᐱᔪᓐᓇᕐᓂᕐᒧᑦ; ᐊᑐᓂᓪᓗ ᑕᒤᓐᓄᑦ ᒎᑎᐅᔪᒧᑦ ᐅᐸᒍᑎᕗᑦ ᓮᐅᓂᒧᑦ.

ᒨᓯᓯ ᐂᑉᐸᖏᑦ 34:24

ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 13:15

ᒨᓯᓯᐅᑉ ᐱᖁᔭᖏᑦ ᓇᓚᐅᑦᑍᔪᓪᓗ ᐅᖃᐅᓯᖏᑦ ᐅᖃᓕᒫᕐᑕᐅᔭᕇᕐᒪᑕ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᖓᔪᖅᑳᖏᑕ ᐅᖃᐅᑦᔭᐅᔭᕐᑐᖁᕚᒃ ᐅᖃᕐᓗᓂ, “ᐃᓅᖃᑎᒃᑲ, ᐱᕙᓪᓕᕈᑎᒃᓴᒥᒃ ᐃᓄᖕᓄᑦ ᐅᖃᐅᓯᒃᓴᖃᕈᑦᓯ ᐅᖃᓪᓚᖁᔨᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,