ᒨᓯᓯ ᑕᓪᓕᒪᖏᑦ 30:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ.

ᒨᓯᓯ ᑕᓪᓕᒪᖏᑦ 30:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 2:17

ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”

ᐃᓐᖏᕈᑎᑦ 119:111

ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.

ᐃᓐᖏᕈᑎᑦ 119:173

ᐊᒡᒐᒃᐱᑦ ᐊᑐᐃᓐᓇᐅᕕᒋᓕᖓ ᐃᑲᔪᕐᑕᐅᖁᓪᓗᖓ, ᐱᓇᓱᐊᕐᑕᐅᖁᔭᑎᑦ ᓂᕈᐊᕐᓯᒪᒐᒃᑭᑦ.

ᐃᓐᖏᕈᑎᑦ 119:30

ᓱᓕᑦᓯᐊᕐᑐᒥ ᐃᓅᓯᖃᕈᒪᓂᖅ ᓂᕈᐊᓚᐅᕐᐸᕋ; ᐊᑐᕐᑕᐅᖁᔭᑎᑦ ᓯᕗᓂᕆᓚᐅᕐᐸᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:29

ᑐᑭᓯᐅᒪᓂᖅ ᓇᕐᕈᒋᓚᐅᕐᒪᑦᔪᒃ ᐊᑕᓂᕐᒥᒡᓗ ᐃᓕᕋᓱᒍᒪᓚᐅᕋᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:28

ᐃᓱᐊᕐᑐᓕᓂᐅᑉ ᐊᖅᑯᑎᖓᓂ ᐃᓅᓯᐅᕗᖅ, ᐊᖅᑯᑎᒋᔭᖓᓂᓗ ᑐᖁᓐᓇᕐᑐᕐᑕᖃᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:36

ᐅᕙᓐᓂᒃ ᓇᓂᓯᖏᑦᑐᖅ ᓇᖕᒥᓂᖅ ᐋᓐᓂᐊᑎᑉᐳᖅ; ᐅᕙᓐᓂᒃ ᐆᒥᓱᒃᑐᑦ ᑐᖁᒥᒃ ᐅᖓᕗᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:11

ᐅᕙᒃᑯᑦ ᐅᓪᓗᕆᓛᕐᑕᑎᑦ ᐅᓄᕐᓯᑎᑕᐅᓂᐊᕐᐳᑦ, ᐊᕐᕌᒍᐃᓪᓗ ᐃᓅᕕᒋᓂᐊᕐᑕᑎᑦ ᐃᓚᔭᐅᓂᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 56:4

ᐃᒫᒃ ᐊᑕᓂᖅ ᐅᖃᕐᒪᑦ; ᕿᑐᕐᖏᑦᔧᕐᑎᑕᐅᓯᒪᔪᓄᑦ ᐊᖑᑎᓄᑦ ᑲᒪᑦᓯᐊᕐᐸᒃᑐᓄᑦ ᓴᐸᑎᒥᒃ, ᒪᓕᒍᒪᔭᖃᓕᕐᑐᓪᓗ ᖁᕕᐊᒋᔭᓐᓂᒃ ᐊᖏᖃᑎᒌᒍᑎᒋᓯᒪᔭᓐᓂᒡᓗ ᑲᒪᑦᓯᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 21:8

“ᐃᓄᐃᑦ ᐅᖃᐅᑎᒃᑲᓐᓂᒃᑭᑦ, ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᒋᑦ, ᐅᖃᐅᑎᕙᑦᓯ ᐃᓅᓯᖃᕐᓇᕐᑐᒥᒃ ᑐᖁᒧᐊᕐᓇᕐᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 42:21

ᒫᓐᓇᓕ ᐅᖃᐅᑎᓕᕋᑦᓯ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔭᐅᖁᔭᖏᓐᓂᒃ, ᓈᓚᓐᖏᓚᓯ ᐊᑕᓂᐅᑉ ᓂᐱᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 10:42

ᐊᑕᐅᓯᕐᓕ ᐱᔭᕆᐊᖃᓗᐊᕐᑐᑑᕗᖅ. ᒥᐊᕆ ᐱᐅᓂᕐᓴᒥᒃ ᐱᔪᒪᖕᒪᑦ, ᑖᓐᓇ ᐊᕐᓵᕐᑕᐅᓂᐊᓐᖏᓚᖅ ᑕᒪᑐᒥᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:39

ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”

ᒨᓯᓯ ᑕᓪᓕᒪᖏᑦ 11:26

“ᑕᑯᒋᑦ, ᐅᓪᓗᒥ ᐊᑐᐃᓐᓇᕈᐃᕕᒋᕙᑦᓯ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ;

ᒨᓯᓯ ᑕᓪᓕᒪᖏᑦ 30:1

“ᒫᓐᓇ ᐃᓱᒪᕐᓱᕐᓗᓯ ᓂᕈᐊᕐᕕᒃᓴᖃᕐᑎᑉᐸᑦᓯ ᓇᓪᓕᐊᓐᓂᑐᐃᓐᓇᖅ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ. ᑕᒪᒃᑯᐊᓕᒫᑦ ᐃᓕᑦᓯᓐᓄᑦ ᑎᑭᐅᑎᓯᒪᓕᕐᓂᖏᑕ ᑭᖑᓂᖓᒍᑦ, ᐃᓅᖃᑎᒌᒡᔪᐊᓂᓗ ᓄᓇᖃᓕᕐᑎᓪᓗᓯ ᐊᑕᓂᐅᑉ ᒎᑎᑦᓯ ᓇᒧᑐᐃᓐᓇᖅ ᓯᐊᒻᒪᕐᑎᓯᒪᖕᒪᓯ, ᐃᖅᑲᐅᒪᔪᒃᓴᐅᕗᓯ ᐱᕕᒃᓴᖃᑦᓯᐊᕐᑎᑦᓯᓚᐅᕐᓂᓐᓂᒃ ᓇᓪᓕᐊᓐᓂᑐᐃᓐᓇᖅ ᓂᕈᐊᕈᓐᓇᕐᓗᓯ.

ᒨᓯᓯ ᑕᓪᓕᒪᖏᑦ 30:15

“ᐅᓪᓗᒥ ᒪᓂᑦᔨᕗᖓ ᐃᓕᑦᓯᓐᓄᑦ ᐃᓅᓯᕐᒥᒃ ᐱᐅᔪᒥᒃ, ᑐᖁᒥᒡᓗ ᐱᐅᖏᑦᑐᒥᒃ.

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 31:28

ᑭᖑᕚᕇᑦ ᐊᖓᔪᖅᑳᓕᒫᖏᑦ ᐊᐅᓚᑦᓯᔨᐅᔪᓪᓗ ᐅᕙᓐᓄᑦ ᕾᖁᓚᐅᕐᓯᐅᒃ, ᒪᑯᓂᖓ ᐅᖃᐅᑎᓂᐊᕋᒃᑭᑦ; ᕿᓚᒡᓗ ᓄᓇᓗ ᓇᓗᓁᕐᓯᔨᒋᓂᐊᕐᐹᒃᑲᒃ ᑖᒃᑯᓂᖓ ᓈᒻᒪᒃᓴᖏᓐᓂᓐᓂᒃ.

ᒨᓯᓯ ᑕᓪᓕᒪᖏᑦ 32:1

“ᕿᓚᐅᔪᑎᑦ ᑐᓵᓚᐅᕆᑦ, ᐅᖃᓪᓚᖕᓂᐊᕋᒪ; ᓄᓇᕐᔪᐊᕐᓗ ᖃᓂᕐᒪ ᐅᖃᐅᓯᖏᓐᓂᒃ ᑐᓵᓚᐅᕐᓕ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.