ᒨᓯᓯ ᑕᓪᓕᒪᖏᑦ 30:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᓪᓗ ᒎᑎᑦᓯ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ ᐱᕙᓪᓕᐊᑎᑦᓯᐊᕐᓂᐊᕐᐹᓯ; ᕿᑐᕐᖓᑖᕈᒫᕐᐳᓯᓗ ᐅᓄᕐᑐᓂᒃ ᐆᒪᔪᖁᑎᖃᓕᕐᓗᓯᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᐱᕈᕐᓰᕕᖁᑎᓯᓗ ᓂᐊᖂᔭᒃᓴᓂᒃ ᑍᒪᓐᖓᑦ ᐱᕈᕐᕕᐅᖏᓐᓇᓕᕈᒫᕐᐳᑦ. ᖁᕕᐊᓱᑦᓯᐊᕐᓗᓂ ᐃᓕᑦᓯᓐᓂᒃ ᐱᕙᓪᓕᐊᑎᑦᓯᓕᕈᒫᕐᐳᖅ, ᑍᑦᓱᒪᓂ ᓯᕗᓕᕕᓂᓯ ᐱᕙᓪᓕᐊᓂᕆᕙᓚᐅᕐᑕᖏᑎᑐᑦ,

ᒨᓯᓯ ᑕᓪᓕᒪᖏᑦ 30:9 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐂᓮᐊᓯᐅᑉ ᐊᒡᓚᖏᑦ 65:19

ᔨᕉᓴᓕᒻ ᖁᕕᐊᓲᑎᒋᔪᒫᕐᐸᕋ, ᐃᓄᖏᓪᓗ ᖁᕕᐊᒋᓗᒋᑦ; ᕿᐊᕙᓗᒃᑐᑦ ᑐᓴᕐᓴᐅᓚᐅᕐᓯᒪᔪᓐᓃᕈᒫᕐᐳᑦ ᑕᕝᕙᓂ, ᑲᑉᐱᐊᓱᒡᕙᓗᒡᒥᒡᓗ ᓂᓪᓕᕐᑐᖃᓚᐅᕐᓯᒪᔪᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 31:27

“ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ ᐃᓴᕆᐊᓕᐅᑉ ᔫᑕᐅᓪᓗ ᓄᓇᖓ ᑲᓐᖓᕐᓱᐃᕕᒋᔪᒫᕋᒃᑯ ᐃᓄᖕᓂᒃ ᐆᒪᔪᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 31:28

ᓲᕐᓗᑦᑕᐅᖅ ᐱᕈᕐᑎᑦᓯᕙᒃᑲᒪ ᓄᖑᑎᑦᓯᕙᒡᓗᖓᓗ ᓵᓚᐅᑎᑦᓯᕙᒃᑲᒪ ᐊᓯᕈᐃᑎᑦᓯᕙᒡᓗᖓᓗ ᓄᖑᑕᐅᑎᑦᓯᕙᒡᓗᖓᓗ, ᑍᒫᒃᑕᐅᖅ ᐱᕈᕐᑎᑦᓱᒫᕐᐸᒃᑲ ᒪᑭᑎᓪᓗᒋᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᒨᓯᓯ ᐱᖓᔪᖏᑦ 26:4

ᓯᓚ ᓯᓚᓗᒃᑎᖃᑦᑕᕐᓂᐊᕐᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᕐᑐᒥᓂᒃ ᓴᖅᑭᑎᑦᓯᖃᑕᕐᓂᐊᕐᐳᖅ ᓂᕿᒃᓴᓂᒃ ᓇᐹᕐᑐᓂᒡᓗ ᐸᐅᕐᖓᓕᖕᓂᒃ.

ᒨᓯᓯ ᐱᖓᔪᖏᑦ 26:6

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᔪᐊᓇᓯᐅᑉ ᐊᒡᓚᖏᑦ 15:11

“ᑕᒪᒃᑯᓂᖓ ᐅᖃᕐᕕᒋᕙᑦᓯ, ᖁᕕᐊᓱᖕᓂᕋ ᐃᓕᑦᓯᓐᓃᖁᓪᓗᒍ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.

ᒨᓯᓯ ᑕᓪᓕᒪᖏᑦ 28:4

“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 28:63

ᐊᑕᓂᖅ ᑲᑦᓱᖎᕐᓯᒪᓪᓗᓂ ᐃᓕᑦᓯᓐᓂᒃ ᐊᔪᕐᓴᕈᓐᓁᕐᐸᓪᓕᐊᑎᑦᓯᓚᐅᕐᒪᑦ ᐃᓄᒋᐊᒃᓯᕙᓪᓕᐊᑎᑦᓯᓪᓗᓂᓗ, ᑍᒫᒃᑕᐅᖅ ᑲᑦᓱᖎᕐᓯᒪᓗᓂ ᓄᖒᑦᓯᕙᓪᓕᐊᔪᒫᕐᐳᖅ ᓯᖁᒥᑕᐅᕙᓪᓕᐊᑎᑦᓯᓗᓂᓗ. ᓄᓇᒋᔭᑦᓯᓐᓂᓪᓗ ᐊᒧᔭᐅᕙᓪᓕᐊᔪᒫᕐᐳᓯ ᑕᕝᕙᓐᖓᑦ ᓄᓇᑖᕆᓂᐊᓕᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 30:8

ᑕᕝᕙ ᐊᑕᓂᐅᑉ ᓂᐱᖓ ᓈᓚᓕᕋᔭᕆᕙᓯ, ᐱᖁᔭᓕᒫᖏᓪᓗ ᒪᓕᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ.

ᒨᓯᓯ ᑕᓪᓕᒪᖏᑦ 7:14

ᓮᒻᒪᕐᑎᑕᐅᓂᕐᓴᐅᓂᐊᕐᐳᓯᓗ ᐃᓅᖃᑎᓕᒫᑦᓯᓐᓂᑦ ᓄᓇᕐᔪᐊᕐᒦᑦᑐᓂᑦ; ᐊᖑᑎᓂᒃ ᐊᕐᓇᓂᒡᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᓐᖏᓚᖅ, ᐆᒪᔪᖁᑎᑦᓯᓐᓂᓘᓐᓃᑦ ᕿᑐᕐᖓᕐᑖᕈᓐᓇᖏᑦᑐᖃᕐᓂᐊᖏᓐᓂᕗᖅ.